ඇමැති දෙපොළකගේ ගැටුමක්
(බිඟුන් මේනක ගමගේ)
ආපදා කළමනාකරණ ව්යාපෘතියක් යටතේ අබලන් වූ මාර්ග කඩිනමින් ප්රතිසංස්කරණය කිරීමෙහි නිරත වූ ඉදිකිරීම්කරුවන් රැසකට ගෙවිය යුතු රුපියල් කෝටි 350 ක පමණ මුදලක් ස්වදේශ කටයුතු ඇමැති වජිර අබේවර්ධන හා ආපදා කළමනාකරණ ඇමැති දුමින්ද දිසානායක යන ඇමැතිවරුන් අතර හටගෙන ඇති විවාදයක් හේතුවෙන් මාස අටක් තිස්සේ ගෙවීම් පැහැර හැර ඇතැයි විශ්වාසනීය ආරංචි මාර්ග ප්රකාශ කරයි.
ගංවතුර හේතුවෙන් අබලන් වූ දිස්ත්රික්ක හතක මාර්ග මෙසේ කඩිනමින් ප්රතිසංස්කරණය කිරීම ස්වදේශ කටයුතු අමාත්යාංශය යටතේ සිදුකර ඇති අතර ඊට අදාළ ගෙවීම් කිරීම සඳහා කැබිනට් අනුමැතිය ලබා ගැනීමට යාමේදී ආපදා කළමනාකරණ ඇමැති දුමින්ද දිසානායක මහතා ඊට විරුද්ධව අදහස් ප්රකාශ කර තිබේ.
ආපදා කළමනාකරණ ඇමැති දුමින්ද දිසානායක මහතා ඊට හේතු ලෙස දක්වා තිබෙන්නේ අදාළ ව්යාපෘතිය ආපදා කළමනාකරණ විෂයට අයත් බැවින් වෙනත් අමාත්යංශයකට එසේ මුදල් වෙන්කරවා ගත නොහැකි බවටය.
මෙම විවාදය නිසා ජනාධිපතිවරයා අදාළ ඇමැතිවරුන් දෙදෙනාටම එකඟතාවකට පැමිණ එම ප්රශ්නය විසඳා ගන්නැයි යෝජනා කර ඇත.
මේ සම්බන්ධයෙන් අප කළ විමසීමේදී 2017 වසරේ ඔක්තෝබර් සිට දෙසැම්බර් දක්වා කාලයේදී මෙම ඉදිකිරීම් කඩිනමින් නිමා කළේ නමුත් මෙතෙක් තමන්ට හිමි ගෙවීම් කර නැතැයි අදාළ ඉදිකිරීම් කළ සමාගම් කීපයකම හිමිකරුවෝ පැවසූහ.
මේ නිසා සිය සේවකයන්ට වැටුප් ගෙවීමටත් සෙසු ඉදිකිරීම් කටයුතුවලට ආයෝජනය කිරීමටත් මුදල් නොමැතිකමින් තමන් දැඩි පීඩාවකට පත්ව සිටිතැයි ඔවුහු පැවසූහ. ආපදා කළමනාකරණ ඇමැති දුමින්ද දිසානායක මහතාගෙන් මේ ගැන විමසීමට උත්සාහ කළ ද ඔහු දුරකථනයට ප්රතිචාර දැක්වූයේ නැත.
මේ සම්බන්ධයෙන් ස්වදේශ කටයුතු අමාත්යාංශයේ ලේකම් එස්.ටී. කොඩිකාර මහතාගෙන් අප කළ විමසීමේදී, මෙම ඉදිකිරීම්කරුවන්ට රුපියල් කෝටි 350 ක හිඟ මුදල් ගෙවීමට ඇතැයි ද ඊට අවශ්ය කැබිනට් අනුමැතිය ලැබී ඇතැයි ද පැවැසීය.
ඒ අනුව ඉදිරි සති දෙක ඇතුළත එම මුදල් ගෙවීමට හැකි බවට තමා සහතික වන්නේ යැයි ද කොඩිකාර මහතා වැඩිදුරටත් පැවැසීය.
මේ වෙනවිට අර්බුදයකට ලක්ව ඇති ශ්රී ලංකා නිදහස් පක්ෂයේ බලය අල්ලා ගැනීමට ශ්රී ලංකා පොදුජන පෙරමුණෙන් ඉවත්ව සිටින පිරිසක් සහ ආණ්ඩුවට සම්බන්ධ වී සිටින ශ්
පාස්කු ප්රහාරයට සම්බන්ධ පුද්ගලයන් පිළිබඳව හිටපු ජනාධිපති මෛත්රීපාල සිරිසේන මහතාට තොරතුරු හෙළි කළැයි කියන පුද්ගලයා හඳුනා ගැනීම සඳහා රහස් පොලීසිය
වාණිජ ණය ප්රතිව්යුහගතකරණය යටතේ ජාත්යන්තර පෞද්ගලික ණය හිමියන්ගේ ණය ප්රතිව්යුහගතකරණයට අදාළ තීරණාත්මක සාකච්ඡාවක් එම ණය හිමියන් නියෝජනය කරන කමිට
මහ මැතිවරණයට පෙර ජනාධිපතිවරණය පැවැත්වීමට ආණ්ඩුවේ ප්රධානීන්ගේ අවධානය යොමුවී ඇතැයි වාර්තාවේ. සාකච්ඡා වට ගණනාවකදීම ඉහළම ප්රමුඛත්වය ලැබී ඇත්තේ ජනාධ
රටේ දැවැන්ත ආර්ථික අර්බුදයක් පවතින අවස්ථාවක ශ්රී ලංකා මහ බැංකුවේ නිලධාරීන් සියයට 70 ක් දක්වා ප්රමාණයන්ගෙන් තම තමන්ගේ වැටුප් වැඩි කර ගෙන ඇතැයි කියන ක
පසුගිය වසරේ මුල් මාස නවයේදී දෙලක්ෂ විසි හතර දහස් එකසිය තිස් තුන් දෙනකු විදේශ රුකියාවලට පිටත්ව ගොස් ඇතැයි ශ්රී ලංකා මහා බැංකුවේ වාර්තාවල දැක්වෙන බව පේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කම්කරු වැටුප් කෝටි 350ක් හිරවෙලා