2024 අප්‍රේල් මස 18 වන බ්‍රහස්පතින්දා
2024 අප්‍රේල් මස 18 වන බ්‍රහස්පතින්දා
( අජන්ත කුමාර අගලකඩ )
රටපුරා රෝහල් හා සෞඛ්‍ය මධ්‍යස්ථානවල වෛද්‍යවරුන් 4,289 දෙනකුගේ හිඟයක් පවතින බව සෞඛ්‍ය අමාත්‍යංශ වාර්තා පෙන්වා දෙයි. රේඛීය අමාත්‍යංශය යටතේ ඇති රෝහල් හා සෞඛ්‍ය මධ්‍යස්ථානවල වෛද්‍යවරුන් 2,249 දෙනකුගේද පළාත් අමාත්‍යංශ යටතේ ඇති රෝහල් හා සෞඛ්‍ය මධ්‍යස්ථානවල වෛද්‍යවරුන් 2,040 ක දෙනකුගේද හිඟයක් පවතින බව එම වාර්තාවල සඳහන් වේ.
වෛද්‍යවරුන්ගේ හිඟය සම්බන්ධයෙන් සවිස්තර වාර්තාවක් සෞඛ්‍ය ඇමතිනී පවිත්‍රා වන්නිආරච්චි මහත්මිය විසින් ඉකුත්දා කැබිනට් මණ්ඩලයට ඉදිරිපත් කරනු ලැබීය.
වෛද්‍යවරුන් රජයේ සේවයෙන් විශ්‍රාම ගන්නා වයස අවුරුදු 61 දක්වා දීර්ඝ කිරීමට කැබිනට් මණ්ඩලය ඉකුත්දා තීරණය කළේ ද එම වාර්තාව සැළකිල්ලට ගනිමිනි..
රේඛීය අමාත්‍යංශය යටතේ පාලනය වන රෝහල් හා සෞඛ්‍ය ආයතනවල අනුමත වෛද්‍ය නිලධාරීන්ගේ ගණන 13,768 ක් වුවද ඒවායේ දැනට සිටින්නේ වෛද්‍යවරුන් 11,510 දෙනකු බවද එම වාර්තාවෙන් පෙන්වා දී ඇත.
මේ අතර, පළාත් අමාත්‍යංශ යටතේ පාලනය වන රෝහල් හා සෞඛ්‍ය ආයතනවල අනුමත වෛද්‍ය නිලධාරීන්ගේ ගණන 8,651 ක් වුවද ඒවායේ සිටින්නේ වෛද්‍යවරුන් 6,611 දෙනකු බවද එම වාර්තාවේ සදහන් වේ.
බස්නාහිර පළාතේ වෛද්‍යවරුන් 108 දෙනකුගේද, මධ්‍යම පළාතේ වෛද්‍යවරුන් 259 දෙනකුගේද, දකුණු පළාතේ වෛද්‍යවරුන් 389 දෙනකුගේද, උතුරු පළාතේ වෛද්‍යවරුන් 291 දෙනකුගේද, නැගෙනහිර පළාතේ වෛද්‍යවරුන් 282 දෙනකුගේද, වයඹ පළාතේ වෛද්‍යවරුන් 235 දෙනකුගේද, උතුරු මැද පළාතේ වෛද්‍යවරුන් 107 දෙනකුගේද, ඌව පළාතේ වෛද්‍යවරුන් 166 දෙනකුගේද, සබරගමු පළාතේ වෛද්‍යවරුන් 203 දෙනකුගේද හිඟයක් පවතින බව සෞඛ්‍ය අමාත්‍යංශ වාර්තා පෙන්වා දෙයි.
ඉදිරි වසර 5 තුළ වෛද්‍ය පීඨවලින් බිහිකෙරෙන වෛද්‍යවරුන්ගේ ගණන රටේ අවශ්‍යතාවට ප්‍රමාණවත් නොවනු ඇතැයිද, වසරකට වෛද්‍යවරු 1500ක් පමණ සෞඛ්‍ය සේවයට එක්වුවද විශ්‍රාමයාම, වෛද්‍ය පරිපාලනයට පිවිසීම, විදෙස්ගතවීම් ආදිය සලකනවිට ඉතිරිවන පිරිස ඉන් 800ක් පමණ වනු ඇතැයිද එම වාර්තා පෙන්වා දෙයි.
ගුණාත්මක වෛද්‍ය සේවයක් පවත්වාගෙන යාම සඳහා ඉදිරි වසර 5 තුළ අවම වශයෙන් වෛද්‍යවරුන් 7000 ක් පමණ සෞඛ්‍ය ක්‍ෂේත්‍රයට අලුතින් එක්විය යුතු බවද සෞඛ්‍ය අමාත්‍යංශය සිය වාර්තාවෙන් පෙන්වා දී ඇත.
ශ්‍රී ලංකා කාන්තා ක්‍රිකට් පිල දකුණු අප්‍රිකානු කාන්තා ක්‍රිකට් පිලට එරෙහිව දකුණු අප්‍රිකාවේදී පැවැති එක්දින ක්‍රිකට් තරගාවලියේ තෙවැනි සහ අවසන් තර
ඇමෙරිකානු ඩොලරයට සාපේක්‍ෂව ශ්‍රී ලංකා රුපියල දින 16 කට පසුව අවප්‍රමාණය වී ඇති බව ශ්‍රී ලංකා මහ බැංකුව නිවේදනය කරයි.
විදුලි බල ප්‍රතිසංස්කරණ සංශෝධිත පනත් කෙටුම්පතට අදාළ ගැසට් නිවේදනය නිකුත් කර ඇත
‘පාස්තු දින’ ත්‍රස්ත ප්‍රහාරයට වසර පහක් සම්පූර්ණ වන අවස්ථාවේදී එම විනාශකාරී ප්‍රහාරයෙන් මියගිය සියලු දෙනාට පිං අනුමෝදන් කිරීමට ලබන ඉරිදා (21) පෙරවරු 8.45
පාරිසරිකව සිදු කරන වැරදි සම්බන්ධයෙන් තොරතුරු ලබා ගැනීම සඳහා 1997 සහ 1981 යන කෙටි දුරකථන අංක හඳුන්වා දී තිබේ.
හොරණ අඟුරුවාතොට ප්‍රධාන මාර්ගයේ බැල්ලපිටිය පාසල ඉදිරිපිට අද (18) බොල්රෝ වර්ගයේ කැබ්රථයක් සහ ඩිමෝ බට්ටා සැහැල්ලු ලොරි රථයක් එකිනෙක ගැටී සිදුවූ අනතුරින
2024 අප්‍රේල් මස 09
192
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1480
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1395
2
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වෛද්‍යවරුන් 4200 ක හිඟයක්
Mahesh Tuesday, 26 May 2020 03:44 PM
රාජිත ඇමති කාලේ සයිටම් එකත් එක්ක කරපු විකාර වල ප්‍රතිඵල තමයි. සීමාවාසිකව ඉන්න දොස්තරලා ඉක්මණින් යොමු කරන්න.. එතකොට ප්‍රශ්නය විසඳේවි..
ඉරාන් Tuesday, 26 May 2020 04:08 PM
හිඟයකට වඩා ඇත්තේ අසමතුලිත ව්‍යාප්තියකි.
Lankaputha Tuesday, 26 May 2020 04:26 PM
බොරදියේ මාලු බෑමක්...
බද්රානි Tuesday, 26 May 2020 04:28 PM
පහුගිය කාලේ පෞද්ගලික වෛද්‍ය පීඨහරහා වෛද්‍යවරු බිහිවෙයි කියලා බියෙන් සලිත වුණු වෛද්‍යවරු ගැන සෞඛ්‍ය අමාත්‍යාංශය දන්නවද දන්නේ නැහැ. මේ වෙද්දී, ලංකාවේ දොස්තරලගේ පිටරටවල වෛද්‍ය විද්‍යාව හදාරන ළමයි වෛද්‍ය උපාධිය ගන්න කාලේ හරි වගෙයි... උසස් පෙළ සුදුසුකම් නොමැතිව පිටරටවල වෛද්‍ය විද්‍යාව හදාරා මෙරටට පැමිණෙන කිසිවෙක් මෙරට වෛද්‍ය වෘත්තියට බඳවා නොගත යුතුයි.
Lost New generation Tuesday, 26 May 2020 05:26 PM
වෛද්‍ය සංගමය මේ තත්වයට සම්පූර්ණයෙන්ම වගකිව යුතුයි. හැම රජයක්ම මේ හිඟයට පිළියමක් විදියට පුද්ගලික වෛද්‍ය විද්‍යාල ගෙනාවා. වෛද්‍ය සංගමයේ කුහකයින් තමන්ගේ සාක්කුවට තට්ටු වෙන නිසා හැමදාම මේකට අකුල් හෙලුවා. ලංකාවේ දක්ෂ ළමයි බංගලිදේශයේ, නේපාලයේ ගවමඩු වගේ වෛද්‍ය විද්‍යාලවලට ගියා... ලංකාවේ අවස්ථා නැති නිසා.
Perera Tuesday, 26 May 2020 07:04 PM
GOMA එකේ අය ඔය තත්වෙට බොහොම කැමතියි. රටේ වෛද්‍යවරු ගාන වැඩිකරගන්න කිසිම ක්‍රමවේදයකට GOMA එකේ එවුන් කැමති වෙන්නේ නැහැ.
අතපත්තු Tuesday, 26 May 2020 08:30 PM
එහෙනම් කරන්න තියෙන්නෙ ජීව විද්‍යා විෂයය ධාරාවෙන් උසස් පෙල සමත් වෙලා වෛද්‍ය පීඨවලට ඇතුලත් වෙන්න බැරුව ඩෙන්ටල් වෙට් සහ සයන්ස් ෆැකල්ටි යන දරුවන්ට යන්න තව වෛද්‍යපීඨ කීපයක් හදන එකයි. නැතුව සල්ලි තියන අසමත් දරුවන්ට යන්න සයිටම් වගේ ජාවාරම් අටවන එක නෙවෙයි.
Lelwala Wednesday, 27 May 2020 01:45 AM
මහජනයාගේ මුදල්වලින් ඉගෙනගෙන රටට සේවයක් නොකර රට හැර යති. මේක වරද නිකන් දෙන එක...
ඩිල්ෂාන් ප්‍රනාන්දු Wednesday, 27 May 2020 01:49 AM
වෛද්‍යවරුන් හිඟනිසා මිනිස්සු මැරෙන රටේ උසස් පෙළ සමතුන්ට පමණක් වෛද්‍යවරුන් වීමට ඉඩදීම විහිලුවකි. අධ්‍යාපනය ලැබීමට සියලුදෙනා හට ඇති අයිතිය සුරකිමු.
හරේන්Wednesday, 27 May 2020 01:00 PM
උසස්පෙළ වත් කරගන්න බැරි කෙනෙකුට රෝගී ජීවිත බාරදෙන්න පුලුවන්ද? ජීවිත හානියක් වුනොත් කවුද වගකියන්නේ? මම නම් එහෙම දොස්තර කෙනෙක්ගෙන් බෙහෙත් ගන්න කැමති නෑ.
සේන Wednesday, 27 May 2020 05:46 AM
රටේ දැනට ඉන්න වෛද්‍යවරුන්ට අවශ්‍ය මෙන්න මේ තත්ත්වය පවත්වාගෙන යන්න. ඒක තද කුහක ආකල්පයක්. ඒ නිසයි කිසිම පෞද්ගලික වෛද්‍ය විද්‍යාලයක් පවත්වන්න නොදෙන්නේ.... උසස් පෙළින් වැඩිපුර ළමයි වෛද්‍ය විද්‍යාලවලට ගැනීමත්, තත්ත්වයෙන් උසස් පෞද්ගලික වෛද්‍ය විද්‍යාල ඇරීමත් කළ යුතුයි.
ඩිල්ෂාන් ප්‍රනාන්දු Wednesday, 27 May 2020 09:04 AM
රජයේ වෛද්‍ය විද්‍යාල දාගෙන තේරුමක් නෑ. ඒවට ගන්නේ උසස් පෙළ සමත් අය විතරයි. අධ්‍යාපනයට ඇති සීමා ලිහිල් කර සියලු දෙනාට ඒ අයිතිය දෙන්න පුලුවන් පෞද්ගලික වෛද්‍ය විද්‍යාලවලට පමණයි.
අතපත්තු Wednesday, 27 May 2020 01:02 PM
වෛද්‍යවරුන් හිඟයි කියලා අසමත් දරුවන්ව වෛද්‍යවරුන් කරල‍ා හරියනවද?
W M Perera Wednesday, 27 May 2020 06:17 AM
එ්ත් වෛද්‍ය කවුන්සිලය විභාග ප්‍රමාද කරමින් අලුත් දොස්තරලා ගන්න ඉඩදෙන්නේ නැත්තේ කියන එක තමයි බලන්න ඕනෑ. ගොඩක් අය රට ඉඳන් ඇවිත් බලාගෙන ඉන්නවා සේවයට යන්න. එ්ත් ඉඩක් නැහැ විභාග නැතිනිසා...
කරුණාපාල Wednesday, 27 May 2020 07:28 AM
අර බයලොජික් උගන්වන සෑර් කියන විදිහට නම්, බටහිර වෛද්‍ය විද්‍යාව වෙනුවට, දේශීය වෛද්‍යවරුයි බිහිකළ යුත්තේ... සුද්දොත් අපෙන්ලුනේ ඔය වෙදකම ඉගෙනගෙන තියනවා කියන්නේ. ඒවගේම පශු වෛද්‍යවරුන්ගේ නම් ලොකු හිඟයක් තියනවා.