(පුෂ්පකුමාර ජයරත්න )
කොරෝනා වෛරසය ආසාධිත වූවන් හමුවීම හේතුවෙන් මේවනවිට නිරෝධායනයකට ලක්කර වසා දමා තිබෙන අකුරණ ප්රදේශයේ සිට පැමිණ සැඟවී සිටි අයෙකු මාවතගම පරගහදෙනිය ප්රදේශයෙදී අත්අඩංගුවට ගත් බව මාවතගම සෞඛ්ය වෛද්ය නිලධාරී ලංකා අමරසිංහ මහත්මිය පැවසුවාය.
සැකකටයුතු ලෙස පිටස්තර ප්රදේශයකින් පැමිණ සිටින පුද්ගලයෙකු පරගහදෙනිය සිංහපුර ප්රදේශයේ නිවසක රැඳී සිටින බවට ප්රදේශවාසීන් විසින් ප්රදේශය භාර මහජන සෞඛ්ය පරීක්ෂකවරයාට දැන්වීමෙන් පසුව පැමිණි සෞඛ්ය වෛද්ය නිලධාරීන් සහ මාවතගම පොලිසියේ නිලධාරීන් එම පුද්ගලයාව සැකපිට අත්අඩංගුවට ගෙන ඇත.
අකුරණ කුරුගොඩ ප්රදේශයේ පදිංචිකරුවකු වන 32 හැවිරිදි එම පුද්ගලයා සිංහපුර ප්රදේශයේ පදිංචිව සිටින තම බිරිඳ සහ දරු දෙදෙනා බැලීමට පැමිණි බව ප්රශ්න කිරීමේදී අනාවරණය වී ඇත .
තම බිරිඳ සහ දරුවන් බඩගින්නේ සිටින බවට ඔහු අසත්ය තොරතුරු ඉදිරිපත් කර කුරුගොඩ ප්රදේශයේ ග්රාම නිලධාරිවරයා මාර්ගයෙන් අලවතුගොඩ ප්රාදේශීය ලේකම්වරයාගෙන් සහ අලවතුගොඩ පොලිස් ස්ථානාධිපතිවරයාගෙන් මානුෂික හේතුන් යටතේ අනුමැතිය ලබාගෙන ඇති බවද අනාවරණය වී ඇත.
බරපතල ආකාරයට කොරෝනා වසංගතය අකුරණ ප්රදේශය තුළ පැතිරීම හේතුවෙන් එම ප්රදේශය සම්පුර්ණයෙන්ම වසා දමා ඇති අවස්ථාවක නිරෝධායනයට ලක්වීමට නියමවී තිබූ මෙම පුද්ගලයාට එම ප්රදේශයෙන් බැහැර වීමට අනුමැතිය ලබාදීම බරපතල වරදක් බව වෛද්ය අමරසිංහ මහත්මිය සඳහන් කළාය.
කුමන හේතුවක් මත හෝ දිස්ත්රික්කයකින් තවත් දිස්ත්රික්කයකට යාම තහනම් කර තිබියදී මෙම පුද්ගලයාට මාවතගමට පැමිණීමට අවසර දීම මෙන්ම ඔහුගේ පැමිණීම සම්බන්ධයෙන් කිසිම ආකාරයකින් හෝ දැනුම්වත් නොකිරීමද නිලධාරීන් විසින් සිදුකර ඇති තවත් වරදක් බවද අමරසිංහ මහත්මිය පැවසුවාය.
යම් හෙයකින් ජනතාව ඔහු පිළිබඳව නොදැන්වූවානම් එම පුද්ගලයා මාර්ගයෙන් කුරුණෑගල ප්රදේශයට කොරෝනා වයිරසය පැතිර යාමේ අවදානමක් පැවති බවද අමරසිංහ මහත්මිය පැවසුවාය.
අත්අඩංගුවට ගනු ලැබූ එම පුද්ගලයා සහ ඔහුගේ පවුලේ සාමාජිකයින් නිවස තුළම නිරෝධායනය කිරීමට පියවර ගත් බවද වෛද්ය අමරසිංහ මහත්මිය ප්රකාශ කළාය.
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉරානය පසුගියද ඊශ්රායලයට එල්ල කළ ප්රහාරයට පිළිතුරු වශයෙන් ඊශ්රායල අද(19) අලුයම ඉරානයේ ඉස්ෆාහන් නගරය ආසන්නයට මිසයිල ප්රහාරයක් එල්ල කර ඇතැයි ඇමෙරිකා
ධීවර කටයුතු සඳහා අරලගන්විල පිඹුරුත්තාව වැවට ගිය පුද්ගලයෙකු එහිදී අඹුසැමි යුවළක් සමග සාදයක් පවත්වා එහිදී ඇතිවූ ආරවුලකදී හබලකින් පහරදී ඝාතනය කර ඇතැයි
කොළඹ පිටකොටුවේ අනවසර කඩ ඉදිකිරීම පිටුපස සංවිධානාත්මක ජාවාරම්කරුවන් පිරිසක් සිටින බවට හෙලිවී ඇතැයි කොළඹ මහ නගර සභාව සහ නාගරික සංවර්ධන අධිකාරිය පවසයි.
ජාවාරම් කිරීම සඳහා විරෝධී මත් කරල් 1229 ක් සන්තකයේ තබාගෙන සිටි පුද්ගලයින් දෙදෙනෙක් පුල්මුඩේ ප්රදේශයේදී විශේෂ කාර්ය බලකාය නිලධාරීන් විසින් ඊයේ 18 අත්
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නිරෝධායනය මගහැර අකුරණින් පැන්න අයෙක් අල්ලයි
Raveendra Wednesday, 08 April 2020 04:44 AM
මොහුගේ පැටිගිරිය සොයා බැලීමෙන්අනාගත ආයෝජනයක් ලෙස වැදගත් කරුණු සොයා ගැනුමට හැකිවේ යයි අප විස්වාස කරන්නෙමු. සරලව හිතන්න මේ මොහු තොත්ත බබෙක් ලෙස හැසුරුනේ කුමක් නිසාද ?