මීගමුවේ සිට කොළඹ බලා ගමන් ගත් පෞද්ගලික බස් රථයකට වත්තල හැඳල මංසන්ධියේදී ගොඩවූ මගීන් අතරේ අන්ධ යාචකයෙක් සහ ඔහුගේ සහයට සිටි තරුණයෙක්ද විය. බස් රථයේ ඉදිරි දොරටුවෙන් ඇතුළු වූ ඔවුන් දෙදෙනා රියැදුරු අසුන අසලින් නතරවී සිටියේ අනෙකුත් මගීන්ට බස්රියට ගමන් කිරීමට ඉඩ සලසා දීම සඳහාය. තරුණයාගේ අතින් අල්ලාගෙන සිටි අන්ධ යාචකයා බස්රථය යළි ගමන් ඇරඹූ පසු සිය දෑත් එක්කොට බස් රථයේ සිටි මගීන්ට ආචාර කළේය. ”සුබ උදෑසනක් වේවා. ගරු නෝනාවරුනි මහත්වරුනි සහෝදර සහෝදරියනි, අන්ධ යාචකයා මගීන්ට හිස නමා කතාව පටන් ගත්තේය. ”මගේ ඈස් දෙකම අන්ධ නිසා මට තමුන්නාන්සේලා කිසිම කෙනෙක් පේන්නේ නැහැ. ඒත් මට තමුන්නාන්සේලාගේ සුවඳ දැනෙනවා. පාරේ යන වාහනවල සද්දෙ ඇහෙනවා. තරුණාකරලා මගේ ජීවිත කතාවට ඇහුම්කන් දෙන්න. තරුණ කාළේ මං මත්පැන්වලට තදින් ඇබ්බැහි වෙලා හිටපු කෙනෙක්. ටික කාලෙකින් මට දියවැඩියාව හැදුනා. මං බේත් වෙනුවට බිව්වේ අරක්කු. දියවැඩියාව උත්සන්න වෙලා මගේ ඇස් දෙකම අන්ධ වුණා. රස්සාවක් කර ගන්න බැරිවුණා. පවුලේ ආර්ථිකය බිංදුවට බැස්සා. මගේ බිරිය මාවයි මේ එකම පුතාවයි දාලා වෙන මිනිහෙක් එක්ක ගියා. ජීවත් වෙන්ඩ ක්රමයක් නැතිනිසා මේ දරුවත් අරගෙන මං හිඟමනට බැස්සා. මට කිසිම දෙයක් කරන්න බැරි නිසා මගෙ වැඩ සේරම කරන්නෙ මේ දරුවයි. හැමදාම උදේට මගෙ අතින් අල්ලාගෙන මේ දරුවා බස් එකෙන් බස් එකට මා අරන් ගිහිං කීයක් හරි සොයා ගන්නවා. අපි දෙන්නා ජීවත් වෙන්නේ කන්නේ බොන්නේ තමුන්නාන්සේලා දෙන සල්ලි වලිනුයි. ඒ හින්දා අපි ගැන අනුකම්පා කරලා අපට ආධාරයක් කරන්න” අන්ධ යාචකයා තම පුතාගේ ආධාරයෙන් අසුනෙන් අසුනට ගොස් දෑත දිගු කරමින් ආධාර ඉල්ලීය. මගීන්ගෙන් ලැබුණු රුපියල් පහේ කාසි, දහයේ හා විස්සේ නෝට්ටු සියල්ල එකින් එක ඔහු තම සාක්කුවේ දමාගත්තේ දෑස හොඳින් පෙනෙන අයකු ලෙසය. බසයේ පිටුපස දොරටුව අසලට පැමිණෙත්ම එහි අසුනක වාඩිවී සිටි මහළු කාන්තාවකට මේ අන්ධ යාචකයා ගැන දුකක් ඇතිවී තම අතේ තිබූ රුපියලේ කාසියක් ඔහු අත තැබුවාය. රුපියලේ කාසිය දෙස විමසිල්ලෙන් බැලූ අන්ධ යාචකයා එයින් මහලූ කාන්තාවට දමා ගැසීය. රුපියලකින් මොනවද බොල කරන්න පුළුවන්. ඕක අරගෙන ගිහිං උඹේ පිට කසා ගනින්. මහළු කාන්තාවට බැණවැදී තම පුතාව ද අතින් ඇදගෙන අන්ධ යාචකයා බසයෙන් බැස ගියේ සියල්ලන් මවිතයට විමතියට පත් කරමිනි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පිනට දුන් රුපියලින් යාචකයා මහලූ කාන්තාවගේ මුහුණට ගසයි
පවිත්රා Friday, 25 November 2011 12:18 PM
හිගන්නට සල්ලි දුන්නු එකයි වැරදි. බිස්නස් එකක්ද කොහෙද
රත්න Friday, 25 November 2011 03:42 PM
මටත් ඔය වැඩේ වෙලා තියෙනවා. අලුත් රුපියල අවට පස්සෙ.. දවසක්, මදිවයසේ ගෑනු කෙනෙක්ට රු3ක් දුන්නා. ඒ එක්කෙනා ආපහු ඒක මට දුන්නා. මම නම් ලැජ්ජාවට පත් උනේ නෑ... මොකද, ඒ කෙනා හිතන්න ඇති සත හැත්තෑපහක් දුන්නා කියලා රැපියල සත සිසිපහකට ගනන් හදලා. ඔය සිද්ධිය වෙලා දැනට අවු3ක් විතර. ඉන් එදා මම කිසිම හිඟන්නෙකුට සල්ලී දෙන්නේ නෑ. උන්ට හිඟා කන්නත් ඕන, උන්ට ඕන ගාන දන්නත් ඕනා.. මම නම් කියන්නේ ආච්චී කෙනෙක්ට සීයා කෙනෙක්ට හැර කිසිම කෙනෙක්ට සල්ලී දෙන්න එපා කියලයි..
ජයී Friday, 25 November 2011 05:23 PM
පුඵවන් කාලේ කසිප්පු බී ඇස් අන්ධකර ගත් ඔවැනි හිඟන්නන්ට දෙන එකත් මෝඩ කමක්. කසිප්පු පෙරීමේදී ඊතයිල් ඇල්කොහොල් (C2H5OH) වලට අමතරව ඇතිවන මීතයිල් ඇල්කොහොල් (CH3OH) ඉතාමත් විෂයි. ඒ විෂෙන් ඇස් අන්ධ වෙනවා.
ලූෂන් Monday, 28 November 2011 02:40 PM
පොදු ස්ථානවල සිගමන් යැදීම මහජනතාවට හිරිහැරයක්. මෙවන් වංචනිකයන්ට තිත තැබිය යුතුයි.
උපාලි Monday, 28 November 2011 04:16 PM
ඔය වගේ අය නිසා අපේ මනුස්සකම් තමයි නැතිවෙන්නේ
රසික Tuesday, 23 October 2012 03:43 PM
පරම්පරාගත පුරුද්දක්ද කොහෙද ??(ස)