තමාම සපත්තුව මසාගත් සුද්දා සපතේරුවාට 200ක් දීලා

(ක්‍රිස්ටෝපර් සීපියන්)
එදා වැසි සහිත දිනයකි. වේලාව උදේ දහයට පමණය. පාර අයිනේ සිටි සපත්තු මහන්නා අසල තුන් හතර දෙනෙකුම සිටියේ තම කාර්යයන් සපුරා ගැනීමටය. එතනටද පොද වැස්සේම පැමිණි විදේශිකයෙකි. ඔහු තම සපත්තුව ගලවා සපත්තු මහන්නාට පෙන්නා “මේක මහලා දෙන්න පුළුවන්දැයි” ඉංග්‍රීසියෙන් විමසීය.

තම සේවය ලබාගැනීමට පැමිණි අය පෙන්වූ සපත්තු මහන්නා “වන් ටූ ත්‍රී ෆෝ” යනුවෙන් පැවසුවේ හතර දෙනෙකුගේ වැඩ කිරීමට ඇති බවය. එය තේරුම් ගත් විදේශිකයා සිනහවක්පාමින් සපත්තු මහන ඉඳිකටුව පෙන්වමින් අමතර ඉඳිකටුවක් තියෙනවාදැයි ඇසීය. එය නොතේරුණු සපත්තු මහන්නා එතැන සිටි අයෙක් මේ වගේ ඉඳිකටුවක් තියෙනවාද කියලයි අහන්නේ යැයි පැවසීය.

“ඔව් ඔව් තියනවා” යැයි පැවසූ හෙතෙම එය විදේශිකයාට පෙන්විය. නූලක් ඉල්ලාගත් විදේශිකයාට වාඩිවීමට කුඩා බංකුවක් ද ලැබිණි. විදේශිකයා තම ඉරුණු සපත්තුව මසන්නට පටන් ගත්තේ සැවොම පුදුමයෙන් බලා සිටියදීය. සපත්තුව මසා නිමකළ විදේශිකයා ගාණ කීයදැයි විමසීය. ඔළුව කැසූ සපත්තු මහන්නා හන්ඩ්‍රඞ් රුපීස් යැයි පැවසීය. රුපියල් සීය වෙනුවට දෙසීයක්ම ඔහු අත තැබූ විදේශිකයා ස්තුති කර පිටව යනු දක්නට ලැබිණි.
බොරැල්ල නගරයේදී සිදුවූවකි.

අදහස් (5)

තමාම සපත්තුව මසාගත් සුද්දා සපතේරුවාට 200ක් දීලා

justin Tuesday, 15 October 2019 05:47 AM

ඒ රටවල අධ්‍යාපන ක්‍රමය එහෙමයි. හැම ජීවන කුසලතවක්ම දෙනවා. විදුලි වැඩ පයිප්ප වැඩ ආදී හැම දැනුමක්ම ඔවුන්ට ලබා දීල තියෙන්නේ ... අපේ රටේ සල්ලි නැහැ ඕවට වියදම් කරන්න. ඡන්ද තියන්න සල්ලි ඕනනේ. නැත්නම් 225 දෙනා පව්නේ.

: 0 316

හිනා. Wednesday, 16 October 2019 12:40 AM

සුද්දාගෙන් රුපියල් සීයක් ගැනීම අශිෂ්ටයි.අපි ඉන්න රටවල නම් මෙහෙම වෙලාවට සල්ලි ගන්නෙ නෑ."මම වැඩක් කලේ නෑනෙ.සල්ලි එපා"කියනවා.

: 1 27

Bamunuarachchi Wednesday, 16 October 2019 04:51 AM

ජනාදිපතිලා මාලිගා වගේ දේවල් ගන්නවානම්, ඇමතියෝ මන්ත්‍රිලා වැටුප් දීමනා ගන්නවානම් සපතේරුවා රු 200 ගැනීම ගැන පුදුම වෙන්න එපා.

: 35 19

priyantha Wednesday, 16 October 2019 08:28 AM

ඒ මනුස්සයා කරන්නේ තමන්ගේ රැකියාව. ඉඳි කට්ට දුන්නා. නුල් දුන්නා. ඉතින් සල්ලි කීයක් හරි ගත්තට වැරද්දක් නෑ.

: 0 55

lalithm Thursday, 17 October 2019 02:35 AM

බමුණාගේ තරම පෙනුණා කළ ප්‍රකාශයෙන්... දේශපාලුවෙක් වෙන්න ඕනෙම සුදුසුකම - අනුන්ගේ වැඩවලින් තමා හම්බ කිරීම බව දන්නවා.

: 0 24

ඔබේ අදහස් එවන්න

දෙයියෝ සාක්කි

අතින් ඇදලා අම්බානට ගුටි කාලා

2024 අප්‍රේල් මස 19 879 0

විවිධ ප්‍රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්‍රදේශයේ නිවසක කාන්තාවකගේ අතින් ඇදීම හේතුවෙන් ගුට

බෝතල් මාරු වී ජංජාලයක්

2024 අප්‍රේල් මස 18 918 0

අලු‍ත් අවුරුද්දට සාදමින් සිටි කැවිලිවලට සීනි යැයි සිතා ලු‍ණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්‍රදේශයෙන් වාර්තා විය. වාර්තා වන ආකාරය

සූර් පාට් දමා පොලිසිය අන්දවලා

2024 අප්‍රේල් මස 17 1132 0

වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ