ඉන්දියාව සහ ශ්රී ලංකාව, දෙරට අතර මිත්රශීලී සහ විවිධ ක්ෂේත්රවල සබඳතා සඳහා ලබාදෙන වැදගත්කම මෙන්ම පොදු අභියෝගවලට මුහුණ දීමේදී ශ්රී ලංකාව සමඟ තවදුරටත් සමීපව කටයුතු කිරීමට ඉන්දියාව කැප වී සිටින බව ශ්රී ලංකාවේ නව ඉන්දීය මහ කොමසාරිස් ගෝපාල් බාග්ලේ මහතා අද (14) ප්රකාශ කළේය.
ශ්රී ලංකාවේ නව ඉන්දීය මහ කොමසාරිස්වරයා ලෙස පත් කර සිටින ගෝපාල් බාග්ලේ මහතා අද (14) විඩියෝ තාක්ෂණය ඔස්සේ සිය ධුරයේ වැඩ බාරගනිමින් ඒ බව සඳහන් කළේය.
නව්යාකාරයකින් අක්තපත්ර බාරදීමේ සාම්ප්රදායික උත්සවය සූදානම් කිරීම සම්බන්ධයෙන් ජනාධිපති ගෝඨාභය රාජපක්ෂ මහතාට ස්තූතිය පළ කළ නව මහ කොමසාරිස් ගෝපාල් බාග්ලේ මහතා ‘කොවිඩ්-19’ වසංගතය හේතුවෙන් මතු වී ඇති අභියෝග ජයගැනීමට තාක්ෂණය භාවිත කිරීමේ වැදගත්කම සහ වසංගතය පාලනය කිරීමේ දී ඉන්දියාවේ සහ ශ්රී ලංකාවේ නායකත්වය සුවිශේෂී කාර්යභාරයක් ඉටු කර ඇතැයි ද එහිදි පෙන්වා දුන්නේය.
විඩියෝ තාක්ෂණය ඔස්සේ තවදුරටත් ජනාධිපති ගෝඨාභය රාජපක්ෂ මහතා සමඟ අදහස් දැක්වූ ගෝපාල් බාග්ලේ මහතා ඉන්දීය අග්රාමාත්ය නරේන්ද්ර මෝදිගේ සහ එරට ඉන්දීය ජනතාවගේ උණුසුම් සුබපැතුම් ශ්රී ලංකා ජනාධිපති ගෝඨාභය රාජපක්ෂ මහතාට සහ ශ්රී ලාංකික ජනතාවට පිරිනමන බව ද කීවේය.
ශ්රී ලංකාව සමඟ තිබෙන සබඳතාවලට ඉන්දියාව ලබාදෙන සුවිශේෂී වැදගත්කම පිළිබඳව මෙහිදි සඳහන් කළ නව මහ කොමසාරිස්වරයා දෙරට අතර පවත්නා සමීප මිත්රශීලී සබඳතා සහ සහයෝගීතාවය වර්ධනය කිරීමට සහ ශක්තිමත් කිරීමට ඉන්දියාවේ ඉහළම තලවල ඇති දැඩි කැපවීම ද සඳහන් කළේය.
ස්වභාවික ව්යසන හෝ දැනට මුහුණ දී ඇති කොව්ඩ් වසංගතය හෝ ශ්රී ලංකාව මුහුණදෙන ඕනෑම අසීරු අවස්ථාවකදී ශ්රී ලංකාවේ සමීපතම සමුද්රීය අසල්වැසියා වන ඉන්දියාව සෑමවිටම ප්රථමයෙන් ප්රතිචාර දක්වන රාජ්යය වී ඇති බව ද නව මහ කොමසාරිස්වරයා තවදුරටත් සඳහන් කළේය.
එක් රටක් නියෝජනය කරමින් තවත් රටක තානාපති ධුරයට හෝ මහ කොමසාරිස් ධුරයට පත්වන රාජ්ය තාන්ත්රික නිලධාරීන් අදාළ රටේ රාජ්ය නායකයාට අක්තපත්ර බාරදීම රාජ්ය තාන්ත්රික ක්ෂේත්රයේ සාම්ප්රදායික ක්රමවේදය යි.
‘කොවිඩ්-19’ හේතුවෙන් ලොවපුරා විවිධ වෘත්තීය ක්ෂේත්රවල සාම්ප්රදායික ක්රමවේද වෙනස් කිරීමට සිදුව තිබෙන අතර රාජ්ය තාන්ත්රික ක්ෂේත්රයට ද නැවුම් අත්දැකීමක් ගෙන දෙමින් ශ්රී ලංකාවේ නව ඉන්දීය මහ කොමසාරිස්වරයා විඩියෝ තාක්ෂණය ඔස්සේ ජනාධිපති ගෝඨාභය රාජපක්ෂ මහතා වෙත අක්තපත්ර බාරදීම සනිටුවහන් කරන ලදි.
විඩියෝ තාක්ෂණය ඔස්සේ පැවැති අක්තපත්ර බාරදීමේ උත්සවයට ජනාධිපති ගෝඨාභය රාජපක්ෂ මහත ශ්රී ලංකාවේ නව ඉන්දීය මහ කොමසාරිස් ගෝපාල් බාග්ලේ යන මහත්වරුන්ට අමතරව විදේශ සබඳතා අමාත්ය දිනේෂ් ගුණවර්ධන, ඉන්දීය විදේශ කටයුතු අමාත්ය ආචාර්ය සුබ්රමනියම් ජයිශංකර්, මෙරට විදේශ සබඳතා අමාත්යාංශයේ ලේකම් රවිනාථ ආර්යසිංහ සහ ඉන්දීය විදේශ කටයුතු අමාත්යාංශයේ ප්රකාශක අනුරාග් ශ්රීවස්තාවා යන මහත්වරු ද එක්ව සිටියහ.
ගෝපාල් බාග්ලේ මහතාට පෙර මෙරට ඉන්දීය මහ කොමසාරිස්වරයා ලෙස කටයුතු කළේ තරංජිත් සින් සන්ධු මහතා ය. ශ්රී ලංකාවේ ඉන්දීය මහ කොමසාරිස් ලෙස පත්වීමට පෙර ගෝපාල් බාග්ලේ මහතා 2017 වසරේ සිට ඉන්දීය අග්රාමාත්ය කාර්යාලයේ ඒකාබද්ධ ලේකම් වශයෙන් කටයුතු කළේය.
055
බෙල්ජියම් ජාතිකයකුට රුපියල් 800 ක මුදලකට උළුඳු වඩේ එකක් සහ ප්ලේන්ටියක් අලෙවි කළ බව කියන සංචාරක මග පෙන්වන්නකු අත්අඩංගුවට ගත් බව සංචාරක පොලිසියේ නිලධාරි
විදුලි බල මණ්ඩලයේ ඉංජිනේරුවකු අමානුෂික ලෙස ඝාතනය කර ශරීරය කොටස්වලට කපා සඟවා තැබීම සම්බන්ධයෙන් මහාධිකරණ මරණ දඩුවම නියමව වසර 35 ක් සැගව සිටි චූදිතයකු පූ
ශ්රී ලංකා නිදහස් පක්ෂයේ හිටපු නායකයා ඉවත් කර මේ කොහේවත් ඉන්න නිදිකුම්බා නායකයකු පක්ෂයේ නායකයා කරගෙන පක්ෂය රනිල් වික්රමසිංහ මහතාගේ ඔඩොක්කුවේ තැබීම
කාසල්රි ජලාශයේ දිය නෑමට ගොස් පාසල් සිසුවකු අතුරුදහන් වි ඇති බව නෝටන්බ්රිජ් පොලිසිය පැවසිය.
මත්ද්රව්ය ළඟ තබාගෙන ජාවාරම් කිරීමේ සිද්ධියක් සම්බන්ධයෙන් රැඳවුම් නියෝග මත රඳවාගෙන සිටින සැකකරුවකුට ඩුබායි සිටින මත්ද්රව්ය ජාවාරම් කරුවකු දුරක
හික්කඩුව -බද්දෙගම මාර්ගයේ ගෝනපිනුවල ප්රදේශයේදී යතුරු පැදියක් ලොරියක ගැටීමෙන් තුවාල ලබා කරාපිටිය ශික්ෂණ රෝහලේ දැඩි සත්කාර ඒකකයේ ප්රතිකාර ලබමින් ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නව ඉන්දීය මහ කොමසාරිස් විඩියෝ තාක්ෂණය ඔස්සේ අක්තපත්ර බාරදෙයි