අප්‍රේල් මාසය වනවිට දිනකට කළ හැකි ‘කොවිඩ්-19’ පරීක්ෂණ ධාරිතාව සිවු ගුණයකින් 25,000 දක්වා වැඩි කිරීමට සැලසුම් කර ඇතැයි පාකිස්තාන රජය ප්‍රකාශ කරයි.

පරීක්ෂණ ධාරිතාව පහළ බැවින් පාකිස්තානයේ ආසාදිතයන්ගේ නිශ්චිතව වාර්තා වී නැතැයි විශ්ලේෂකයෝ පෙන්වාදෙති.

අප්‍රේල් 9 වැනිදා සිට වෛද්‍යවරුන්ට ලබාදෙන පෞද්ගලික ආරක්ෂණ උපකරණ කට්ටල යනාදිය වැඩි කරන බවත් පළාත් ආණ්ඩුවලට නොව ඒවා සෘජුවම රෝහල්වලට ලබාදීමට පියවර ගන්නා බවත් පාකිස්තානයේ සැලසුම් අමාත්‍ය අසාද් උමාර් පැවැසීය.

අද පස්වරු වනවිට පාකිස්තානයෙන් වාර්තා වූ සමස්ත ආසාදිතයන්ගේ ගණන 4,072ක් දක්වා ඉහළ ගොස් තිබිණි. එරටින් වාර්තා වූ කොරෝනා මරණ ගණන 58කි. පාකිස්තානයේ කොරෝනා ආසාදනය වී සුවය ලබා ඇති සංඛ්‍යාව 467ක් වූ බව ද එරට රජය නිකුත් කළ දත්තවල දැක්විණි.

පාකිස්තානය තුළ කොරෝනා වයිරසය ව්‍යාප්ත වීම ආරම්භ වූයේ පෙබරවාරි මස අගදීය .

අල්ජසීරා/ඒ.එෆ්.පී. 

055