(අජිත්ලාල්  ශාන්තඋදය )
 
අලුත උපන් දරුවා නිවස අසළ කැලෑවකට වීසි කළ බව කියන 36 හැවිරිදි තිදරු මවක් අද (27) අලූයම අත්අඩංගුවට ගත් හම්බෙගමුව පොලීසිය වීසි කළ දරුවා ද සමඟ ඇය ඇඹිලිපිටිය දිසා මහ රෝහලට ඇතුළු  කර තිබේ.
 
හම්බෙගමුව, රතඹලාගම ප‍්‍රදේශයේ කැලෑ රොදක බිළිදෙකු හඩන බවට පොලිස් හදිසි ඇමතුම් අංශයට කළ දැනුම්දීමක් අනුව හම්බෙගමුව පොලිසිය වීසි කළ දරුවා ද සොයාගෙන තිබිණි.
 
දරුවා විසිකර ඇත්තේ ඊයේ දී (26) රාත‍්‍රී 09.30ට පමණ බව දැනගන්නට ලැබුණ බව පොලිසිය පවසයි.
 
අත්අඩංගුවට පත්ව ඇත්තේ හම්බෙගමුව, රතඹලාගම ප‍්‍රදේශයේ පදිංචි විවාහක තිදරු මවකි.
 
අද පාන්දර 05.30 වනතුරු අලූත උපන් කිරිකැටි දරුවා සීතලයට ගැහෙමින්, කුසගින්නේ හඩමින් සිටියදී සොයාගෙන බිළිදාගේ මව ද  සමඟ හම්බෙගමුව රෝහලට ඇතුළත් කිරිමෙන් පසු ඔවුන් දෙදෙනාම වහාම ඇඹිලිපිටිය දිසා මහ රෝහලට මාරුකර යවා ඇත. 
 
හම්බෙගමුව පොලීසියේ ස්ථානාධිපති පොලිස් පරීක්‍ෂක ආර්. රාජපක්‍ෂ මහතාගේ මෙහෙයවීම මත උපන්ගමන් බිළිඳා කැලේට වීසි කිරිමට හේතු කුමක්ද යන්න සෙවීමට කාන්තා අංශයේ නිලධාරිනියන් ඇතුළු නිලධාරීහූ වැඩිදුර පරීක්‍ෂණ පවත්වති.