උණවටුන ඩී.ජී. සුගතපාල
ඇය දකුණු පළාතේ ප්රසිද්ධ නගරයක රජයේ පරිපාලන කාර්යාලයක රැකියාවක් කළාය. එහෙත් පදිංචිය එම නගරයේ සිට සැතපුම් හැට හැත්තෑවක් දුරිනි. මේ නිසා ඇය රැකියාව කළ අවටින් නවාතැනක් සොයා ගත්තාය. කාර්යාලයේ ඇය සේවය කළ කුඩා කොටසේ සිටියේ තුන් හතර දෙනකු පමණක් වූ අතර ඇය බොහෝවිට තනිවම සිටීමට කැමැත්තක් දැක්වූවාය
මේ නිසා අනෙක් අය ද ඇය සමඟ එතරම් සුහදතාවක් නොවීය. විශ්රාම යාමට තවත් වසර දෙකක් තිබුණත් එයට පෙර විශ්රාම යාමට ඇය තීරණය කළාය. නිවසේ සිට දුර බැහැරක සේවය කිරීමත් නිවසේ සහ දරුවන්ගේ කටයුතු සොයා බැලීමත් අවශ්ය නිසා මෙසේ විශ්රාම යාමට තීරණය කළ බව ඇය අනෙක් අයට පැවසුවාය. ඇයට තවත් ගැටලුවක් වූයේ ඇයගේ තනතුර ගම් ප්රදේශයේ කාර්යාලයක නොතිබීමය.
මේ අතර ඇයගේ විශ්රාම ගැන්වීමේ ලිපිය ලැබිණි. එය දැක ඇය ඉතා සතුටට පත්වූවාය. ඇය බාරයේ තිබූ සියලු භාණ්ඩ අලුතෙන් පැමිණ සිටි නිලධාරිනියට බාර දුන් ඇය වෙළඳසලකට ගොස් අයිස් ක්රීම් ලීටරයක් ගෙනැවිත් බෙදාගෙන කනලෙස එහිසිටි තුන් හතර දෙනාට කීවාය.
සියලු කටයුතු අවසන් වීමෙන් පසු පස්වරු හතර වනවිට ඇය විසිහත් වසරක රජයේ සේවයට සමු දුන්නාය. බෑගය අතට ගත් ඇය කබඞ් එක උඩතිබූ අයිස් ක්රීම් ලීටරය බැලුවාය. එහි අඩුවී තිබුණේ ඉතා සුළු ප්රමාණයකි. ඒ වනවිට එය තරමක් දුරට දියවී තිබිණ. එහෙත් එය තබා යාමට ඇය අකමැතිවිය. එනිසා පොලිතින් බෑග් එකකට අයිස්ක්රීම් බඳුන දමා ගත්තේ ගෙදර ගෙන යාමට ය.
ඇය එක් අතකින් බෑගය ද අනෙක් අතින් අයිස් ක්රීම් බෑගය ද එල්ලාගෙන බසයට ගොඩවූවාය. පැය තුනක ගමනින් පසුව ඇය බසයෙන් බැස්සේ ගෙදර යාමටය. ඇය මඳක් ඔසවා අයිස් ක්රීම් බෑගය බැලුවාය. ඇය දුටුවේ පොලිතින් බෑගයේ පිරී තිබුණ අයිස් ක්රීම් හොද්දකි. ප්ලාස්ටික් බඳුණේ පියන ගැලවී එය බෑගය පුරා දියරයක් ලෙස පිරී තිබිණි.
කරගත් මෝඩකම ගැන ලැජ්ජාවට පත් ඇය අසල තිබූ කසළ බඳුනකට අයිස් ක්රීම් හොදි පාර්සලය දමා ත්රිරෝද රථයකට ගොඩවූයේ නිවෙසට යාමටය.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විශ්රාම ගියදා අයිස්ක්රීම් හොද්දක් ගෙදර ගෙනිහින්
mahesh Friday, 04 May 2018 01:11 PM
ඒ සිව් දෙනාට පොඩි තෑග්ගක් දෙන්න තිබුනේ.. ඒ කාන්තාවට මොනවා වුණත්..., හිම කිරම අරන් දෙන්න තරම් කාරුණික හදවතක් තිබිලා තියෙනවා.
pakeer Saturday, 05 May 2018 05:11 PM
මේ වගේ අය තමයි රජයේ ආයතන වල ඉන්නේ...
Tharuka Sunday, 06 May 2018 07:02 AM
මේක දෙයියෝ සාක්කි එකට ගැලපෙන්නේ නෑනේ...