කොළඹ ඉන්දීය මහ කොමසාරිස් කාර්යාලය 2020-2021 අධ්යයන වර්ෂය වෙනුවෙන් අයි.සී.සී.ආර්. ශිෂ්යත්ව සඳහා අයඳුම්පත් කැඳවා ඇත.
නේරු අනුස්මරණ, මවුලානා අසාද්, රජිව් ගාන්ධි සහ පොදු රාජ්ය මණ්ඩලයීය යන වැඩසටහන් යටතේ ශිෂ්යත්ව පිරිනැමේ.
නේරු අනුස්මරණ ශිෂ්යත්ව වැඩසටහන යටතේ ඉංජිනේරු විද්යාව, විද්යාව, ව්යාපාර අධ්යයනය, ආර්ථික විද්යාව, වාණිජ්යය, මානව සමාජ විද්යාව සහ කලා ඇතුළු සියලු උපාධි පාඨමාල සඳහා අයඳුම්පත් කැඳවා තිබේ. එනමුත් වෛද්ය, පරිපූරික වෛද්ය සහ විලාසිතා නිර්මානකරණය යන විෂය මෛ වැඩසටහනින් ආවරණය නොවේ.
මවුලානා අසාද් ශිෂ්යත්ව වැඩසටහන යටතේ ඉහත කී විෂය ක්ෂේත්රවල ශාස්ත්රපති උපාධි පාඨමාලා සඳහා අයඳුම්පත් යොමු කළ හැකිය. එම ශිෂ්යත්ව වැඩසටහනෙන් ද වෛද්ය, පරිපූරික වෛද්ය සහ විලාසිතා නිර්මානකරණය යන විෂය ආවරණය නොවන අතර එහෙත් ඉංජිනේරු විද්යාව, විද්යාව සහ කෘෂිකර්මාන්තය යන විෂය ක්ෂේත්රවලට වැඩි ඉඩක් කරන බව ඉන්දීය මහ කොමසාරිස් කාර්යාලය සඳහන් කරයි.
රජිව් ගාන්ධි ශිෂ්යත්ව වැඩසටහන යටතේ ඉංජිනේරුකරුණ සහ තොරතුරු තාක්ෂණ ක්ෂේත්රයේ උපාධි පාඨමාලා සඳහා ශිෂ්යත්ව පිරිනැමේ.
පොදු රාජ්ය මණ්ඩලයීය ශිෂ්යත්ව වැඩසටහන වෛද්ය, පරිපූරක වෛද සහ විලාසිතා නිර්මාණකරණය හැර අනෙකුත් සියලු විෂය යටතේ ආචාර්ය උපාධි පාඨාමාලා සඳහා අයඳුම්පත් කැඳවේ.
ඉන්දීය රජයේ සුදුසුකම් සපුරන ශ්රී ලාංකිකයන්ට ඉන්දියාවේ ඉහළම විශ්ව විද්යාලවල උපාධි, පශ්චාත් උපාධි සහ ආචාර්ය උපාධි පාඨමාලා හැදෑරීම සඳහා අයඳුම්පත් තෝරාගැනේ. ශ්රී ලංකා උසස් අධ්යාපන අමාත්යාංශයේ මඟ පෙන්වීම යටතේ අයඳුම්කරුවන් තෝරාගැනීම සිදු කෙරේ.
සියලුම ශිෂ්යත්ව වැඩසටහන් යටතේ සම්පුර්ණ පාඨමාලා කාලය සඳහා අධ්යයන ගාස්තු, මාසික ජීවන වියදම් දීමනාවක් සහ පොත් සහ ලිපි ද්රව්ය සඳහාවාර්ෂික ප්රදානයක් ලබා දේ. තෝරාගන්න අයදුම්කරුවන්ට විශ්ව විද්යාල තුළ නේවාසිකාගාර පහසුකම් සපයන අතර කිසිදු ශිෂ්යයකුට පෞද්ගලික ස්ථානයකට නවාතැන් ගැනීමට අවසර නොලැබේ. එසේම සියලු ශිෂ්යත්වලාභීන් සඳහා පූර්ණ සෞඛ්ය පහසුකම්, ඉන්දියාවේ ආසන්නතම ගුවන් තොටුපොළ වෙත ගුවන් ගාස්තු සහ ඉන්දියාවේ විවිධ ප්රදේශවල අධ්යාපන චරිකා සඳහා වාර්ෂික දීමනාවක් ද වෙනත් දීමනා රැසක් ද ලබා දේ.
සුදුසුකම් සපුරාලන අයදුම්කරුවන්ට නගර සැලසුම්, ජල සම්පාදන සහඋසස් අධ්යාපන අමාත්යාංශයේ www.mohe.gov.lk යන වෙබ් අඩවියෙන් අයදුම්පත් ලබාගත හැකිය. දෙසැම්බර් 16 වැනි දිනෙන් අයඳුම්පත් බාරගැනීම අවසන් වේ.
(055)
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අයි.සී.සී.ආර් ශිෂ්යත්ව සඳහා අයදුම්පත් කැඳවේ