(වියලුව වාර්තාකරු)
අගනුවර ප්රදේශයේ රැකියාවට ගොස් නව විලාසිතාවකට අනුව කොණ්ඩය හා රැවුල වවාගෙන ගමට පැමිණි තරුණයකුට ගමේ කොලු ගැටව් “මාමා” යැයි ආමන්ත්රණය කිරීමට පටන් ගැනීම නිසා තමුන් පණ මෙන් ආදරය කළ කොණ්ඩය හා රැවුල කපා දමන්නට සිදුවීමේ පුවතක් ‘ලංකාදීප’යට වාර්තා විය.
සිද්ධිය මෙසේය.
විලාසිතාවලට දැඩි ඇල්මක් දැක්වූ ගම්බද අවිවාහක තරුණයෙකි. ඔහුට වයස අවුරුදු 20කට මදක් වැඩිය. ගමේ තරුණ පිරිසක් ද සමග හෙතෙම අගනුවර ප්රදේශයේ කොන්ත්රාත් වැඩපළකට ගියේ ජීවත් වන්නට කීයක් හෝ සොයා ගන්නටය.
වැඩ පළට යන අතරතුර දී විවිධ විලාසිතාවන්ට කොණ්ඩා හා රැවුල් වැවූ තරුණයින් දුටු ඔහු ද ඔවුන් අනුගමනය කරමින් කොණ්ඩය හා රැවුල වවන්නට පටන් ගත්තේ එය මහත් අභිමානයක් බව මිතුරන් සමග ද පවසමිනි.
කොන්ක්රීට් අනා හම්බ කර ගත් මුදලින් සෑහෙන ප්රමාණයක් සති අන්තයේ දී හෙතෙම කොණ්ඩයේ හා රැවුලේ නඩත්තුවට ද වැය කළේ ඇතැම් විට සිය නිවැසියන්ට ඉටුවිය යුතු සෙසු යුතුකම් පවා මදකට අමතක කරමිනි.
මාස කිපයකට පසුව නිවාඩුවක් ලබා ගමට පැමිණි හෙතෙම වෙනදාටත් වඩා පාර තොටේ, පාසල අසල මෙන්ම කඩ පිලේ සැරිසරන්නට වූවේ සිය අඩි කීපයක් දිගට වැවුණු කොණ්ඩය ගැන මෙන්ම රැවුල ගැන ද මහත් උජාරුවෙන් කතා කරමිනි.
එහෙත් සිදුවූවේ ඔහු කිසිවිටකත් බලාපොරොත්තු නොවූ සිදුවීමකි.
වෙනදා ඔහුට අය්යා යැයි කියූ ගමේ දරුවන් මෙන්ම කොලු ගැටව් ද ඔහුට “මාමා” යනුවෙන් ආමන්ත්රණය කරන්නට පටන් ගත්තේ සැබෑවටම ඔහුගේ මුහුණෙන් දිස් වූ වැඩිහිටි ගතියට ගරු කිරීමක් වශයෙනි.
එහෙත් නෑකම මාරුවීම විඳ දරා ගත නොහැකි වූ ඔහු අවසානයේ ගමේ බාබර් සාප්පුවට ගොඩ වී කලක් තිස්සේ පණ මෙන් ආදරය කළ රැවුලත් කොණ්ඩයත් මුළුමනින්ම කපා දැම්මේ ‘මේ ගමේ උන් දන්න විලාසිතා’ යැයි බාබර් සාප්පු හිමියාට ද පවසමිනි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අයියා මාමා වෙලා අන්තිමේ කොණ්ඩයත් රැවුලත් දන්දීලා