නව කොරෝනා වයිරසයේ ව්යාප්තිය පාලනය කිරීම සඳහා පැනවූ සීමා ලිහිල් කරමින් කඩසාප්පු සහ අවන්හල් විවෘත කිරීමට සිංගප්පූරුව අද (19) පියවර ගත්තේය.
නව කොරෝනා වයිරසය හෙවත් ‘කොවිඩ්-19’ වසංගතය ව්යාප්ත වීම පාලනය කිරීම සඳහා පැනවූ දැඩි සීමා ලිහිල් කළ ද එයින් උද්දාමයට පත් නොවිය යුතු යැයි ද මෙතෙක් පවත්වාගෙන පැමිණි සෞඛ්යාරක්ෂිත ක්රමවේද සහ ක්රියාමාර්ග තවදුරටත් පවත්වාගෙන යන්නැයි ද එරට බලධාරීහු ජනතාවගෙන් අවධාරණයෙන් ඉල්ලා සිටියහ.
වයිරසය පැතිර යෑම වැළැක්වීම සඳහා සිංගප්පූරුව මාස දෙකකට ආසන්න කාලයක් ‘අර්ධ ලොක්ඩවුන්’ සීමා පනවා තිබිණි.
සති ගණනාවක් වසා දමා තිබූ සම්භාහන ස්ථාන, ක්රීඩා ස්ථාන, මුහුදු වෙරළ, අනෙකුත් ස්ථාන ද මහජනතාව සඳහා නැවත විවෘත කිරීමට සිංගප්පූරු බලධාරීහු අද (19) අවසර දුන්හ.
මහජන එක්රැස්වීම්වලට අවසර දී ඇති නමුත් එක් අවස්ථාවකදී එක්රැස් විය හැක්කේ පස් දෙනකුට පමණි. එමෙන්ම මුඛ ආවරණ පැළැඳීම සහ සමාජ දුරස්ථභාවය පවත්වා ගැනීම අනිවාර්ය වේ.
සිංගප්පූරුව කොරෝනා වයිරසය පැතිර යෑම වැළැක්වීම සඳහා මුලින්ම සීමා පැනවූයේ පසුගිය අප්රේල් මස මුලදී ය. පාසල් සහ අත්යවශ්ය නොවන සියලු ව්යාපාර වසා දැමිණි.
සිංගප්පූරුව පරීක්ෂා කිරීම, ආසාදිතයන් සහ ඔවුන්ගේ ආශ්රිතයන් හඳුනාගැනීම සඳහා කඩිනම් ක්රියාමාර්ග ගත් අතර එම නිසා වයිරසය ව්යාප්ත වීම වළක්වාගැනීමට හැකියාව ලැබිණි.
සිංගප්පූරුවේ ජනගහනය මිලියන 5.7ක් වන අතර අත්යවශ්ය හේතුවක් නැතිනම් තවදුරටත් නිවසේ රැඳී සිටින්නැයි ද එරට බලධාරීන් ජනතාවට දැනුම් දී ඇත.
අග්නිදිග ආසියාවෙන් දෙවැනියට වැඩිම ආසාදිතයන් ගණනක් වාර්තා වන්නේ සිංගප්පූරුවෙනි. සිංගප්පූරුවෙන් අද (19) පස්වරු වනවිට වාර්තා වූ සමස්ත ආසාදිතයන්ගේ ගණන 41,000ක් ඉක්මවා ගොස් තිබිණි. ඔවුන්ගෙන් වැඩිදෙනා කුඩා නිදනකාමරවල සිටින විදේශික සේවකයන් ය. සිංගප්පූරුවෙන් වාර්තා වන මරණ ගණන 26කි.
‘‘හැමෝම මේ දවස එනතෙක් බලාගෙන හිටියා. ඒත් ප්රීතියෙන් උද්දාමයට පත්වෙලා සමරන්න යන්න එපා’’ යැයි ෆේස්බුක් සමාජ ජාලය ඔස්සේ සටහනක් තබමින් සිංගප්පූරූ අග්රාමාත්ය ලී සියේන් ලෝන්ග් පැවැසීය.
වයිරසය පැතිර යෑම අවදානමක් ඇති සිනමාශාලා, බීමහල් සහ රාත්රී සමාජශාලා තවදුරටත් වසා දමා ඇත.සජීවී සංගීත වැඩසටහන් සහ රූපවාහිනි වැඩසහන් පැවැත්වීමට ද මෙතෙක් අවසර ලැබී නැත. සජීවී සංගීත වැඩසටහන් සහ රූපවාහිනි වැඩසහන් පැවැත්වීමට ද මෙතෙක් අවසර ලැබී නැත. ව්යාපාර තුළ ද එවැනි වැඩසටහන් පැවැත්විය නොහැකි අතර එම සජීවී සංගීත වැඩසටහන් සහ රූපවාහිනි වැඩසහන්වලදී මෙන්ම ව්යාපාරික ස්ථානවලදී ද පාරිභෝගිකයන් හඬ නඟා කතා කිරීමේදී වයිරසය තිබෙන කෙළ බිඳිති පැතිර යෑමේ අවදානමක් තිබීම ඊට ප්රධාන හේතුව වී තිබේ.
ඒ.එෆ්.පී./රොයිටර්ස්
055
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්රභේදයක්, මේ වනවිට, එක්සත් රාජධානිය පුරා ව්යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්ය සේවා අධ්යක්ෂ ජනරාල්වරයා පස්වරුවේ නිවේදනය කළේය.
‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (23) පස්වරුවේ තහවුරු කළේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිංගප්පූරුවේ කඩසාප්පු-අවන්හල් විවෘත කෙරේ