තිස්සගේ මතක වත-80
එක්සත් ජාතික පක්ෂයේ අතීත ක්රියාකාරි නායකයෙක් විදිහට රන්ජන් විජේරත්නගේ භූමිකාව විශේෂ එකක්. ඔහු එක්සත් ජාති පක්ෂයේ ක්රියාකාරි සාමාජිකයෙකු වෙන්නේ දේශප්රේමි ජනතා ව්යාපාරයේ භීෂණකාරි කටයුතු තදින් ක්රියාත්මක වෙච්ච අවදියේ. ඒ වෙද්දි රන්ජන් විජේරත්න රාජ්ය අංශයේ වැඩ කළේ ඔහු එක්සත් ජාතික පක්ෂයේ 77 ආණ්ඩුව කාලේ ලේක්හවුස් ආයතනයේ මෙහෙයුම් අධ්යක්ෂවරයා විදියටත් කටයුතු කළා. ඊටත් කලින් ඔහු සුප්රසිද්ධ වැවිලිකරුවෙක්. වැවිලි අංශයේ නමක් දිනාගත්තු චරිතයක්. කෘෂිකර්ම අමාත්යාංශයේ ලේකම්වරයා වශයෙනුත් වැඩකළා. කෘෂිකර්ම සංවර්ධන අධිකාරියේ සභාපති වෙලා හිටියා. වැවිලි කර්මාන්ත අමාත්යංශයේ ලේකම් වෙලා හිටියා. මේ විදියට කටයුතු කරල තමයි ඔහු එක්සත් ජාතික පක්ෂයත් එක්ක සෘජු ලෙසම දේශපාලන වැඩට හවුල් වෙන්නේ.
ජේ.ආර්. ජයවර්ධන මැතිතුමාගේ සමීප සම්බන්ධතා උඩ එක්සත් ජාතික පක්ෂයේ පසුබිමේ රන්ජන් විජේරත්න කාලයක් තිස්සේ කටයුතු කළා.
රන්ජන් විජේරත්න එක්සත් ජාතික පක්ෂයේ සභාපති ධුරයට පත්වීමත් අහඹු සිදුවීමක්. ඔහුත් සමහරවිට බලාපොරොත්තු වෙන්න නැතුව ඇති ඒ වෙලාවේ ඔහු ඒ තනතුරට පත්වෙයි කියල. හර්ෂ අබේවර්ධනගේ ඝාතනයත් එක්ක තමයි රංජන් විජේරත්නට එක්සත් ජාතික පක්ෂයේ සභාපතිවරයා විදියට කටයුතු කරන්න අවස්ථාව ලැබෙන්නේ. රංජන් විජේරත්නගේ චරිත ස්වභාවය අනුව ඔහු ටිකක් දැඩි පුද්ගලයෙක්. යකාටවත් බය නැති ජාතියේ චරිතයක්. මුලින්ම යු.ඇන්.පී. එකේ සභාපති විදියට ඔහුව පත් කරපු අවස්ථාවෙත් ඔහුට දැඩි ආරක්ෂාවක් දීලා තිබුණා.
රන්ජන් විජේරත්න සිරිකොතට ඇවිත් වැඩ බාර අරගෙන කටයුතු කරන්න සූදානම් වෙලා ඔහුගේ සහායට දෙන්නෙක් පත්කර ගත්තා. එයින් එක්කෙනෙක් මම. රන්ජන් විජේරත්නගේ පුද්ගලික සහකාරවරයෙක් විදියට තමයි මට වැඩ කරන්න ලැබුණේ. රාහුල සිරිවර්ධනත් මමත් එක්ක රංජන් යටතේ වැඩකළා. මට විශේෂයෙන් පැවරුණු වැඩ කොටස වුණේ වෘත්තීය සමිති ව්යාපාරය සහ පක්ෂ සංවිධාන බාරව කටයුතු කිරීම. රාහුල ඔහුගේ ලිපි ලේඛන කටයුතු භාරව වැඩ කළා.
මේ කාලේ රංජන් විජේරත්න දේශප්රේමි ජනතා ව්යාපාරයට බය නැතුව මුහුණ දුන්නු කෙනෙක්. ඔහුගේ දැඩි ස්වභාවයත් ඔහුට තිබුණු හමුදා පසුබිමත් මේ තත්ත්වයට හේතු වෙන්න ඇති. රංජන් විජේරත්න ස්වේජ්ඡා හමුදා සේවයේ කර්නල්වරයෙක් විදියට කලක් වැඩකරලා තියෙනවා. ඒක නිසා ඔහු කාටවත් බය නැති නිර්භීත පුද්ගලයෙකු විදිහට ප්රකට වෙලා හිටියේ.
පක්ෂ සභාපති ධුරයට පත්වුණාට පස්සේ අපි රංජන් විජේරත්න එක්ක රට පුරා සංචාරය කරමින් පක්ෂ සංවිධාන කටයුතු පිළිබඳ හොයා බැලුවා. ඔහුට ඕන වුණා අඩාලවෙලා තිබුණු එක්සත් ජාතික පක්ෂයේ සංවිධාන ජාලය ශක්තිමත් කරලා නගා සිටුවන්න. ඒ වෙලාවේ පක්ෂ දේශපාලන කටයුතු විධිමත් විදියට කරගෙන යන්න පුළුවන් තත්ත්වයක් නොවෙයි රටේ පැවතුණේ. උතුරෙත් දකුණෙත් භීෂණය රජකරපු ඒ කාලයේ කවුරුවත් දේශපාලන වැඩකටයුතුවලට එළියට බැස්සේ නෑ. එහෙම එළියට බැස්සනම් ජීවිත අවදානමකට මුහුණ දෙන්න තමයි සිද්ධ වුණේ
තව කොටසක් ලබන ලබන සතියට
ප්රියන්ත කොඩිප්පිලි
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
එජාපයේ බයනැති සභාපති