චීනයේ හුබෙයි පළාතේ වූහාන් නගරයෙන් ව්යාප්ත වීමට පටන් ගත් නව කොරෝනා වයිරසය පැතිර යෑමේ නව කේන්ද්රස්ථානය බවට ඇමෙරිකානු කලාපය පත්ව ඇතැයි ලෝක සෞඛ්ය සංවිධානය පෙන්වාදෙයි.
නව කොරෝනා වයිරසය හේතුවෙන් අගෝස්තු මාසය වනතෙක් බ්රසීලය ඇතුළු අනෙක් ලතින් ඇමෙරිකානු රටවලින් වයිරස ආසාදිත මරණ වාර්තා වනු ඇතැයි ද ලෝක සෞඛ්ය සංවිධානය සඳහන් කරයි.
‘‘ලොක්ඩවුන් සීමා ඉවත් කිරීමට මේක සුදුසු කාලය නෙමෙයි’’ ලෝක සෞඛ්ය සංවිධානයේ ඇමෙරිකානු කලාපය සඳහා පත් කරන සිටින අධ්යක්ෂ කරීසා එටීන් ප්රකාශ කළාය.
‘පෑන් ඇමෙරිකන්’ සෞඛ්ය සංවිධානයේ මුලසුන හොබවන්නේ ද ඇය යි.
ලතින් ඇමෙරිකාව ද ඇතුළුව ඇමෙරිකානු කලාපයෙන් ඊයේ වනවිට වාර්තා වූ කොරෝනා ආසාදිතයන්ගේ සංඛ්යාව 24 ලක්ෂය ඉක්මවා ගොස් තිබූ අතර එම කලාපයෙන් වාර්තා වූ මරණ සංඛ්යාව 1,43,000 ඉක්මවා ගොස් තිබිණි.
මේ වනවිට ලතින් ඇමෙරිකානු කලාපයෙන් දෛනිකව වාර්තා වන ආසාදිතයන්ගේ ගණන යුරෝපයෙන් සහ ඇමෙරිකාවෙන් වාර්තා වන කොරෝනා ආසාදිතයන්ගේ ගණන ද ඉක්මවා ගොස් ඇත.
‘‘අපේ කලාපය කොරෝනා වයිරසය පැතිර යන නව කේන්ද්රස්ථානය බවට පත්ව තිබෙනවා’’ පෑන් ඇමෙරිකන්’ සෞඛ්ය සංවිධානයේ අධ්යක්ෂවරු අනතුරු ඇඟවූහ.
පේරු, චිලී, එල් සැල්වදෝරය, ග්වතමාලා සහ නිකරගුවාවෙන් දෛනිකව වාර්තා වන කොරෝනා ආසාදිතයන්ගේ සංඛ්යාව ශීඝ්රයෙන් ඉහළ යන බව ද ලෝක සෞඛ්ය සංවිධානයේ බලධාරීහු පෙන්වාදුන්හ.
බ්රසීලයෙන් වාර්තා වන කොරෝනා ආසාදිත මරණ සංඛ්යාව පස් ගුණයකින් වැඩිවනු ඇතැයි ද අගෝස්තු මාසය වනවිට එරටින් වාර්තා වන කොරෝනා ආසාදිත මරණ ගණන 125,000ක් දක්වා ඉහළ යනු ඇතැයි ‘වොෂින්ටන් විශ්වවිද්යාලය’ කළ අධ්යයනයකින් අනතුරු අඟවා ඇත.
කොරෝනා වයිරසය හේතුවෙන් ලොවපුරා රටවලින් වාර්තා වන මරණ සංඛ්යාව 3,52,000 ඉක්මවා ගොස් ඇත. ලොවපුරා නව කොරෝනා වයිරස ආසාදිතයන්ගේ සංඛ්යාව අද (27) පස්වරු 6 වනවිට 57,09,518ක් වූ අතර කොරෝනා ආසාදිත මරණ සංඛ්යාව 3,52,750ක් විය. කොරෝනා වයිරසය ආසාදනය වී ලොවපුරා සුව වූ සංඛ්යාව 24,51,109ක් ලෙස දැක්විණි.
‘ද ගාඩියන්’
055
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්රභේදයක්, මේ වනවිට, එක්සත් රාජධානිය පුරා ව්යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්ය සේවා අධ්යක්ෂ ජනරාල්වරයා පස්වරුවේ නිවේදනය කළේය.
‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (23) පස්වරුවේ තහවුරු කළේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලතින් ඇමෙරිකාව නව කොරෝනා වයිරසයේ කේන්ද්රස්ථානය බවට පත්වෙයි
රවින් Wednesday, 27 May 2020 06:35 PM
ලතින් ඇමරිකානු රටවල් මුදල් අතින් එතරම්ම පොහොසත් නොවුවත් සංස්කෘතිය අතින් පොහොසත් රටවල්. මෙරට ආයුර්වේදය වගේ එම රටවලද ආවේණික වූ වෛද්ය ක්රමවේදයන් ඇත. බටහිර වෛද්ය ක්රමවේදය ගැන පමණක් නොසිතා ඒ ඒ රටවල වෛද්ය ක්රමවේදයන්ගෙන් මෙම රෝගයට බොහෝදුරට ප්රතිකර්මයන් සොයාගත හැකිවේවි. මේ ලඟකදී ඇසුවා ඇමසන් වනාන්තර ප්රදේශයන්ගේ ජිවත්වන මිනිසුන් ඔවුනොවුන්ගේ ප්රතිකර්ම වලින් කොරෝනාවෙන් වැලකි සිටින වග.
සමන්ත Thursday, 28 May 2020 02:48 AM
මීළඟට ඉන්දියාව සහ ලංකාව... බලාපොරොත්තුව කඩේ යන්නයි.