කෙනඩි පවුලේ පැරණි ඡායාරූපයක්
කියන කරන බොහෝ දේ සෘනාත්මක ප්රතිඵල ගෙන දේ නම්, එය අවාසනාවක් ලෙස බොහෝ අය සලකති. මෙහිදී සුභ සෙත පතා ඇතැමෙකු ආගමික ප්රතිකර්මවල පිහිට පතති. කිසියම් පුද්ගලයෙකුට හෝ පවුලකට පරම්පරාවකට අභිරහස් ලෙස පරිහානිය හෝ ජීවිත විනාශය ළඟාවේ නම්, එය ශාපයක් ලෙස සැලකීමට ද ඇතැමෙකු පුරුදුවී සිටී. ලෝ පසිඳු ශාපයන් අතර ටූටන්කාමන්ගේ ශාපය ද එකකි. (ටූටන්කාමන්ගේ සොහොන් කුටිය විවර කළ සහ එම ගවේෂණයට දායක වූ සියළුදෙනාම පාහේ අභිරහස් ලෙස මියගියහ.)
අපේ යුගයේ ශාපයන් අතර ලොව වඩාත්ම කතාබහට ලක්වී ඇත්තේ ඇමෙරිකාවේ කෙනඩි පවුලට පළදෙමින් ඇති ශාපයයි. කෙනඩි පවුලට උදාවී ඇති මේ අවාසනාවන්ත කාලයේ ආරම්භය දෙවැනි ලෝක යුද්ධ කාලය දක්වා අතීතයට දිවයයි. මීට වසර පනහකට පෙර, එනම් 1969 වසරේ අගෝස්තු මස පළමුවැනිදා ඇමෙරිකාවේ හිටපු ජනාධිපති ජෝන් එෆ්. කෙනඩිගේ සහෝදරයකු වූ ටෙඩ් කෙනඩි විසින්, කෙනඩි පවුලට ශාපයක් පළදෙමින් ඇති බව ප්රසිද්ධියේ ප්රකාශ කරන්නට යෙදුණි.
ටෙඩ් කෙනඩිගේ ප්රකාශයට වසර පනහක් පිරෙණ දා කෙනඩි පවුලේ තවත් සාමාජිකාවක අභිරහස් ලෙස මරණයට පත්වීම ලොව මවිතයට පත්කර ඇත. මෙසේ අභිරහස් ලෙස මරණයට පත්ව ඇත්තේ ඇමෙරිකාවේ හිටපු ජනාධිපතිවරයාගේ සහෝදරයකු වූ රොබට් කෙනඩිගේ සහ එම ආර්යාවගේ මිණිබිරියක වූ වික්ටෝරියා යන අන්වර්ථ නාමයෙන් හැඳින්වුණු විසි දෙහැවිරිදී තරුණියයි. මිත්තනියගේ නිවසේ කාමරයක් තුළ මියැදී සිටි ඇයගේ මරණයට හේතුව මත්ද්රව්ය අධිමාත්රාව යයි නිල නොවෙන ආරංචි මාර්ග පවසයි. ඇගේ පියා වූ කාර්ට්නි කෙනඩි, 1974 අයර්ලන්තයේ සිදුවූ ත්රස්ත ප්රහාරයක් සම්බන්ධයෙන් සිරබත් කෑ නිවැරදිකරුවෙකි. (කෙනඩි පවුල ඈත අතීතයේදී අයර්ලන්තයේ සිට ඇමෙරිකාවට සංක්රමණය වූවෝ වෙති.)
කෙනඩි පවුලේ මෙම අවාසනාවන්ත මරණ ඉතිහාසය 1944 දක්වා ඈතට දිව යන්නකි. ඇමෙරිකාවේ හිටපු ජනාධිපති ජෝන් එෆ්. කෙනඩිගේ වැඩිමහල් සොහොයුරු හමුදා ලුතිනන්වරයකුව සිටි ජෝසප් කෙනඩි, දෙවැනි ලෝක යුද්ධ සමයේ එනම් 1944 අගෝස්තු මස පළමුවැනිදා පියාසර කරමින් තිබූ පුපුරණ ද්රව්ය රැගත් ගුවන්යානය ප්රංශය අසල ගුවනේ පුපුරා යාමෙන් මියගියේ සුන්නද්ධූලි වීමෙනි.
ජෝසප් කෙනඩිගේ මරණයෙන් වසර හතරකට පසුව 1948 දී ඔහුගේ සහෝදරියක වූ කැතලීන් කැවන්ඩිෂ් ගුවන් අනතුරකින් මියගියාය. කෙනඩි පවුල වසා පැතිර යන ශාපයේ ඊළඟ බිල්ල බවට පත්වූයේ 1963 අගෝස්තු මස ඇමෙරිකානු ජනාධිපතිවරයා වූ ජෝන් එෆ්. කෙනඩිගේ පුතුව ඉපිද, දින දෙකකින් මියගිය පැට්ට්රික් කෙනඩිය.
පැට්ට්රික් කෙනඩිගේ අභාවයෙන් මාස තුනකට පසුව, ජෝන් එෆ්. කෙනඩි 1963 වසරේ නොවැම්බර් මස ලී හාවි ඔස්වල්ඞ් විසින් වෙඩිතබා ඝාතනය කරනු ලැබීය. ඊට වසර පහකට පසුව 1968 ජෝන් එෆ්. කෙනඩිගේ සහෝදර රොබට් කෙනඩි ද සහසිකයකු විසින් වෙඩිතබා ඝාතනය කරනු ලැබීය. ඒ කෙනඩි පවුලේ පස්වැනි අවාසනාවන්ත මරණයයි.
රොබට් කෙනඩිගේ මරණයෙන් වසර දහසයකට පසුව 1984 දී ඔහුගේ පුත් ඩේවිඩ් කෙනඩි මියගියේ මත්ද්රව්ය අධිමාත්රාවක් ගැනීම හේතුවෙන්ය. 1997 වසරේ ඩේවිඩ්ගේ සොහොයුරු මයිකල් කෙනඩි හිම ක්රීඩා කරමින් සිටියදී සිදුවූ හදිසි අනතුරකින් මියගියේය.
ජෝන් එෆ්. කෙනඩි රථය තුළ වෙඩි වැදී සිටි අයුරු
ජෝන් එෆ්. කෙනඩිගේ පුත්ර කනිෂ්ඨ ජේ.එෆ්.කේ. 1999 දී අත්ලන්තික් සාගරය මතදී සිදුවූ ගුවන් අනතුරකින් මියගියේ තම බිරිඳ ඇතුළු පවුලේ තවත් සාමාජිකයන් කීපදෙනෙකු ද සමගින් ය. 2012 වසරේදී රොබට් කෙනඩිගේ වැන්දඹු බිරිඳ පනස් දෙහැවිරිදී මාරි රිචඩ්සන් අභිරහස් ලෙස ගෙල වැලදා මියැදී සිට සොයාගන්නා ලදී.
මේ වසරේ අගෝස්තු මස පළමුවැනිදා මත්ද්රව්ය අධි මාත්රාවකින් මියගිය ලිබර්ටි කෙනඩි, කෙනඩි අවාසනාවන්ත මරණ ලයිස්තුවේ දහවැනි මරණය ලෙස සටහන්වේ. කෙනඩිවරු කීපදෙනෙකුම අවාසනාවන්ත ලෙස මියගොස් ඇත්තේ අගෝස්තු මාසයේ දීය. එබැවින් අගෝස්තුව කෙනඩිවරුන්ට අපල මාසයක් ලෙස සැලකේ.
චාපි කෝසලා - මියුනිච්, ජර්මනිය.
ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කෙනඩි පවුලේ අවාසනාවන්ත මරණ ලයිස්තුව තවත් දික් වෙයි අගෝස්තු මාසය කෙනඩිවරුන්ට අපලයි