නව කොරෝනා වයිරස පොකුරු කිහිපයක් හඳුනාගැනීමත් සමඟ නැවත වරක් වයිරසය ව්යාප්ත වීමට පාලනය කිරීම සඳහා සීමා පැනවීමට දකුණු කොරියාව අද (28) පියවර ගත්තේය.
‘කොවිඩ්-19’ වසංගතය සාර්ථකව පාලනය කිරීමට සමත්වූ රටක් ලෙස පිළිගැනුණු දකුණු කොරියාව වසංගතය පාලනය කිරීමේ ගෝලීය ආදර්ශ මොඩලයක් ලෙස ද හඳුනාගැනිණි. කෙසේ නමුත් මාස දෙකකට ආසන්න කාලයකට පසුව ඊයේ (27) කොරෝනා ආසාදිත විශාලම පොකුර හඳුනාගත් අතර එහිදි වයිරස ආසාදිතයන් 40 දෙනකු හඳුනාගෙන තිබිණි.
දකුණු කොරියාවේ ජන ජීවිතය සාමාන්ය අතට හැරීමට පටන් ගැනීමත් සමඟ මෙලෙස නව ආසාදිත පොකුරු හඳුනාගෙන තිබේ. අලුතෙන් හඳුනාගත් ආසාදිතයන්ගෙන් බොහෝදෙනකු සෝල් අගනුවරට අයත් මෙට්රෝපොලිටන් කලාපයෙන් හඳුනාගෙන ඇති අතර මේ තත්ත්වය හේතුවෙන් විශාල පිරිසක් අවදානමට පත්ව ඇත.
දකුණු කොරියානු බලධාරීන් මැයි 6 වැනිදා සිට සමාජ දුරස්ථභාවයට අදාළ නීති ලිහිල් කිරීමට පියවර ගත් අතර නව ආසාදිත පොකුරු හඳුනාගැනීමත් සමඟ නැවත එම නීතීරීති පැනවීමට එරට බලධාරීන්ට සිදුව ඇත.
කොරෝනා වයිරසය පාලනය කිරීමට ගෙන ඇති නව නීතිරීති හේතුවෙන් හෙට (29) සිට කෞතුකාගාර, උද්යාන හා කලාගාර යනාදිය සති දෙකකට වසා දැමෙන බව පාර්ක් නන්ග් හෝ පැවැසීය. මීට අමතරව වයිරසයේ ව්යාප්තිය පාලනය කිරීම තවත් නීතිරීති රැසක් හඳුන්වා දී තිබෙන අතර සේවා කිරීමට පහසු වේලාවක් සේවකයන්ට නැවත ලබාදෙන්නැයි ද දකුණු කොරියානු බලධාරීන්ට එරට සමාගම්වලින් අවධාරණයෙන් ඉල්ලා ඇත.
‘නිරෝධායන ක්රියාමාර්ග සියල්ල නැවත ක්රියාත්මක කරනවා. ඒවා දැඩිව ක්රියාත්මක වෙනවා. නිරෝධායන නීති සිකුරාදා සිට ජූනි 14 වැනිදා දක්වා ක්රියාත්මක වෙනවා’’ යැයි සෞඛ්ය අමාත්යවරයා කීය.
එක්රැස්වීමෙන් වැළැකී සිටින්නැයි ද ජනාකීර්ණ ස්ථානවලට ගමන් කිරීමෙන් වැළැකී සිටින්නැයි දකුණු කොරියානු බලධාරීන් එරට ජනතාවගෙන් ඉල්ලා ඇත. අවන්හල්, බීමහල්වලට යෑම අඩු කරන්නැයි ඉල්ලා ඇති දකුණු කොරියානු බලධාරීන් ආගමික ස්ථානවල වැඩි විමසිල්ලෙන් පසුවන්නැයි ද නිරෝධායන ක්රියාමාර්ග අනුගමනය කරන්නැයි ද ඉල්ලා ඇත.
දකුණු කොරියාවෙන් අද (28) නව කොරෝනා වයිරස ආසාදිතයන් 79 දෙනකු හඳුනාගෙන තිබූ අතර ඒ අනුව එරටින් වාර්තා වන සමස්ත ආසාදිතයන්ගේ ගණන 11,344ක් දක්වා ඉහළ ගොස් ඇත. මීට පෙර එරටින් වාර්තා වූ වැඩිම ගණන 81ක් විය. එම පිරිස වාර්තා වූයේ අප්රේල් 5 වැනිදාය .
ඒ.එෆ්.පී.
055
බෙල්ජියම් ජාතිකයකුට රුපියල් 800 ක මුදලකට උළුඳු වඩේ එකක් සහ ප්ලේන්ටියක් අලෙවි කළ බව කියන සංචාරක මග පෙන්වන්නකු අත්අඩංගුවට ගත් බව සංචාරක පොලිසියේ නිලධාරි
විදුලි බල මණ්ඩලයේ ඉංජිනේරුවකු අමානුෂික ලෙස ඝාතනය කර ශරීරය කොටස්වලට කපා සඟවා තැබීම සම්බන්ධයෙන් මහාධිකරණ මරණ දඩුවම නියමව වසර 35 ක් සැගව සිටි චූදිතයකු පූ
ශ්රී ලංකා නිදහස් පක්ෂයේ හිටපු නායකයා ඉවත් කර මේ කොහේවත් ඉන්න නිදිකුම්බා නායකයකු පක්ෂයේ නායකයා කරගෙන පක්ෂය රනිල් වික්රමසිංහ මහතාගේ ඔඩොක්කුවේ තැබීම
කාසල්රි ජලාශයේ දිය නෑමට ගොස් පාසල් සිසුවකු අතුරුදහන් වි ඇති බව නෝටන්බ්රිජ් පොලිසිය පැවසිය.
මත්ද්රව්ය ළඟ තබාගෙන ජාවාරම් කිරීමේ සිද්ධියක් සම්බන්ධයෙන් රැඳවුම් නියෝග මත රඳවාගෙන සිටින සැකකරුවකුට ඩුබායි සිටින මත්ද්රව්ය ජාවාරම් කරුවකු දුරක
හික්කඩුව -බද්දෙගම මාර්ගයේ ගෝනපිනුවල ප්රදේශයේදී යතුරු පැදියක් ලොරියක ගැටීමෙන් තුවාල ලබා කරාපිටිය ශික්ෂණ රෝහලේ දැඩි සත්කාර ඒකකයේ ප්රතිකාර ලබමින් ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දකුණු කොරියාව නැවතත් වයිරස පාලන සීමා පනවයි