කංසා තොගයක් ප්රවාහනය කරමින් සිටියදී සැකපිට අත්අඩංගුවට පත්ව රක්ෂිත බන්ධනාගාරගතව සිටින ජර්මන් ජාතික දෙදරු මවක, අවුරුදු එකහමාරක් වයසැති තම වැඩිමහල් පුතුට මරණීය තුවාල සිදුකර සිඟිති දරුවා මරා දමා ඇති පුවතක් රෝමයේ රෙබිබ්බියා සිරගෙදරින් වාර්තා වේ.
ඇලිස් සෙබෙස්ටා නම් වූ තිස්තුන් හැවිරිදි ජර්මන් ජාතික දෙදරු මව පසුගිය දිනෙක ඉතාලි පොලිස් අත්අඩංගුවට පත්වෙන්නේ කංසා තොගයක් ප්රවාහනය කරමින් සිටියදීය. ඇය සමඟම තවත් නයිජීරියානු ජාතිකයන් දෙදෙනෙකු ද පොලිස් අත්අඩංගුවට පත්වුව ද, පොලිසිය විසින් එම නයිජීරියානුවන් නිදහස් කර ජර්මන් ජාතික කාන්තාව පමණක් සැකපිට රක්ෂිත බන්ධනාගාර ගතකර තිබුණු බව උක්ත ප්රවෘත්තිය වැඩිදුරටත් සඳහන් කරයි.
ඉතාලි දණ්ඩ නීති සංග්රහයට අනුව බන්ධනාගාර ගතවෙන සැකකරුවකු හෝ වරදකරුවකු හෝ සමඟ වෙනත් රැකවරණයක් නැති වයස අවුරුදු හයට අඩු දරුවන් වේ නම්, ඔවුන් ද තමන් සමඟ බන්ධනාගාරයේ රඳවා ගැනීමේ වරප්රසාදයකට හිමිකම් කිව හැකිය. මෙම වරප්රසාදය යටතේ ඇලිස් සෙබෙස්ටා ද තම දරු දෙදෙන තමන් සමඟ බන්ධනාගාරයේ රඳවාගෙන තිබී ඇත.
සිරගෙය තුළදී දැඩි ආතතියෙන් පසුවූ උක්ත රැඳිවියගේ සාමාන්ය නොවුණු හැසිරීම පිළිබඳව අනෙකුත් රැඳිවියන් විසින් බන්ධනාගාර වගකිවයුත්තන් දැනුම්වත් කර තිබුණ ද, අවාසනාවන්ත සිද්ධිය සිදුවෙන තුරුම මෙම නිලධාරීන් උක්ත පැමිණිලි පිළිබඳව තැකීමක් කර නැත.
අවාසනාවන්ත සිද්ධිය වූ දින බන්ධනාගාර රැඳිවියන් දිවා ආහාරය සඳහා අදාළ ශාලාව වෙත යමින් සිටියදී, ජර්මන් ජාතික රැඳිවිය තම වැඩිමහල් පුතුගේ හිස කීපවරක් වේගයෙන් බිත්තියක ගසා ඔහු තරප්පු පෙළකින් පහළට තල්ලු කරමින්ම හයමස් තම සිඟිති දරුවා ද ඒ සමඟම තරප්පුවෙන් පහතට විසිකර ඇත. මේ සියල්ල බන්ධනාගාර ආරක්ෂක කැමරා පද්ධතියේ පැහැදිලිව සටහන් වී ඇත.
වයස මාස හයක් වූ අතදරුවා එතැනම මියැදී තිබුණු අතර, අනෙක් දරුවා බරපතළ තුවාල ලැබ දැනට රෝමයේ ළමා රෝහලක දැඩි සත්කාර ඒකකයක ප්රතිකාර ලබමින් සිටී. වෛද්ය වාර්තාවන්ට අනුව මෙම දරුවාගේ ද ජීවිතය බේරාගැනීම පිළිබඳව පූර්ණ විශ්වාසයක් තවමත් තැබිය නොහැකිය.
ජර්මන් ජාතික රැඳිවියගේ අසාමාන්ය හැසිරීම පිළිබඳව අනෙකුත් රැඳිවියන් විසින් කරන ලද පැමිණිලි නොතකා හැරීමේ වරදට රෝමයේ රෙබිබ්බියා බන්ධනාගාරයේ කාන්තා අංශයේ අධ්යක්ෂකවරිය මනෝචිකිත්සකවරිය ඇතුළු නිලධාරීන් කීපදෙනෙකුගේ වැඩ දැනටමත් තහනමට ලක්කර ඇත.
කාන්තාවන් දෙදහස් පන්සිය පනහක් විවිධ චෝදනා මත ඉතාලියේ බන්ධනාගාර ගතව සිටින අතර, මින් පනස් දෙනෙකු වයස අවුරුදු හයට අඩු තම දරුවන් සමඟ සිරගෙවල් තුළ ජීවත් වෙති. මෙසේ අම්මලා සමඟ ඉතාලියේ සිරබත් කන වයස අවුරුදු හයට අඩු දරුවන්ගේ මුළු සංඛ්යාව හැට දෙකකි. මේ අතර ඉතාලි ජාතික දරුවෝ තිස්තුන් දෙනෙක් ද, විදේශික පුරවැසි දරුවෝ විසිනව දෙනෙක් ද වෙති.
ගැස්කොන් ලාසරස් - රෝමය, ඉතාලිය.
ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජර්මන් ජාතික දෙදරු මවක් රෝමයේ සිර ගෙයක් තුළදී සිඟිති දරුවකු මරා දමයි