(මීරිගම විශේෂ - පුෂ්පකුමාර මල්ලවආරච්චි)
සියනෑවේ යුවළකි. කුඩා දියණිය සමග වෙන්නප්පුව ප්රදේශයේ මිතුරකුගේ නිවසේ සාදයකට ගියේ මිතුරාගේ බලවත් ආරාධනය ප්රතික්ෂේප කළ නොහැකි වූ නිසාවෙනි. සැමියා වෑන් රිය පදවා ගෙන ගියත් සාදය අවසන් වනවිට ඔහුට රිය පැදවීමට අපහසු විය. සිරිත් පරිද මෙවන් අවස්ථාවලදී බිරිය සුක්කානම අතට ගැනීම පුරුද්දකි. ඒ අනුව අලූයම දෙකට පමණ ඇය ක්රියාත්මක වූවාය.
මග තොට හරියට නොදත් ඇය මිතුරාගේ නිවසේ සිට ප්රධාන පාරට පැමිණ හරවන්නේ වමටද දකුණටදැයි සැමියාගෙන් විමසුවේ වැඩි හොඳටය. වමට හරවන්න, වමට හරවන්න සැමියා බිරියට උපදෙස් දුන්නේය. බමන මතින් පසුවෙන සැමියා ඉදිරි අසුනේ තද නින්දේය.
දියණිය පසුපස අසුනේ නිදි දෙව් දුව වැළඳගෙනය. බිරිය සැමියාගේ උපදෙස් පරිදි වමට හැරවූ රිය ඉදිරියට ධාවනය කරන්නට වූවාය. පැයක් හමාරක් ගතවිය. අඳුරේ වුවත් පාර දෙපස ඇයට වෙනසක් දැනිණි. සැමියා කී මග නිවැරදි විය යුතු නිසා ඇය ඒ ගැන නොවිමසාම ගමන් කළාය.
ඇය කලබලවූයේ තමන් පුත්තලම නගරය සමීපයට පැමිණ ඇති බව දැන්වීම් පුවරුවක් මගින් දැකීමෙනි. ඒවනවිට පාන්දර පහත් පසුවී තිබිණි. ඇය සැමියා අවදි කර මේ ගැන කීවාය.
බිරියගේ වදන් සමග ඔහුගේ මත දුරුවිය. දෑස් පිසදා බලද්දී ඇය නිවැරදි බව තේරුම් ගියේය. වරද සිදුවී හමාරය. කළ හැකි දෙයක් නැත. රිය ආපසු හරවන්නට සැමියා බිරියට උපදෙස් දුන්නේය.
ළඟම තිබූ ඉන්ධන හලකින් ඉන්ධන පුරවාගත් සැමියා රිය අතට ගත්තේ තමන්ගේ බීමත්කම නිසා සිදුවූ වරද හරිගස්සන්නටය. නිවෙස බලා එනතුරුම බිරියගේ දෙස් දෙවොල් අසමින් සැමියා රිය පැදවූයේ වදනක්වත් නොදොඩාය.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සූර්වී බිරියට වාහනය එළවන්න දී පාර වරද්දාගෙන
ධම්ම Thursday, 18 September 2014 09:48 AM
බොන රටවිරුවන් නෝනාගේ රියදුරුකමෙන් ප්රයෝජන ගැනීමත්, නෝනලා වාහනේ යතුර ඇඟිල්ලේ කරකවමින් ෂොපින් යාමත් සාමාන්ය දේවල්ය. (අ)
කමලාවතී Thursday, 18 September 2014 10:53 AM
මොකද සමහරු අද නෝනලා ට බැන ගත්ත ගමන්.? පරණ සිද්ධියක්වත් මතක් වෙලාද ?(දිල්)
මාලි Friday, 19 September 2014 04:40 AM
වසලයො ටික ඔක්කොම ඩෝප්කාරයගෙ පැත්තේ (නදී)
අස්ලම් Sunday, 21 September 2014 11:51 AM
ඕක ඔච්චර බනින්න දෙයක්ද ? (නදී)
චන්න Thursday, 18 September 2014 02:01 PM
සුමේධ, ඔයා හාමිනේ එක්ක අද තරහ වුණාද? ඇයි බවලතුන්ට දොස් කියන්නේ? (නි)
සුමේධ Thursday, 18 September 2014 04:01 AM
වරද බීපු එක නෙවෙයි, බිරිඳ පාර දන්නෙ නැති එක. වම දකුණ මතක නම් මනුස්සය වාහනේ එලවනව නේ. ඕක නියම ගෑනු ගතිය, වරද කොතනට හරි දමන්න කියවනවා. (ස)
ගාමිණී සිරිවර්දන Thursday, 18 September 2014 02:53 PM
මට පෙනෙන විදියට නම් මහත්තයාට හොරෙන් නෝනාත් අඩියක් ගහලා ඇති හැඩයි! (නි)
රූපවතී Friday, 19 September 2014 03:37 PM
මම මේ සැමියාට හිස නමන්නේ වෙන මොනවටවත් නෙවි බිලා වාහනේ නොපැද්දට (ස)
මහේෂ් Thursday, 18 September 2014 03:45 PM
ඉඳල හිටලා ජීවිතයේදී මේ විදියේ සිද්ධි වෙනකොට පොඩි ගතියකුත් තියනවා (නි)
ඇන්ටන් Thursday, 18 September 2014 03:50 PM
මේ කියන බිරිය අකුරු කියවන්න බැරි කෙනෙක් වෙන්න ඇති. ඔය කියන පාරේ බොහොම පිළිවෙලට ඒ ඒ නගර වල නාම පුවරු සඳහන් කරලා තිබෙනවා (නි)
කෝහිනූර් Friday, 19 September 2014 03:42 PM
මේ නෝනාට ලයිසන් තියෙනවද කියල බලන්න (ස)
රුවන්සිරි Thursday, 18 September 2014 04:47 AM
මෙව්ව කතාද ? මේව රටේ සිද්ධ වෙන සාමාන්ය දේවල්නෙ. (ස)
පද්මිිණි Thursday, 18 September 2014 05:30 AM
සුමේධ, බලන්න කොපමණ දිරිය මවක්ද? පාන්දර 2 ට බිමත් සමියාවත්, දරුවවත් ආරක්ෂා කරගෙන වාහනය අතට ගැනීම. මේවයින් වත් පාඩම් ඉගෙන ගන්නේ නැති හැටි (දිල්)
චමත්-ලංකාව Friday, 19 September 2014 09:13 PM
රුපවති අක්කේ,කෙළින් ඉන්නත් බැරුව, මොන වාහන එළවිලිද? (නි)
රුවන් Thursday, 18 September 2014 05:55 AM
මේ මහත්තයට තවත් පාඩමක් ඉගනගන්න තිබුණා.පොලිස් මාමලා වාහනය නතර කළා නම් හෝ අනතුරක් වුනානම්.(දිල්)
කළණි Thursday, 18 September 2014 09:46 PM
හලාවත බෝඩ් දැක්කේ නැද්ද දන්නේ නැහැ. පුත්තලමට ගොඩක් කලින්නේ හලාවත එන්නේ. (නි)
සූරියාරච්චි Thursday, 18 September 2014 11:15 PM
බලාගෙන ගියාම වරද බිරියගේලු. බොන කට්ටිය මිනිහාගේ පැත්තේ. (නි)
සුනිල් පෙරේරා Thursday, 18 September 2014 06:34 AM
මටත් ඔහොම වෙලා තියෙනවා. පාඩුව මට තමයි (නදී)
කිරි ගමරාල Thursday, 18 September 2014 06:44 AM
සුක්කානම කරකවන්න දන ගත්තට මදි. යන්නේ කොහෙද කියල දැනගන්න අකුලන සිතියමක් වාහනේ තියාගන්නෙක ඇඟට ගුණයි. හැම ආගමකම කියල තියෙන්නේ මත්වීමට සහ ප්රමාදයට හේතුවෙන පරිද්දෙන් සුරාව සහ මත් ද්රව්ය ගන්න එපා කියල. අපේ ඇත්තෝ එක මඳ පමණට කියල හදා ගත්තට මඳ පමනට ගත්තහමත් සිහිවිකල් වෙන බව අමතක කරන්න හොඳ නැහැ. හොඳ වෙලාවට පොලිසියෙන් නැවැත්තුවෙ නැත්තේ. එහෙම වුනානම් දික්කසාදයෙන් කෙලවර වෙන්නත් තිබුණ. (ස)
සුමේධ Thursday, 18 September 2014 07:01 AM
පද්මිණි, මවගේ දිරිය නම් හොඳයි. වම් අත පැත්තේ කණු වල ඉලක්කම් දිහා බැලුව නම් පුත්තලමට ම යන්න වෙන්නේ නෑ. බිරිඳ ඔය වැඩේ ලොකු කමට කරන නිසා තමයි සැමියා කණ සාක්කුවේ දා ගන්නේ. මව හිත වගේ ම මොලෙ ත් පාවිච්චි කළා නම් සැමිය ගෙ බීම අඩු කරගන්න තිබුණා. (ස)
චමින්ද Saturday, 20 September 2014 01:35 AM
සාදය තිබුණු ගෙදර කෙනාවත් පාර කිව්වේ නැද්ද එන්න හදනකොට? එයාට වැදිලා ඇති ඔක්කටම කලින් (නි)
දිලාන් Thursday, 18 September 2014 08:29 AM
සුමේධට මේ නෝනාගේ තව වැරදි පෙනේවි අතරමඟදී හොරු ටිකක් මොන ක්රමයකින් හරි වාහනය නවත්වා ගත්තා නම් . දරු පවුල අමතක වෙලා ඩෝප් දාගෙන නිදාගත් මහත්තයට තවත් ආවඩන්න සුමේධ (නි).