ලොව පුරා විසිරී සිටින කතෝලික ජනතාව ඉමහත් උද්දාමයට පත්වෙන මාසය ලෙස දෙසැම්බර් මාසය හැඳින්විය හැකිය. ඔවුන්ගේ හදවත් තුළට ගලා එන රුධිර දහරා තුළ පවා තැන්පත්වී ඇති සදා ජීවමානව වැඩ වසන ජේසු සමිඳාණන්ගේ උපත සිදුවූ මාසය දෙසැම්බරය බැවින් ඔවුන් එසේ උද්දාමයට පත් වෙති. දෙසැම්බරය උදාවූ දින සිට අවසාන දින දක්වාම මෙම උද්දාමශීලී භාවයෙන් කටයුතු කිරීම ඔවුන්ගේ සිරිතකි. ඒ නිසා සාමයේ කුමාරයා ලෙස විරුදාවලිය ලත් ජේසු සමිඳුන්ගේ උපත සිහි කිරීමේ ප්රීතිමත් අවස්ථාව කතෝලික ජනතාව සමරන්නේ ඉමහත් උද්දාමශීලී බැතියෙනි.
ඉතාලියේ මිලානෝ නගරයේ වෙසෙන සංක්රමණික ශ්රී ලාංකීකයින්ගේ කිතුණු සංඝය මෙවරත් මෙම ප්රීතිමත් නත්තල සැමරීම සඳහා නත්තල් ආසිරි සැඳෑව නමින් නත්තල් උත්සවයක් සංවිධානය කර තිබුණි. මිලානෝ චෙන්ත්රෝ ඇස්තෙරියා ශාලාවේදී පසු ගිය ඉරු දින සවස් භාගයේ නත්තල් ආසිරි සැඳෑව ආසිරි ගැන්විනි. මිලානෝ කිතුණු සංඝය භාර ප්රින්කි රෝෂන් සහ දෙශාන් පෙරේරා ගරු පියතුමන්ලාගේ අනුශාසකත්වයෙන් නත්තල් ආසිරි සැඳෑව සංවිධානය කර තිබුණි.
මිලානෝ නුවර වෙසෙන සියළුම ශ්රම සංක්රමණිකයින් බාරව සිටින ඉතාලි ජාතික ජන්කාර්ලෝ කුවාර්ඩ්රි ගරු පියතුමන් සමඟ මිලානෝ ජාත්යන්තර බෞද්ධ මධ්යස්ථානාධිපති අති පූජ්ය පණ්ඩිත මහගම විපුලසිරි මහා නාහිමිපාණන් සහ මිලානෝ ශ්රී ලංකා කොන්සල් ජෙනරල් ගරු ඩෙන්සිල් ෆොන්සේකා මහත්මාද මෙම අවස්ථාව සඳහා ආරාධනා ලැබ සිටියහ.
මිලානෝ නත්තල් ආසිරි සැඳෑව මෙවර හැඩගැන්වීමේදී විවිධ වයස් කාණ්ඩවලට අයත් දරු දැරියන්ගේ ප්රතිභාව සඳහා වැඩි කාල පරාසයක් වෙන්කර තිබීම සතුටට කරුණකි. එම දූදරුවන් ඉදිරිපත්කළ කැරොල් ගායනා, නර්ථන අංග සහ නාට්යමය ජවනිකා නෙත් සිත් බැඳ ගැනීමට සමත් විය. දරුවන්ගේ පුහුණුවීම් කටයුතු සඳහා වෙහෙස වුනු කිතුණු සංඝයේ දහම් පාසලේ ගුරු භවතුන් සහ දෙමව්පියන් වෙත එහි ප්රණාමය හිමි විය යුතුය.
උත්සවයේ උච්චතම අවස්ථාව වූයේ නත්තල් සීයාගේ පැමිණීමය. ශාලාව පුරා විසිරී සිටින දරු පැටවුන් නත්තල් සීයා වටා රොද බැඳ ගෙන නත්තල් ගීත ගායනා කරමින් වේදිකාව මතට පිවිසුණු අවස්ථාවේ මුළු ශාලාවම නත්තල් සිරියෙන් බැබලවෙන්නට විය. නත්තල් සීයාගෙන් තෑගි ලබාගත් කුඩා කුමර කුමරියෝ තම දෙගුරුන්ගේ තුරුලට වැදී චෙන්ත්රෝ ඇස්තේරියාවෙන් පිටවී ගියේ සාමයේ කුමාරයාණන් ලොවට ගෙන ආ සාමයේ පණිවිඩය තම පුංචි සිත් තුළ තැන්පත් කර ගනිමින් බව නිසැකය.
සුමිත් අරුණ
ඉතාලියේ මිලානෝ නුවර සිට
ඡායාරූප අයිවන් ප්රනාන්දූ
ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මිලානෝ නගරය බැබලවූ නත්තල් ආසිරි සැඳෑව