(මාවතගම - කාංචනමාලා බණ්ඩාර)
දතේ කැක්කුම නැති කර ගන්නට හොඳට සූර් වී දොස්තර ළඟට ගිය පුද්ගලයකුට සිදුවූ අකරතැබ්බයක් මාවතගමෙන් වාර්තා විය.
සිද්ධිය මෙසේය.
මාවතගම ප්රදේශයේ එක්තරා පුද්ගලයකු දත් කැක්කුම හැදුණු දත ඉවත් කර ගැනීමට දන්ත චිකිත්සකාගාරයක් වෙත ගියේ සතියක් පුරා විඳි වේදනාව ඉවසාගත නොහැකි නිසාය.
නගරාසන්නයේ පිහිටා තිබූ මෙම දන්ත චිකිත්සාගාරය තුළ ඒ වනවිටත් දහ පහළොස් දෙනකු වාඩි වී සිටිනු දක්නට ලැබිණි. දත් ගැලවීමට හා පිරවීමට පැමිණි අය අතර ඔහු ද වාඩි විය.
දත් ගලවන්න ආ අයට හිරිවැටීමේ බෙහෙත් විදීම ආරම්භ කෙරිණි.
වෛද්යවරයා විසින් ඔහුගේ දත පරීක්ෂා කරනු ලැබීමෙන් පසුව හිරි වැටෙන බෙහෙත විද විනාඩි 45කට පසු නැවත දත ගැලවීමට එන ලෙස පැවැසීය.
වෛද්යවරයා කී වේලාව පැමිණෙන තුරු වාඩිවී සිටි මොහු කලින් දා යාළුවා කී උපදේශය පිළිපැදීමට දන්ත වෛද්ය මධ්යස්ථානය අවට පරිසරය විපරම් කළේය.
අසල කඩයකින් ලැබුණු තොරතුරකට අනුව ඔහු ආසන්නම මත්පැන් හලකට ගොස් මත්පැන් වීදුරු දෙකක්ම බීවේ දත ගැලවීමේ අවස්ථාවට මුහුණදීමේ ශක්තිය ඇතිකර ගැනීමේ අධිෂ්ඨානයෙනි.
යළි එම ස්ථානය වෙත දිව ආ ඔහු ටික වේලාවක් ගත කළේය. ටික වේලාවකින් ඔහුගේ දත ගැලවීමේ වාරය උදාවිය.
හෙදිය කරන ලද විධානයට අවනත වූ ඔහු වෛද්යවරයා වෙත ආවේ කිසිම පැකිළීමක් නොමැතිවය.
‘කට අරින්න හොඳට... හොල්ලන්න එපා...’ ඔහු මුළු කටම විශාල කළේ දැඩි ආත්ම ශක්තියකිනි.
වෛද්යවරයාගේ උපදෙස් අකුරටම පිළිපැද්දා යැයි ඔහුට සිතිණි. ඔහු කට ආයා පහසුවෙන් හුස්ම ගත්තේය. පිට කළේය. වෛද්යවරයා ඔහුට සමීප විය. ‘මොනවද මේ ගඳ. දහ ජරාවක් බීලා ද ආවේ. යනව එළියට’ වෛද්යවරයා කෝපයෙන් කෑ ගැසීය.
සූර් පිටම ඔහු දිව ගියේ වෙනත් කළ හැකි කිසිවක් නොමැති නිසාය. ඒ වනවිට 25-30ක පමණ පිරිසක් පැමිණ සිටි අතර ඔවුන් සිනාසෙනු දක්නට ලැබිණි.
ටික දුරක් පා ගමනින් පැමිණි ඔහුට තම මුඛය නැත්තා සේ දැනුණි. තනිවම කතා කරන්නට උත්සාහ ගත්තත් කට පැත්තකට ගොස් ඇති බව දැනෙන්නට විය. කටේ හිරිය සමගම බොහෝ වේලාවක් හිස් අතින්ම ආපසු පැමිණියේ කැක්කුම දෙන දත ද කටේ තිබියදීය.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වේදනාව නැතිව දත ගලවාගන්න අපූරු බෙහෙතක් බීලා