ඇමරිකාවේ නිව්යෝර්ක් නගරයේ බ්රොන්ක්ස් සත්වෝද්යානයේ මැලේසියානු ව්යාඝ්රයෙකුට කොරෝනා වයිරසය ආසාදනය වී ඇතැයි පරීක්ෂණයකින් හෙළිවී ඇත.
නාඩියා නම් මෙම ව්යාඝ්රයා වයස අවුරුදු හතරක් වන ගැහැණු සතෙකි.
මෙය ඇමරිකාවේ දී සතෙකුට කොවිඩ් -19 ආසාදනය වූ ප්රථම අවස්ථාව බවට විශ්වාස කෙරේ.
නිව්යෝර්ක් නගරයේ බ්රොන්ක්ස් සත්ව උද්යාන පාලකයින් පවසන්නේ ලෝවා හි ජාතික පශු වෛද්ය විද්යාගාරය විසින් පරීක්ෂණ ප්රතිඵල තහවුරු කර ඇති බවයි.
නාඩියාට අමතරව සත්වෝද්යානයේ සිටින වෙනත් බිළාල වර්ගයේ දැවැන්තයින් හයදෙනෙකුට ද කොරෝනා ආසාදනය වී ඇතැයි සැකකරන බව ඔවුහු පවසති
නාඩියාගේ සොහොයුරිය වන අසුල්ට සහ තවත් ව්යාඝ්රයින් දෙදෙනකුට ද අප්රිකානු සිංහයන් තිදෙනකුට ද මෙලෙස කොවිඩ් ආසාදනය වී ඇතැයි සැක කෙරේ.
රෝග ලක්ෂණ නොපෙන්වූ කොවිඩ් ආසාදිත සත්වෝද්යාන සේවකයෙකු මාර්ගයෙන් මෙම සතුන්ට රෝගය බෝවන්නට ඇතැයි සැලකේ රෝගී සතුන්, වියළි කැස්සක්, ආහාර අරුචියක් ඇතුළු රෝග ලක්ෂණ පෙන්නුම් කර ඇත.
කෙසේ වුවද මේ වනවිට සතුන් සියලු දෙනා සුවය ලැබීමේ සලකුණු පෙන්නුම් කරන බව සත්වෝද්යානය පවසයි.
සුරතල් සතුන්ට කොරෝනා වයිරසය ආසාදනය වන බවට කිසිදු සාක්ෂියක් නොමැති අතර ඔවුන් රෝගී වීමට හෝ රෝගය පතුරුවන්නන් විය හැකි බවට කිසිදු සාක්ෂියක් නොමැති බව ද සත්වෝද්යානය පවසයි.
කොවිඩ් -19 පිළිබඳ පර්යේෂණ කරන වෙනත් සත්වෝද්යාන හා ආයතන වලට මෙම සොයාගැනීම් ඇතුළු තොරතුරු ලබාදීමට අදහස් කරන බව සත්වෝද්යානයේ ප්රධාන පශු වෛද්ය පෝල් කැලේ මහතා පවසයි.
"අපි නාඩියා ඉතා දැඩි පරීක්ෂාවකට ලක් කළා. මේ ආශ්රයෙන් කොවිඩ් -19 ගැන අප ලබාගන්නා දැනුම කොරෝනා වයිරසය සම්බන්ද පර්යේෂණ සඳහා දායක වන බව සහතිකයි" යනුවෙන් ඔහු පැවසීය.
වෛරසය සතුන් තුළ වර්ධනය වන්නේ කෙසේද යන්න සම්බන්දව නොදන්නා හෙයින් සත්වොද්යානයේ සියලුම සතුන් සම්බන්දව පරීක්ෂාවෙන් සිටින බව එහි පාලකයෝ පවසති.
මේ සම්බන්දව අදහස් දක්වමින් සත්ත්ව සෞඛ්ය සම්බන්දව ලෝක සංවිධානය පවසන්නේ මෙම ගැටලුව තවදුරටත් අවබෝධ කර ගැනීම සඳහා අධ්යනයන් සිදුවෙමින් පවතින බවයි.
අසනීප වී ඇති ඕනෑම කෙනෙකු සුරතල් සතුන් සමග සම්බන්දතා සීමා කල යුතු බවද ඔවුහු සඳහන් කර සිටිති.
ගෝරිල්ලන්, චිම්පන්සියන්, ඔරංඔටං වැනි මහා වානරයන්ට කොරෝනා වයිරසය තර්ජනයක් විය හැකි බවට සත්ත්ව සංරක්ෂක විශේෂඥයින් අනතුරු අඟවා තිබේ.
කොරෝනා වයිරසය පැතිරීම හේතුවෙන් නිව්යෝර්ක් නගරය හුදකලා කර ඇති අතර සත්වෝද්යාන සියල්ල ද වසා දමා ඇත.
(බීබීසී ඇසුරිණි - 085)
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්රභේදයක්, මේ වනවිට, එක්සත් රාජධානිය පුරා ව්යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්ය සේවා අධ්යක්ෂ ජනරාල්වරයා පස්වරුවේ නිවේදනය කළේය.
‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (23) පස්වරුවේ තහවුරු කළේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමරිකාවේ ව්යාඝ්රයෙකුට කොරෝනා
Mahee Monday, 06 April 2020 09:50 AM
අලි මදිවට හරක් කිව්වා වගේ සතුන්ටත් රෝගය පතුරුනොත් ලෝකයම ඉවරයි.
නන්නාදුනන හාදයා Monday, 06 April 2020 02:19 PM
මේ සත්වයාට ආහාර අරුචිය තියෙන නිසා නරඹන්නන්ට ප්රශ්නයක් නැතිව ඇති... නාඩියා ළඟටම ගිහින් එයාගේ ඔලුව අතගාන්න පුළුවන් ඇති... ආහාර අරුචිය නිසා මිනි කන්නේ නැහැ...