(සමන් විජය බණ්ඩාර)
 
කසිප්පු මුදලාලිගෙන් අල්ලස් වශයෙන් රුපියල් 60,000 ක් ලබාගත් අරණායක පොලිසියේ උප පොලිස් පරික්ෂකයකු ඇතුළු පොලිස් සැරයන්වරු දෙදෙනෙකුගේ වැඩ තහනම් කිරිමට කෑගල්ල ජ්‍යෙෂ්ඨ පොලිස් අධිකාරි නියමයෙන් අරණායක මාවනැල්ල භාර සහකාර පොලිස් අධිකාරි මහතා විසින් අද (24) තීරණය කර ඇති බව පොලිසිය පවසයි.

අරණායක පොලිස් බල ප්‍රදේශයට අයත් අරණායක, අම්බලකන්ද, පෝඩාපය ප්‍රදේශයේ දී ඊයේ 23 ත්‍රීරෝද රථයක් පරික්ෂාවට ලක් කරන ලද අරණායක පොලිසියේ උප පොලිස් පරික්ෂක රත්නායක, පොලිස් සැරයන්වරුන් වන 46091 චන්දන කුමාර, සහ 33743 ආශෝක යන මහත්වරුන්ට අංක 5839 දරණ ත්‍රීරෝද රථයේ තිබි කසිප්පු බෝතල් 80 ක් හමුවී ඇත්තේ එම නිතීවිරෝධි කසිප්පු ප්‍රවාහනයේ යෙදී සිටින අතරවාරයේදිය.

මෙම ත්‍රීරෝද රථයේ රියදුරා ලෙස කටයුතු කර ඇත්තේද කසිප්පු නිතී විරෝධි ලෙස අලෙවි කරන මෙම සැකකරු විසිනි. අරණායක පෝඩාපය කන්ද ප්‍රදේශයේ දී පොලිසියට කොටු වු මෙම සැකකරුට පොලිස් නිලධාරින් තිදෙනා පවසා ඇත්තේ මෙම කසිප්පු බෝතල් 80 න් කසිප්පු බෝතල් 25 කට නඩු පවරා දිය හැකි බවත් ඒ සඳහා වෙනත් පුද්ගලයෙකු ඉදිරිපත් කර දෙන ලෙසයි. නඩුව වෙනුවෙන් ඒ සඳහා අල්ලස් වශයෙන් රුපියල් 60,000 ක් ක් ඉල්ලා ඇත.

පසුව සැකකරු විසින් පොලිසිය ගෙනා එම යෝජනාවට කැමැත්ත ප්‍රකාශ කර පොලිසියට ඒ වෙනුවෙන් ලබා දෙන ලෙස ඉල්ලු රුපියල් 60,000 ක මුදල පොලිස් නිලධාරින්ට ලබා දි ඇත. එම හැටදහසක මුදල රුපියල් විසිදහස බැගින් පොලිස් නිලධාරින් තිදෙනා බෙදා ගෙන තිබිණි.

මෙම නිතීවිරෝධි ක්‍රියාව සිදු කරන ලද සැකකරු සමග අල්ලස් ගත් චෝදනාව සම්බන්දයෙන් කෑගල්ල පොලිස් අධිකාරි කේ.බි. කීර්තිරත්න මහතා කිසියම් පුද්ගලයෙකු විසින් කරන ලද දැනුවත් කිරිම අනුව මේ සම්බන්ධයෙන් වහාම පරික්ෂණයක් සිදු කිරිමට සහකාර පොලිස් අධිකාරි ධර්මරත්න මහතා පොලිස් අධිකාරි මහතාගේ නියෝගයෙන් සිද්ධිය ගැන විමර්ශනයට ඒවා ඇත.

එම පරික්ෂණය සිදුකර සහකාර පොලිස් අධිකාරිවරයාට අල්ලස් ගත් පොලිස් නිලධාරින්ගෙන් මුලින්ම ප්‍රශ්න කරද්දී ඔවුන් එය සාවද්‍ය ප්‍රකාශයක් බව අගවා ඇත. පසුව ඔවුන් සන්තකයේ තිබී අල්ලස් ලෙස ලබා ගත් මුදල් හමු වි ඇති අතර ඒ අනුව මොවුන්ගේ වැඩ අද දිනයේ තහනම් කරන ලද බව ජ්‍යෙෂ්ඨ පොලිස් නිලධාරින් කිහිප දෙනෙකු විසින් මාධ්‍ය වෙත පැවසීය.