චීනයේ වූහාන් නගරයෙන් ව්යාප්ත වීම ආරම්භ වූ නව කොරෝනා වයිරසය හෙවත් ‘කොවිඩ්-19’ වයිරසයෙන් ලොවපුරා මියගිය ගණන දෙලක්ෂය ඉක්මවා ගොස් ඇත.
අද (26) පස්වරු 5.45 වනවිට ‘නව කොරෝනා වයිරස’ වසංගතයෙන් මියගිය ගණන 2,03,432ක් දක්වා ඉහළ ගොස් තිබිණි. ලොවපුරා කොරෝනා ආසාදිතයන්ගේ ගණන 29,12,421ක් වූ අතර වයිරසය ආසාදනය වී සුව වූ සංඛ්යාව 8,27,299ක් විය.
කොරෝනා වයිරසයේ හේතුවෙන් දැඩි බලපෑමක් එල්ල වූ ස්පාඤ්ඤය මේ වනවිට වයිරසයේ ව්යාප්තිය පාලනය කිරීමට පැනවූ සීමා ලිහිල් කර ඇත. සති ගණනකට පසු අද දිනයේදී ස්පාඤ්ඤයෙන් දිනකදී වාර්තා වූ මරණ ගණන 300ට අඩු විය. අද පස්වරුවෙන් අවසන් වූ පැය24ක කාලයේදී ස්පාඤ්ඤයෙන් වාර්තා වූ මරණ ගණන 288ක් විය. ඒ අනුව කුඩා දරුවන්ට ව්යායාම කිරීමට අවසර දීමට ද එරට බලධාරීහු ඊයේ පියවර ගත්හ.
මාර්තු මස මැදදි පැනවූ දැඩි සීමා ලිහිල් කරමින් වයස අවුරුදු 14ට අඩු දරුවන්ට ව්යායාම කිරීමට ඉඩ ලබාදීමට එරට බලධාරීහු පියවර ගත්හ.
ලබන සති අන්තයේ සිටි වැඩිහිටියන්ට ද ව්යායාම කිරීමට ඉඩ ලබාදෙන බව දැඩි සීමා ලිහිල් කරන බව දැනුම් දෙමින් ස්පාඤ්ඤ අග්රාමාත්ය පෙද්රෝ සන්චෙස් පැවැසීය.
කොරෝනා වයිරසයේ ව්යාප්තිය පාලනය කිරීම සඳහා පැනවූ සීමා ලිහිල් කිරීම සහ ඉන් අනතුරුව ගන්නා පියවර සම්බන්ධයෙන් ප්රංශ අග්රාමාත්ය එඩුවාඩ් පිලිප් අග්රාමාත්යවරයාගේ මූලිකත්වයෙන් සකස් කළ ජාතික උපායමාර්ගයක් අඟහරුවාදා (28) එරට පාර්ලිමේන්තුවේ පහළ මන්ත්රී මණ්ඩලය වන ජාතික මන්ත්රණ සභාවට ඉදිරිපත් කිරීමට නියමිත යැයි ප්රංශ පුවත් සේවය වාර්තා කළේය.
කොරෝනා වයිරසයේ ව්යාප්තිය පාලනය කිරීම සඳහා පනවා තිබෙන ලොක්ඩවුන් සීමා ඉවත් කිරීම සම්බන්ධයෙන් කරන ලද ඉල්ලීම්වලට එක්සත් රාජධානියේ ආණ්ඩුව විරෝධය පළ කර ඇත.
ලොක්ඩවුන් සීමා ඉවත් කිරීමට ඉක්මන් වීමෙන් ජනතාව අවදානමේ හෙළන බවත් එබැවින් අදාළ තීරණ ගන්නේ විද්යාත්මක උපදෙස් මත පමණක් බවත් බ්රිතාන්යයේ විදේශ ලේකම් (අමාත්ය) ඩොමිනික් රාබ් පැවැසීය.
ඉන්දීය අග්රාමාත්යවරයා ඊයේ ගුවන් විදුලිය ඔස්සේ එරට ජනතාව ඇමැතීය. කොරෝනා ආසාදිතයන් වාර්තා වීම ශීඝ්රයෙන් වැඩි වී ඇති බැවින් රජය ගෙන ඇති ‘ලොක්ඩවුන්’ සීමා දැඩිව අනුගමනය කරන්නැයි ඉන්දීය අග්රාමාත්යවරයා එරට බිලියන 1.3ක් වන පුරවැසියන්ගෙන් ඉල්ලීමක් කළේය.
කොරෝනා වයිරසයට එරෙහිව සටන ශක්තිමත් කිරීම සඳහා චීනය මහජන සනීපාරක්ෂව සම්බන්ධයෙන් නව රෙගුලාසි නිකුත් කර ඇත.
055
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්රභේදයක්, මේ වනවිට, එක්සත් රාජධානිය පුරා ව්යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්ය සේවා අධ්යක්ෂ ජනරාල්වරයා පස්වරුවේ නිවේදනය කළේය.
‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (23) පස්වරුවේ තහවුරු කළේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලොව පුරා කොරෝනා මරණ දෙලක්ෂය ඉක්මවයි