(කෑගල්ල අධිකරණ - චමින්ද වැවතැන්න)
සෑම දිනකම අධිකව මත්පැන් පානය කර පැමිණ බැනවැදී පහරදීම ඉවසා දරා ගැනීමට බැරිම තැන සිය වයෝවෘද්ධ සැමියාට අපූරු පාඩමක් ඉගැන්වූ වයෝවෘද්ධ කාත්තාවක පිළිබඳව කෑගල්ල ප්රදේශයේ ග්රාමයකින් වාර්තා විය.
වාර්තා වන අන්දමට සිද්ධිය මෙසේය.
සිද්ධියට අදාළ යුවළගෙන් කාන්තාවගේ වයස අවුරුදු 69 කි. පියාගේ වයස අවුරුදු 73 කි.
මෙම යුවළ දරුවන් විසින් ගෙනත් දෙනු ලබන මුදල් හා වියළි ආහාර පිහා ගනිමින් සතුටින් ජීවත්වෙමින් සිටින බවද වාර්තා වේ. එහෙත් පියා හැන්දෑවට මත්පැන් පානය කිරීමට පුරුදුව සිටී. සවස හතර පසුවනවිට වයෝවෘද්ධ පියාට මත්ද්රව්ය නොමැතිව සිටීමට නොහැකිය. දරුවන් බිරිඳට දෙන මුදල්වලින් කීයක් හරි ඉල්ලාගෙන හෝ ගමේ තියෙන සුළු වැඩක් පළක් කර උපයාගන්නා සුළු මුදලින් වයෝවෘද්ධ පියා හැන්දෑවට තොළකට තෙමාගෙන නිවසට පැමිණීම පුරුද්දක් කරගෙන තිබිණි.
ඒ පැමිණෙන සෑම අවස්ථාවකදීම බිරිඳ උයා පිහා දෙන කෑම රස මදි බව පවසා හෝ කන්න බැරි බව දන්වා දෙදෙනා අතර කලක සිටම මත ගැටුම් පැවැති බවද වාර්තා විය. මේ පිළිබඳ දැන ගත් අසල පදිංචි පිරිමි දරුවන් දෙදෙනා අවස්ථා ගණනාවකදීම පියාට අවවාද කළද එය ගණන් ගත්තේ නැත. එමනිසා කාන්තාව සැමියාට පාඩමක් උගැන්වීමට කටයුතු කලේය.
පියා සුපුරුදු පරිදි මත්ද්රව්ය පානය කිරීමට නිවසින් පිටව ගියේය. ඒත් සමඟ බිරියද එදින කුස්සියේ හැලි මුට්ටි ටික ලිප ළඟ මුණින් අතට හරවා ලක ලෑස්ති වී අසල පදිංචි පුතෙකුගේ නිවසට දිව ගොස් දියණියගේ නිවසට යන බව ලේලියට පැවසුවාය. තවද තාත්තා පැමිණ තමා සොයා බැලුවොත් නොදන්නා බවද දන්වන ලෙස ද දන්වා ඇය නිවසින් පිටත්ව ගියාය.
සවස 4.15 ට පමණ නිවසට පැමිණි පියා නිවසේ දොර වසා ඇති බවත් බිරිඳ නිවසේ නොමැති බවත් අල්ලපු ඉඩමේ පදිංචි ලේලියගෙන් දැනගත්තාය. තාත්තා හැමදාම බීගෙන ඇවිත් අම්මාට ගහනවා බනිනවා ඉවරයක් නෑ කියලා අම්මා නංගිලාගේ ගෙදර යනවා ආයේ එන්නේ නෑ කියලා ගියා. තවම පාරේ ඇති පුංචි ලේලිය පියාට පැවැසුවාය.
ලේලියගේ කීම අසා තිදරු පියා සරමත් කරේ දමාගෙන පාරේ හතර අතේ යමින් බස් නැවතුම්පොළ වෙත දිව ගියේය. බස් නැවතුම්පොළට යන අවස්ථාවේදී බිරිඳ සිටිනු වයෝවෘද්ධ තිදරු පියා දුටුවේය. ‘අනේ මැණිකේ මම ආයේ කවදාවත් බීලා ගෙදර ඇවිල්ලා රංඩු කරන්නේ නෑ. දැන් යං ගෙදර. මට තනියම ගෙදර ඉන්න බෑ. මෙන්න මං වැන්දා. මට සමාව දෙන්න මැණිකේ කියමින් බස් නැවතුම්පොළ සිටි කිහිප දෙනාද සිනහගස්වමින් බිරියගේ අතින් අල්ලාගෙන නිවසට යළි කැන්දාගෙන ආවේය. එදා සිට මේ දක්වා ගතවූ දින කිහිපය තුළ එකී පුද්ගලයා මත්ද්රව්ය පානය කිරීම සම්පූර්ණයෙන්ම අතහැර දමා ඇති බවද වාර්තා විය.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බිරියගේ උප්පරවැට්ටියෙන් සැමියා මතට තිත තියලා
BANDARA Wednesday, 16 October 2019 07:30 AM
හොදට නුවන පාවිච්චි කරොත් බැරි දෙයක් නෑ