බ්‍රිතාන්‍යට අගුලු දැමීමෙන් පසු ප්‍රථම වරට රැජින ප්‍රසිද්ධියේ පෙනී සිටියි

බ්‍රිතාන්‍යයේ කොරෝනා වයිරස අගුලු දැමීම ආරම්භ වීමෙන් පසු ප්‍රථම වතාවට එළිසබත් මහ රැජින එළිමහනේ ප්‍රසිද්ධියේ පෙනී සිටි බව එරට මාධ්‍ය වාර්තා කර තිබේ.

අවුරුදු 94ක් වයසැති රැජින සති අන්තයේදී වින්ඩ්සර් කාසල් මන්දිරයේ එළිමහන් පිට්ටනියේ පෝනියෙකු පිට ගමන් කරමින් සිටිනු ඡායාරූපයට නගා ඇත.

බැල්මෝරල් ෆර්න් නම් අවුරුදු 14ක් වයසැති පෝනියාගේ පිට නැගී රැජින වර්ණවත් හිස් පළඳනාවකින් සැරසී සිටි බව පැවසේ.

සාමාන්‍ය දිනවල ඇය පුරුද්දක් ලෙස වින්සර් පිට්ටනියේ ගතකරන අතර එය ඇගේ ප්‍රියතම ස්ථානය යැයි කියනු ලැබේ.

කොවිඩි - 19 බ්‍රිතාන්‍යයේ පැතිරීමත් සමග පසුගිය මාර්තු 19 වනදා සිට, රැජින සිය සැමියා වන එඩිම්බරෝ ආදිපාදවරා සහ කාර්යමණ්ඩලයේ සුළු පිරිසක් සමග වින්ඩ්සර් කාසල් මන්දිරයේ ස්වයං හුදකලාවේ ගත කලේය.

ඒ අතරතුර ඇය රූපවාහිනියෙන් දෙවතාවක් ජනතාව ඇමතීමට කටයුතු කළාය. එක්සත් රාජධානිය වයිරසයට එරෙහි සටනේදී සාර්ථක වනු ඇති බවත් වයිරස ව්‍යාප්තිය වැළැක්වීම සඳහා රජයේ නීතිරීති අනුගමනය කිරීම ගැන ජනතාවට ස්තූතිවන්ත වන බවත් රැජින පළමු සාකච්ඡාවේදී පැවසීය.

දෙවැනි වතාවට ඇය ජාතිය ඇමතුවේ කිරුළු පැළඳීමේ 75 වන සංවත්සරය සැමරීම සඳහාය.

(බීබීසී ඇසුරිණි - 085)

අදහස් (7)

බ්‍රිතාන්‍යට අගුලු දැමීමෙන් පසු ප්‍රථම වරට රැජින ප්‍රසිද්ධියේ පෙනී සිටියි

රෝහිණී නාඔටුන්න Monday, 01 June 2020 10:11 AM

අශ්වයින් පිටයන්න එපා... වැටුණොත්? ඩී.එස්. සේනානායක මතක් වෙනවා...

: 0 2

රවින් Monday, 01 June 2020 10:54 AM

දෙදෙනාගේම වයස නම් ගැළපෙනවා වගේ.

: 0 0

shantha Qatar Monday, 01 June 2020 11:07 AM

ඡායාරූපයේ හැටියට නම් මහ රැජිණද කියලා හිතාගන්න අමාරුයි. එ්ක නෙවේ ප්‍රශ්නේ... අපි තාමත් ගැති බව දැනෙන්නේ මට විතරද? දන්නේ නැහැ. එක ඒ තරමට ප්‍රවෘත්ති මවන දෙයක්ද?

: 3 93

චමින්දMonday, 01 June 2020 12:52 PM

ප්‍රවෘත්තිය වැදගත් නැතත් අවුරුදු 94 ක කාන්තාවක් අශ්වයකු පිටයාමට තරම් නිරෝගීව සිටීම නොවටීද?

: 3 38

lankaMonday, 01 June 2020 01:36 PM

මේ පින්තූරයේ ඉන්න රැජින පහුගිය දිනවල පෙන්වපු රැජිනගේ පින්තුරවලට වඩා තරුණයි. අනේ මන්දා. මේ පරණ පින්තුරයක්ද?

: 0 0

සමිත සේනක අලුත්ගමගේ.Tuesday, 02 June 2020 01:23 AM

ශාන්ත මහතා, ගැතිද?, නොගැතිද? කියන එක නෙමෙයි ප්‍රශ්නේ... අප හොරුන්ගේ, තක්කඩින්ගේ, මැරයන්ගේ හා නූගතුන්ගේ ගැත්තන් බවට පත්වුණා.

: 0 23

saman Monday, 01 June 2020 01:40 PM

මෙයා ලන්ඩන් වලට කොරෝනා එනකොට, ඔක්කොම පොදි බැඳගෙන ගම්බවද තිබෙන වින්ඩ්සර් මාලිගාවට සේන්දු වුණා. කොයි රටේත් දේශපාලකයින් ඉස්සෙලම හිතන්නේ තමන් ගැනමයි. දැන් ඉතින් අශ්වයා පිට තේජස් ආකාරයෙන් දැක්කම අපේ උදවිය ඉඳන් ඉන්න පුටු වලිනුත් නැගිටිනවා.

: 0 37