(කාංචන කුමාර ආරියදාස සහ ඉන්දික අරුණ කුමාර )
පොහොර තොග සඟවා වැඩි මිලට අලෙවි කිරීමේ ජාවාරමක් සිදු කරමින් තිබූ නාවුල ප්රදේශයේ වෙළඳසැලක් මාතලේ පාරිභෝගික අධිකාරියේ නිලධාරීන් විසින් වටලා සඟවා තිබූ පොහොර නිලධාරීන් ඉදිරියේ ම පැමිණ සිටි ගොවි ජනතාවට අලෙවි කිරීමේ ක්රියාවලිය අද(24) පස්වරුවේ සිදු කෙරිණි.
මාතලේ පාරිභෝගික අධිකාරියේ ප්රධානියෙක් රේණුක කුමාර මහතා වෙත ලැබුණු තොරතුරක් මත පාරිභෝගික අධිකාරියේ කණ්ඩායමක් නාඋල නගරයට පැමිණ එම වෙළඳසැලෙන් පොහොර මිලදී ගෙන තිබේ.
රුපියල් දහසක් වටිනා යූරියා පොහොර මිටිය රුපියල් 1250 කට පාරිභෝගික අධිකාරියට අලෙවි කර ඇත.
එමෙන්ම පොහොර මිලදී ගැනීම සඳහා පෝලිමේ සිටි ජනතාවට පොහොර නොමැති බව පවසා ඔවුන් පිටත්කර හැරීම සිදුකරන බවට ද පාරිභෝගික අධිකාරියේ නිලධාරීන් නිරීක්ෂණය කර ඇත.
පසුව පාරිභෝගික අධිකාරියේ මාතලේ දිස්ත්රික් ප්රධානියෙක් රේණුක කුමාර මහතා ඇතුළු කණ්ඩායම කෘෂි රසායන අලෙවි සැල පරික්ෂා කිරීමේ දී එහි සඟවා තිබූ යූරියා පොහොර එලවලු පොහොර සහ මඩ පොහොර තොගයක් සොයාගෙන තිබේ.
පසුව පොහොර මිලදී ගෙන යෑම සඳහා පැමිණ සිටි ගොවි මහතුන් වෙත එම පොහොර තොග නියමිත මිල ගණන් යටතේ සියල්ල අලෙවි කිරීමට උපදෙස් ලබාදුන් නතර පාරිභෝගික නිලධාරින් ඉදිරියේම ඒවා අලෙවි කිරීම සිදු විය.
පොහොර මිලදී ගැනීම සඳහා දිගු පෝළිම් වල සිටි ගොවි ජනතාව කියා සිටියේ දින ගණනාවක් තිස්සේ මෙම වෙළඳසැලට පොහොර මිලදී ගැනීමට පැමිණිය ද පොහොර නොමැති බව පවසා පිටත් කර යැවූ බවයි .
වැඩි මිල ගණන් යටතේ පොහොර ඉතා සූක්ෂම ලෙස අලෙවිකිරීමේ කටයුතු ක්රියාත්මක කරන බව ද ගොවීන් කියති .
මාතලේ පාරිභෝගික අධිකාරියේ ප්රධානියා ඇතුළු කණ්ඩායම මෙම වැටලීම සිදු කිරීම නිසා ගොවින් වන තමන්ට පොහොර ටික ලබාගැනීමට හැකිවූ බවත් පාරිභෝගික අධිකාරියට බෙහෙවින් ස්තූතිවන්ත වන බව ගොවීහු මෙහිදී පැවැසූහ.
පාරිභෝගික අධිකාරියේ මාතලේ දිස්ත්රික් ප්රධානීන් රේණුක කුමාර මහතා මෙම වෙළඳ ව්යාපාරිකයාට දැඩි ලෙස අවවාද කළ අතර වැඩි මිලට පොහොර අලෙවි කිරීම සහ පොහොර තොග සඟවා තිබීම යන කාරණා දෙක වෙනුවෙන් නීතිමය පියවර ගන්නා බවද හෙතෙම සඳහන් කළේය.
ඡායාරූප - කාංචන කුමාර ආරියදාස
ඡායාරූප - ඉන්දික අරුණ කුමාර
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වැඩිමිලට පොහොර අලෙවි කළ වෙළෙන්දකුට නීතීමය පියවර