නාලක සංජීව දහනායක
ශ්රී ලංකා ප්රජාතාන්ත්රික සමාජවාදී ජනරජයේ 22 වැනි අග්රාමාත්යවරයා ලෙස හිටපු ජනාධිපති හා කුරුණෑගල දිස්ත්රික් පාර්ලිමේන්තු මන්ත්රී මහින්ද රාජපක්ෂ මහතා හෙට (29) පෙරවරු 11.00 ට අග්රාමාත්ය ලේකම් කාර්යාලයේදී වැඩ බාර ගැනීමට නියමිතය.
මහින්ද රාජපක්ෂ මහතා පසුගිය 26 වැනිදා ජනාධිපති මෛත්රීපාල සිරිසේන මහතා විසින් අග්රාමාත්යවරයා ලෙස පත්කරනු ලැබීය.
මීට පෙර අමාත්යධූර රාශියක් හොබවා ඇති මහින්ද රාජපක්ෂ මහතා පාර්ලිමේන්තුවේ විපක්ෂනායක ධුරයද දැරීය. හෙතෙම මෙරට 13 වැනි අග්රමාත්යවරයා ලෙස 2004 සිට 2005 වසර දක්වා කටයුතු කළේය. අනතුරුව 2005 වසරේ සිට 2015 වසර දක්වා දෙවතාවක් මෙටර පස්වැනි විධායක ජනාධිපතිවරයා ලෙස කටයුතු කළේය.
හිටපු නියෝජ්ය කතානායකවරයකු වූ ඩී.ඒ රාජපක්ෂ හා දන්දිනා සමරසිංහ යන දෙපළට දාව 1945 නොවැම්බර් 18 වැනිදා උපත ලද මහින්ද රාජපක්ෂ මහතා 1970 වසරේ පැවැති මහාමැතිවරණයට ශ්රී ලංකා නිදහස් පක්ෂයෙන් බෙලිඅත්ත මැතිවරණ කොට්ඨාසයට තරඟ කරමින් පාර්ලිමේන්තුවට තේරී පත්විය. හෙතෙම එම පාර්ලිමේන්තුවේ ලාබාලතම මන්ත්රීවරයා බවට පත්විය.
1977 වසරේ පැවැති පාර්ලිමේන්තු මැතිවරණයෙන් පරාජයටපත්වූ හෙතෙම නැවැතත් 1989 වසරේ පැවැති මහා මැතිවරණ තරඟකරමින් පාර්ලිමේන්තුවට තේරීපත්වෙමින් 1994 වසර දක්වා විපක්ෂයේ මන්ත්රීවරයකු ලෙස කටයුතු කළේය. එහිදී 88/89 වසරවල පැවැති භීෂණ යුගයේදී විපක්ෂයේ පීඩාවටපත් වූ ජනතාව වෙනුවෙන් කැපවී ක්රියා කළේය.
නැවතත් 1994 වසරේ පැවැති මැතිවරණයෙන් ශ්රී ලංකා නිදහස් පක්ෂය ප්රමුඛ පොදුජන එක්සත් පෙරමුණ ජයගැනීමත් සමඟම එම රජයේ කම්කරු අමාත්යවරයා ලෙස පත්වූ අතර 1997 වසරේ සිදුවූ කැබිනට් සංශෝධනයත් සමඟම ධීවර හා ජලජ සම්පත් අමාත්යවරයා ලෙස පත්විය.
2002 වසරේදි රත්නසිරි වික්රමනායක මහතා විපක්ෂනායක තනතුරින් ඉල්ලා අස්වීමත් සමඟම මහින්ද රාජපක්ෂ මහතා විපක්ෂනායක ධූරයට පත්විය. 2004 වසරේ පැවැති මහාමැතිවරණයෙන් ජයගත් ඒ මහතා මෙරට 13 වැනි අග්රාමාත්යවරයා ලෙස පත්කරනු ලැබීය.අනතුරුව 2005 නොවැමිබර් 17 වැනිදා පැවති ජනාධිපතිවරණය ජයගනිමින් මෙරට පස්වැනි විධායක ජනාධිපවරයා ලෙස තේරීපත්විය. හෙතෙම 2015 ජනවාරි 8 වැනිදා දක්වා විධායක ජනාධිපතිවරයා ලෙස කටයුතු කළේය.
2015 වසරේ පැවැති ජනාධිපතිවරණයෙන් ජරාජය වූ රාජපක්ෂ මහතා එම වසරේ අගෝස්තු මාසයේ පැවැති මහා මැතිවරණය සඳහා කුරුණෑගල දිස්ත්රික්කය නියෝජනය කරමින් පාර්ලිමේන්තුවට තේරීපත්විය.
මහින්ද රාජපජෂ මහතා ගාල්ල මහින්ද, කොළඹ තර්ස්ටන් හා නාලන්දා විද්යාලවල ආදි සිසුවෙකි.
වෘත්තියෙන් නීතීඥවරයකු වන මහින්ද රාජපජෂ මහතා තිදරු පියෙකි. ඔහුගේ වැඩිමහල් පුත් නාමල් රාජපක්ෂ මහතා වර්තමානයේදී හම්බන්තොට දිස්ත්රික්කය නියෝජනය කරමින් පාර්ලිමේන්තු මන්ත්රීවරයකු ලෙස කටයුතු කරමින් සිටී.
බ්රසීලයේ රියෝ ඩි ජෙනෙයිරෝ බැංකුවට රෝද පුටුවක තබා ගත් මළ සිරුරක් රැගෙනවිත් එම මියගිය පුද්ගලයාගේ නමට ඇමෙරිකානු ඩොලර් 3250 ක (ශ්රී ලංකා රුපියල් ලක්ෂ 10 කට ආ
විශ්ව විද්යාලවල නවක වදය අඩුකිරීම සඳහා වෙසක් සමයේදී මෛත්රී මාසය යන තේමාව යටතේ නවකවද විරෝධී වැඩසටහනක් ආරම්භ කිරීමට උසස් අධ්යාපන අමාත්යාංශය තීරණය ක
යාපනය නාගදීප ප්රදේශයේ දී ප්රසව වේදනාවෙන් සිටි මවක් රෝහලට මුහුදු මාර්ගයෙන් රැගෙන යමින් සිටිය දී මගී යාත්රාවක් තුල දී බිළිඳෙකු ප්රසූත කර ඇති බවට වා
අම්පාර සිට වැලිමඩට හාල් තොගයක් ප්රවාහනය කරමින් තිබූ කන්ටේනර් ටැංකියක් සහිතව ධාවනය වූ විශාල ලොරි රථයක් අද( 19 ) බදුල්ල නුවරඑළිය ප්රධාන මාර්ගයේ වේල්ලව
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉරානය පසුගියද ඊශ්රායලයට එල්ල කළ ප්රහාරයට පිළිතුරු වශයෙන් ඊශ්රායල අද(19) අලුයම ඉරානයේ ඉස්ෆාහන් නගරය ආසන්නයට මිසයිල ප්රහාරයක් එල්ල කර ඇතැයි ඇමෙරිකා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අගමැති මහින්ද හෙට වැඩ බාර ගනී
chathuri Monday, 29 October 2018 02:42 AM
ජයරත්න එකටත්. කියන්න ලෑස්ති වෙලා ඉන්න කියලා