නව කොරෝනා වයිරසය හෙවත් ‘කොවිඩ්-19’ ගෝලීය වසංගතයේ ව්යාප්තිය පාලනය කිරීම සඳහා වසා දැමුණු දේශසීමා නැවත විවෘත කෙරෙන්නේ ලබන වසරේදී යැයි ඔස්ට්රේලියාවේ වෙළෙඳ අමාත්ය සිමන් බර්මින්හැම් අද (17) පැවැසීය.
කෙසේ නමුත් සිසුන්ට සහ දීර්ඝකාලීන සංචාරකයන්ට රටට ඇතුළුවීමට ඉඩ ලබාදෙන බව ද හෙතෙම කීය.
ඔස්ට්රේලියාව නව කොරෝනා වයිරසය සාර්ථකව පාලනය කළ රටක් ලෙස සැලකෙයි. වයිරසයේ ව්යාප්තිය පාලනය කිරීම සඳහා ඔස්ට්රේලියාව ලොව බොහෝ රටවලට කලින් ගුවන් තොටුපොළ ඇතුළු රටට ඇතුළු වන ස්ථාන වසා දැමූ අතර සමාජ දුරස්ථභාවය පවත්වාගෙන යන්නැයි රට වැසියන්ට නියෝගය කළේය.
නැවත රටට පැමිණෙන සෑම ඔස්ට්රේලියානු පුරවැසියකු අනිවාර්ය නිරෝධායන ක්රියාවලියට යොමු විය යුතු බව ඔස්ට්රේලියානු වෙළෙඳ අමාත්යවරයා කීය.
ජාත්යන්තර සංචාරකයන්ට රට විවෘත කරන්නේ නැති බව සඳහන් කළ හෙතෙම සිසුන්ට සහ දීර්ඝකාලයක් රටේ සිටීමට බලාපොරොත්තු වන සංචාරකයන්ට රටට ඇතුළු වීමට ඉඩ දෙන බව ද කීය. ඔවුන් සියලු දෙනා ද අනිවාර්ය නිරෝධායන ක්රියාවලියට යොමු කෙරේ.
ජාත්යන්තර සිසුන් නැවත ඔස්ට්රේලියාවට පැමිණීම එරට විශ්වවිද්යාලවලට විශාල ප්රතිලාභයක් අත්පත් කරදෙනු ඇත. කොරෝනා වයිරසය හේතුවෙන් ඔස්ට්රේලියාවේ විශ්වවිද්යාල වසා දැමුණු අතර මේ හේතුවෙන් එරටට විශාල ආදායමක් අහිමි විය. ඔස්ට්රේලියාව යනු ජාත්යන්තර අධ්යාපනයේ කේන්ද්රස්ථානයකි. ඔස්ට්රේලියාවේ සිවුවැනි විශාලම විදෙස් විනිමය උපයන ක්ෂේත්රය වන්නේ එරට ජාත්යන්තර අධ්යාපන ක්ෂේත්රයයි. ලොව රටවල් රැසක් සිසුහු සිය උසස් අධ්යාපන අවශ්යතා සපුරාගැනීම සඳහා වාර්ෂිකව ඔස්ට්රේලියාවට පැමිණෙති. මෙම ක්ෂේත්රයෙන් ඔස්ට්රේලියාව වසරකට උපයන ආදායම ඔස්ට්රේලියානු ඩොරල් බිලියන 38 (ඇමෙරිකානු ඩොලර් බිලියන 26.14)කි.
ඔස්ට්රේලියාවෙන් අද (17) වනවිට වාර්තා වී තිබූ සමස්ත කොරෝනා ආසාදිතයන්ගේ ගණන 7,370ක් වූ අතර එරටින් වාර්තා වී තිබූ කොරෝනා ආසාදිත මරණ ගණන 102ක් විය.
මසකට පසු දිනක් ඇතුළත ඔස්ට්රේලියාවෙන් වාර්තා වූ වැඩිම කොරෝනා ආසාදිතයන්ගේ ගණන අද (17) වාර්තා විය. එම කොරෝනා ආසාදිතයන් වාර්තා වූයේ වික්ටෝරියා ප්රාන්තයෙනි. වික්ටෝරියා ප්රාන්තය යනු ඔස්ට්රේලියාවේ දෙවැනියට වැඩිම ජනගහනයක් වෙසෙන ප්රාන්තය යි.
වික්ටෝරියා ප්රාන්තයෙන් ආසාදිතයන් 21 දෙනකු වාර්තා වී තිබූ අතර ඔවුන්ගෙන් 15 දෙනකු විදෙස් ගතව සිට පැමිණි අය වූහ.
රොයිටර්
055
කොරියාවේ රැකියා ලබා දෙන බව පවසා ලක්ෂ 30 ක පමණ මුදලක් වංචා කළා යැයි චෝදනා එල්ල වී තිබෙන දමිතා අබේරත්න සහ ඇයගේ සැමියාවන ලෙන්ලි ජොන්සන් එක් අයෙකුට රුපියල් ල
ඉරානය සමඟ මීටත් වඩා කිට්ටු සම්බන්ධතා ඇති කරගෙන ඉදිරියට යන බව ජනාධිපති රනිල් වික්රමසිංහ මහතා උමා ඔය ව්යාපෘතිය විවෘත කිරීමේ අවස්ථාවට සහභාගී වෙමින් ප
පාස්කු ප්රහාරයේ ඇත්ත නැත්ත හෙළිදරව් කර ගැනීම සඳහා සමගි ජන බලවේග රජයක් යටතේ විශේෂ විමර්ශන කොමිෂන් සභාවක් ස්ථාපිත කරන බව විපක්ෂ නායක සජිත් ප්රේමදාස ම
ජාවාරම්කරුවන් පිරිසක් විශ්රාමික හමුදා නිලධාරීන් පිරිසක් රුසියාවට යුක්රේනයට යවා හමුදා සේවයට බඳවාගෙන ඇති බවට ලැබී ඇති තොරතුරක් සම්බන්ධයෙන් පොලිසිය
මහවැලි ව්යාපාරයෙන් පසුව මෙරට ක්රියාත්මක දැවැන්තම වාරි ව්යාපෘතියක් ලෙස ලක් ඉතිහාසයට එක් වෙමින් උමා ඔය බහුකාර්ය සංවර්ධන ව්යාපෘතිය ඉරාන - ශ්රී ලං
රජයන් සහ ජනාධිපතිවරුන් කිහිප දෙනෙක්ම පාස්කු ප්රහාරය ගැන පරීක්ෂණ මන්දගාමීව සිදුකරමින් චෝදනා ලැබූ නිලධාරීන් ආරක්ෂක අංශවල ඉහළ පුටුවල තබා ගනිමින් සාධ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඕස්ට්රේලියාවේ දේශසීමා විවෘත කෙරෙන්නේ 2021 දී
Jay Wednesday, 17 June 2020 09:09 PM
අනික් රටවල් විශාල වශයෙන් මුදල් විශ්ව විද්යාල වලින් උපයන කොට ලංකාවේ ඉන්න කුහකත්වය සපිරි කට්ටිය හැමවිටම කරන්නේ ලංකාවේ විශ්ව විද්යාල ආරම්භ කිරීමට විරෝධතාව දැක්වීමත් සටන් කිරීමට පෙල ගැසීම පමණයි..
සමන් ඕස්ට්රේලියාව Thursday, 18 June 2020 05:29 AM
මම ඉන්නේ වික්ටෝරියා ප්රාන්තයේ... මෙහෙ තත්වය නරක් වේගෙන එනවා වගෙයි.. කව්රුවත් මුඛ ආවරණ දාන්නේ නැහැ. ඒ අතින් ලංකාවේ පාලනය වූ හැටි ඉතා හොඳයි. ජනපතිට මල් පොහොට්ටුවක් දෙන්න ඕනෑ.
Bandula Thursday, 18 June 2020 10:01 AM
ලොව රටවල් රැසක් සිසුහු සිය උසස් අධ්යාපන අවශ්යතා සපුරාගැනීම සඳහා වාර්ෂිකව ඕස්ට්රේලියාවට පැමිණෙති. මෙම ක්ෂේත්රයෙන් ඕස්ට්රේලියාව වසරකට උපයන ආදායම ඕස්ට්රේලියානු ඩොලර් බිලියන 38 (ඇමෙරිකානු ඩොලර් බිලියන 26.14)කි. ලංකාවේ අධ්යාපනයට හෙන ගැහිලා තියෙන්නේ කුරුටු ගාන අය සහ ජෙප්පන් අැලීගෙන ඉන්න නිසා. නිදහස් (පිනට දෙන) අධ්යාපනේ කියන එක නැතිනම් ඔවුන්ගේ පැවැත්මකුත් නැහැ.