අසල්වැසි ඉන්දියාවේ නව කොරෝනා වයිරසය හෙවත් ‘කොවිඩ්-19’ ගෝලීය වසංගතය ආසාදනය වූ සංඛ්යාව ලක්ෂය ඉක්මවා ගොස් ඇත.
එරට දැඩි සත්කාර ඒකකවල ඇති ඇඳන් සංඛ්යාව 100,000ක් බව රොයිටර් පුවත් සේවය වාර්තා කර තිබූ අතර මේ වනවිට ආසාදිතයන් වාර්තා වීමේ වේගයේ අඩුවක් දක්නට ඇතැයි පෙන්වා දී තිබිණි.
සඳුඳා (18) දිනයෙන් අවසන් වූ පැය 24ක කාලයේදී ඉන්දියාවෙන් ආසාදිතයන් 4,970 දෙනකු වාර්තා වූ අතර එම කාලයේදී වාර්තා වූ කොරෝනා ආසාදිත මරණ ගණන 134ක් විය.
ඉන්දියාවෙන් අද (19) පස්වරු 5.30 වනවිට වාර්තා වූ කොරෝනා ආසාදිතයන්ගේ සමස්ත ගණන 1,02,231ක් වූ අතර එරටින් වාර්තා වූ සමස්ත මරණ ගණන 3,169ක් ලෙස දැක්විණි.
ඉන්දියාවෙන් වාර්තා වන ආසාදිතයන්ගේ ගණන නව කොරෝනා වයිරසය ව්යාප්ත වීමට ආරම්භ වූයේ යැයි කියන චීනයෙන් වාර්තා වන ආසාදිතයන්ගේ ගණනටත් වඩා වැඩිය.
පසුගිය සතියක කාලයේදී සාමාන්ය අගයක් ලෙස ගත්විට ඉන්දියාවෙන් දෛනික වාර්තා වූ ආසාදිතයන්ගේ ගණන 4,000ට වැඩි ය. වයිරසය ව්යාප්ත වීම වැළැක්වීම සඳහා ‘ලොක්ඩවුන්’ සීමා පනවා තිබියදී මෙම වැඩිවීම් වාර්තා විය.
ඇතැම් ප්රාන්ත ව්යාපාර සඳහා විවෘත කරන බවට ප්රකාශ කළ ද ‘ලොක්ඩවුන්’ සීමා මැයි මස 31 වැනිදා දක්වා දීර්ඝ කිරීමට ඉන්දීය බලධාරීහු ඉරිදා (17) පියවර ගත්හ.
ඉන්දියාවේ සෞඛ්ය පද්ධතියට ප්රමාණවත් පරිදි මුදල් වෙන් කිරීමක් සිදු නොවේ. ඒ තත්ත්වයත් කොරෝනා ආසාදිතයන්ගේ ගණන වැඩිවීමත් සමඟ සෞඛ්ය පද්ධතියට දරාගත නොහැකි පීඩනයක් එල්ල වනු ඇතැයි සෞඛ්ය විශේෂඥයෝ සහ බලධාරීහු වදවෙති.
ඉන්දියාවට ඇත්තේ ස්වසන සංවාතන යන්ත්ර (වෙන්ටිලේටර්ස්) 40,000ක් පමණක් බවත් දැඩි සත්කාර ඒකකවල ඇත්තේ ඇඳන් 100,000ක් පමණක් බවත් ඉන්දියාවේ ‘ඉන්දියන් සොසයිටි ඔෆ් ක්රිටිකල් කෙයාර් මෙඩිසින්) සංගමයේ සභාපති මහාචාර්ය දෘවා චෞද්රි පැවැසීය.
රට සෞඛ්ය පද්ධතියට ප්රමාණවත් යටිතල පහසුකම් සහ කාර්යමණ්ඩල නොමැති බවත් අසාධ්ය තත්ත්වයේ සිටින රෝගීන් ශීඝ්ර වැඩිවීමක් සිදු වුවහොත් රෝහල් කාර්යමණ්ඩලවලට එය දරාගත නොහැකි බවත් ඔහු කීය.
සෑම කොරෝනා ආසාදිතයකුටම දැඩි සත්කාර ඒකකයේ ඇඳක් අවශ්ය නොමැති බවත් එහෙත් ආසාදිතයන්ගේ ශීඝ්ර වැඩිවීම කනස්සල්ලට හේතුවක් බවත් සෞඛ්ය විශේෂඥයෝ බිය පළ කරති.
ඉන්දියාවේ කොරෝනා වයිරසය ආසාදනය වී සුව පිරිසගේ ගණන 39,600 ඉක්මවා ගොස් ඇත.
කොරෝනා වයිරසයේ තත්ත්වය සම්බන්ධයෙන් ඉන්දීය බලධාරීන් තවමත් සවිස්තර විස්තර ඉදිරිපත් කර නැතැයි ද ඉන්දීය මාධ්ය වාර්තා කර තිබිණි.
අනෙකුත් විශාල රටවල් හා සැසඳීමේදී ඉන්දියාවේ මරණ අනුපාතය සියයට 3ක් තරම් අඩු අගයක පවතී. ඇමෙරිකා එක්සත් ජනපදයේ කොරෝනා මරණ අනුපාතය සියයට 6ක් වන අතර බ්රිතාන්යයේ එම අගය සියයට 14කි.
රොයිටර්ස්/ඒ.එෆ්.පී.
055
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්රභේදයක්, මේ වනවිට, එක්සත් රාජධානිය පුරා ව්යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්ය සේවා අධ්යක්ෂ ජනරාල්වරයා පස්වරුවේ නිවේදනය කළේය.
‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (23) පස්වරුවේ තහවුරු කළේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉන්දියාවේ කොරෝනා ආසාදිතයන් ගණන ලක්ෂය පනී
anura Wednesday, 20 May 2020 07:29 AM
පසුගිය දිනවල ශ්රී ලංකාවේ සුප්රසිද්ධ දේශපාලඥයෙක් කිව්වා කොරෝනා පාලනය පිළිබඳව ඉන්දියාවේ එක්තරා ප්රාන්තයකින් අපිට පාඩම් උගත හැකිය කියලා.