(ඩයනා උදයංගනී)
ඇඳිරි නීතිය තවමත් ක්රියාත්මක කොළඹ සහ ගම්පහ දිස්ත්රික්ක හැර සෙසු දිස්ත්රික්කවල ධාවනය කෙරෙන දුම්රිය හා බස් රථ වල ආසන ගණනට මගීන් ප්රවාහණය කිරීම සදහා හෙට (13) සිට අවසර ලබාදෙන බව ප්රවාහන සේවා කළමනාකරණ සහ විදුලිබල හා බලශක්ති අමාත්ය මහින්ද අමරවීර මහතා පැවසීය.
දුම්රියවල ගමන් කරන මගීන් වෙනුවෙන් ප්රවේශපත්ර හා වාර ප්රවේශ පත්ර නිකුත් කිරීම ද හෙට (13) සිට ආරම්භ කරන අතර එසේ ප්රවේශපත් ලබාගන්නා පිරිස් තම ආයතනයේ හැදුනුම්පත ඉදිරිපත් කිරීම අනිවාර්ය බවද ඇමතිවරයා සදහන් කළේය.
මෙසේ පොදු ප්රවාහන සේවාවල ගමන් කිරීමේදී අසුන්ගෙන මිස සිටගෙන ගමන් කිරීම තහනම් බව ද ඇමතිවරයා පැවසීය.
වෙනත් දිස්ත්රික්කවලින් ගමන් ආරම්භ කරන දුම්රිය හා බස්රථවලට ගම්පහ සහ කොළඹ දිස්ත්රික්කවලින් මගීන් පැමිණීම සීමා කරන අතර එම දිස්ත්රික්කවල සිට රැකියා සදහා පැමිණෙන අය වෙනුවෙන් වෙනම සේවාවන් ක්රියාත්මක වන බව ද අමාත්යාංශය පවසයි.
ඇඳිරි නීතිය ලිහිල් කිරීමෙන් අනතුරුව රාජ්ය හා පුද්ගලික අංශයේ රාජකාරි සඳහා වාර්තා කරන සේවකයින් සඳහා විධිමත් ප්රවාහන සේවාවක් පවත්වාගෙනයාම සම්බන්ධයෙන් වන සාකච්ඡාවක් අමාත්ය මහින්ද අමරවීර මහතාගේ ප්රධානත්වයෙන් අද (12) පැවති අතර එහිදී මෙම තීරණ ගෙන තිබේ.
ඒ අනුව සියලූම පෞද්ගලික බස් රථ ද හෙට (13) සිට ධාවනය කරන ලෙස බස්රථ හිමියන්ගෙන් අමාත්යවරයා ඉල්ලීමක් කළේය.
මෙම පොදු ප්රවාහන සේවාවල මගීන් ප්රවාහනයේදී රාජ්ය හා පුද්ගලික අංශයේ සේවා සඳහා අදාල පැමිණෙන පිරිස් සඳහා ප්රමුඛත්වය ලබාදෙන බව ද ඇමතිවරයා කීවේය.
තම ගමන් බිමන් අත්යාවශ්යම කාරණා සඳහා පමණක් සීමා කරන ලෙසත්, අනවශ්ය ගමන් බිමන් සඳහා ප්රවාහණ සේවා යොදා ගනොගන්නා ලෙසත් මහ ජනතාවගෙන් ඉල්ලා සිටින බව ද ඇමති මහින්ද අමරවීර මහතා කීවේය.
දුම්රිය හා බස් රථවල ගමන් කිරීමේ දී මුව ආවරණ පැළඳසිටීම අනිවාර්යය වන අතර මුව ආවරණ නොමැති කිසිවෙක් ඒවාට ඇතුළත් කර නොගැනීමට තීරණය කර ඇතැයි ඇමතිවරයා පැවසීය.
බස්රථවල ගමන් ගන්නා මගීන් බස් රථයට පසුපස දොරෙන් ඇතුලූව ඉදිරි පස දොරෙන් බැස යා යුතු අතර සෑම බස් රථයකම ජනතාවට දෑත් පිරිසි`දුකරගැනීම සදහා විෂබීජනාශක තිබිය යුතුය දුම්රිය ස්ථාන හා බස් නැවතුම් පොළවල අත් සෝදා ගැනීමේ පහසුකම් සළසා තිබෙන බව ද ඇමතිවරයා කීවේය.
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බස් - දුම්රිය ආසන ගණනට මගීන් ප්රවාහනයට අවසර
saliya Tuesday, 12 May 2020 01:33 PM
හෙට කියාවිද 15 ක් 20 ක් හිට ගෙන ගියත් කමක් නැහැ කියලා...
සඳුන් Tuesday, 12 May 2020 02:07 PM
මෙය දේශපාලන තීන්දුවක්ද? සෞඛ්ය රීතිවලට අනුකූල තීන්දුවක්ද?
rohana kumara mendis Tuesday, 12 May 2020 02:35 PM
ඔව් ඉතින් හෙට අනිද්දා ඡන්දෙනේ අනේ... සීට් ගානට කියන්නේ සීට් තියෙන්නේ මීටරයක් ඇතින්ද දන්නේ නැහැ..?
Samitha Senaka Aluthgamage. Tuesday, 12 May 2020 02:52 PM
සමාජ සංස්ථාව තුල ආසාදිතයන් නොමැතියි සිතනා උපකල්පන රාමුවේ සිට කල්පනා කලොත්, සීට් ගානට මගීන් ගෙනියන්නට පුළුවන්. මීටරයේ පරතරය නම් නැහැ. ආසාදිතයෙකු සිටියොත් නම් ඇමතිට මොනවා වෙයිද? දෙවියෝ දනී ... අප නොදනී ...
සමන්ත Tuesday, 12 May 2020 04:27 PM
මට මේ තීරණය ගැන ගැටලුවක් තියෙනවා. ඇදිරි නීතිය නැති පෙදෙස්වල විතරයි මෙය ක්රියාත්මක වෙන්නේ. අවිස්සාවේල්ලේ ඉදලා එන දුම්රියන්ට මෙය බලපාන්නේ නැත. මොකද එම දුම්රිය ගමන් කරන්නේ කොළඹ දිස්ත්රික්කය තුල නිසා. නමුත් බෙලිඅත්ත, හලාවත, මහව, මහනුවර සිට එන දුම්රියන් එම ප්රදේශවල ඇදිරි නීතිය නොමැති නිසා සියලුම ආසනවල මගීන් එයි. ඉන්පසුව මහනුවර සහ මහව සිට එන දුම්රිය අඹේපුස්ස සිට ඉදිරියට ධාවනය කරන්නේ කෙසේද? මොකද දැන් දුම්රිය ගම්පහ දිස්ත්රික්කයේ පලමු දුම්රිය ස්ථානයට ලගා වෙලා. එහෙම වුනොත් නිරෝදායන නීති කඩ කීරිමක් වෙනවා නේද? එසේම හලාවත සිට එන දුම්රිය කොච්චිකඩේ දී එම මාර්ගයේ ගම්පහ දිස්ත්රික්කයේ පලමු දුම්රිය ස්ථානය හමු වෙනවා. එසේම මුහුදු බඩ මාර්ගයේදී කොරළවැල්ල දුම්රිය ස්ථානය කොළඹ දිස්ත්රික්කයේ පලමු දුම්රිය ස්ථානයයි. එම දුම්රිය ස්ථානය වලදී නිරෝදායන නීතියට අනුව මගින් ගෙන යනවාද? මේ වගේ තීරණ ගන්නේ ඇයි..? බස්රථවලදී මෙය වැඩි ගැටලුවක් නොවිය හැක. ඒ පලාත් මාරුවීමක් නොවන නිසා. නමුත් කලුතර දිස්ත්රික්කයේ සිට එන බස්රථ සදහා ද මෙය බලපානවා ඇත.