කාන්තාව සහ පිරිමියා අතර පවතින වැටුප් විෂමතාව අවසන් කොට සමානාත්මතාවයෙන් සැලකිය යුතුය යන විෂය මූලිකව මේ දිනවල ප්රංශ සමාජය තුළ විශාල කථිකාවක් ඇති වී තිබෙන්නේය. එය විරෝධතා උද්ඝෝෂණ ආදී උපාය උපක්රම ලෙස පසු කරමින් වර්තමානයේදී පාර්ලිමේන්තු හා සෙනට් සභා ගර්භය දක්වා පැමිණ ඇත්තේය.
ප්රංශ ජාතික ධජයත් ඒ හා බැඳුණු ජාතික උධෘත පාඨයත් නිදහස, සමානාත්මතාවය, සහෝදරත්වය යන ප්රධාන මිනිස් අයිතීන් තුන පිළිබිඹු කරන්නේය. එබැවින් ඉහත විෂයට සාපේක්ෂකව මෑත අතීතයේදී ප්රංශය තුළ අධ්යාපනය, සෞඛ්ය, රාජ්ය සේවය හා දේශපාලනය ආදිය සඳහා කාන්තා නියෝජනයේ සැලකිය යුතු වර්ධනයක් සිදුවී තිබේ. මෙවර ප්රංශ පාර්ලිමේන්තුවට මහජන නියෝජිතවරියන් 224 ක් තේරී පත්වූෙවා්ය. එසේ නමුදු ප්රංශය තුළ කාන්තාවට හා පිරිමියාට හිමි මාසික වේතනය හෙවත් මාසික වැටුප එක සමාන නොවේ. ඔවුන්ගේ මාසික සමස්ත වැටුපේ සාමාන්ය අගයට අනුව ගණනය කළහොත් ප්රංශ කාන්තාව නොවැම්බර් මස 03 වැනිදා උදේ 11.44 සිට දෙසැම්බර් 31 රාත්රී 12 දක්වා සේවය කරන්නේ වැටුප් රහිතවය.
ලක්සම්බර්ග් මූලිකව ක්රියාත්මක ප්රජා මට්ටමේ සංඛ්යාණ තොරතුරු පිළිබඳ යුරෝපා කොමිසම හා ජිනීවාහි පිහිටි ලෝක ආර්ථික සංසදය විසින් කළ නිරීක්ෂණයන්ට අනුකූලව ප්රංශයේදී කාන්තා හා පිරිමි වැටුප් අතර පරතරය වර්ෂ 2016 දී 15.1%ක් වෙන විට වසර 2017 දී එය 15.8% ක් දක්වා ඉහළ ගොස් ඇත්තේය. මේ හේතු කොට ප්රංශය තුළ කාන්තා සහ පිරිමි මාසික වැටුප එක සමාන නොවන පරිමාව වැඩි වී තිබේ. ප්රංශයේ කාන්තා සහ පිරිමි අතර සාමාන්ය වැටුප් පරතරය යූරෝ 494 කි. එනම් රුපියල් අසූ අටදාහක් පමණ වේ. මෙම ප්රතිශත අනුපාතයන් මේ අයුරට පැවතුන හොත් ප්රංශයේ කාන්තා හා පිරිමි වැටුප එක සමාන වීම සඳහා වසර 297 ක් ගත වෙන බව විද්වතුන් සාක්ෂි සහිතව කරුණු පෙන්වා දේ. මේ හේතුකොට වැඩ කරන ප්රංශ කාන්තාව නොවැම්බර් මස 03 වැනිදා සිට දෙසැම්බර් 31 දක්වා වැටුප් රහිතව නොමිලේ සේවය කරන බව ගණිත ක්රමයට අනුව ඔප්පු කර ඇත්තේය. මේ හේතුකොට ප්රංශයේ විවිධ කාන්තා සංවිධාන විසින් පැරීසිය හා විවිධ නගර හා ස්ථානවල වැඩ වරමින් උද්ඝෝෂණ ද පැවැත්වූයේය.
කාන්තා සහ පිරිමි සම අයිතිය පිළිබඳ ලෝක ආර්ථික සංසදය විසින් රටවල් 144 ක් යොදාගෙන කළ පරීක්ෂණවලට අනුව සමස්තයක් ලෙස කාන්තා සම අයිතිය ස්ථාපිත කළ රටවල් අතරින් බටහිර යුරෝපයේ රටවල් ඉතා හොඳ ප්රතිඵල ලබා දී ඇති අතර එය උතුරු ඇමෙරිකාවට වඩා යහපත් වෙන අතර උතුරු අප්රිකාව හා මැද පෙරදිග රටවල් ඉතාමත් පහළ මට්ටමක පවතින බව එම සංඛ්යා ලේඛන පෙන්වා දෙයි. ජී 20 රටවල් අතරින් පිළිවෙළින් මහ බි්රතාන්ය, කැනඩාව, දකුණු අප්රිකාව, ආර්ජන්ටිනාවට වඩා ඉහළ ස්ථානයක සිටින අතර ප්රංශය එහි 17 වැනි ස්ථානය හිමි කරගෙන ඇත්තේය. ජර්මනිය 13 වැනියාය. වර්ෂ 2006 දී ප්රංශය 70 වැනි ස්ථානයේ සිටියේය. මෙම ශ්රේණිගත ලැයිස්තුවේ ප්රධාන ස්ථාන ස්කැන්ඩිනේවියානු රටවලට හිමිවෙන අතර අයිස්ලන්තය, නෝර්වේ, ෆින්ලන්තය, ස්වීඩනය අනුපිළිවෙළට ලැයිස්තුවේ ප්රමුඛයෝ වෙති. අප්රිකාවේ රුවන්ඩාව ප්රථම දහදෙනා අතරට අයත් වේ.
ඇමෙරිකාවේ දේශපාලන ක්ෂේත්රයේ පවතින අඩු කාන්තා නියෝජනය හේතුවෙන් ඇමෙරිකාවට 49 වැනි ස්ථානය හිමි වේ.
ජිනීවාහි පිහිටි ලෝක ආර්ථික සංසදයේ අධ්යාපන, ස්තී්ර සහ පුරුෂ සේවා පද්ධති අංශයේ විධායක කමිටු සාමාජික ඉහත නිරීක්ෂණ වාර්තාවේ ප්රධානී සාඩියා ෂහීඩි මහත්මිය විසින් මෙම නිරීක්ෂණ වාර්තාව ඉදිරිපත් කොට ඇත්තේය.
‘‘මම කැමතියි කාන්තාවට වැඩි අවස්ථාවන් ලබා දෙන්න. ඒ විතරක් නොවේ. මම කැමතියි කාන්තාවක් අගමැති වෙනව නම්.” ප්රංශ ජනාධිපති මැක්රොන් මහතා විසින් පසුගියදා ප්රසිද්ධ සාකච්ඡාවකදී ඉහත ප්රකාශය කළේය. අද ප්රංශය තුළ කාන්තා සම අයිතිිය ප්රධාන දේශපාලන විශයයක් වී ඇති බව ජනපති ප්රතිචාරය තහවුරු කරන්නේය.
සුනිල් ආනන්ද
පැරීසියේ සිට.
ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පිරිමින්ට සමාන වැටුප් හා අයිතීන් ඉල්ලා ප්රංශ කාන්තාවෝ මහ මඟ උද්ඝෝෂණයේ