(ගාමිණී බණ්ඩාර ඉලංගන්තිලක)
වලපනේ කොරෝනා රෝගීන් සඳහා පවත්වගෙන යන ප්රතිකාර මධ්යස්ථායේ ප්රතිකාර ලබමින් සිටින කාන්තාවන් අද (28) උදෑසන කෑම වර්ජනය කර විරෝධතාවය දක්වා ඇත. ඔවුන් පවසන්නේ ඔවුන්ට ආහාරයට ගැනීමට නුසුදුසු ආහාර එම මධ්යස්ථානය මගින් ලබා දෙන බවය.
මධ්යම පළාත් සෞඛ්ය දෙපාර්තමේන්තුව යටතේ පවත්වාගෙන යන වලපනේ ප්රාදේශිය රෝහලට අයත් වාට්ටුවක මෙම ප්රතිකාර මධ්යස්ථානය පවත්වාගෙන යනු ලැබේ. එම ස්ථානය කාන්තාවන් වෙනුවෙන් වෙන් කර තිබෙන අතර එහි නිරෝධායනය වන කාන්තාවෝ 28ක් සිටිති. ඔවුන් හැටන්, බගවන්තලාව, ගිනිගත්හේන, හගුරන්කෙත, ගලේවෙල, රිකිල්ලගස්කඩ හා සාමිමලේ යන ප්රදේශවල පදිංචිකරුවෝය.
ඔවුන් පවසන පරිදි එම ස්ථානයේ ප්රමාණවත් පහසුකම් නොමැත. වැසිකිළි අවහිර වී ජලය බැසයාමක් නොවන බවත් වෙනත් සනීපාරක්ෂක පහසුකම් ප්රමාණවත් නොවන බව ද පවසන ඔවුන් අහාර සඳහා පරිප්ප, සම්බෝල, අල සමග බත් ලබා දෙන බවත් එම බත්වල වැලි සැපීම හා ව්යංජන කිසිම රසවත් බවක් නැති බවටද චෝදනා කරති. එමෙන්ම පානීය ජලය උණු කර ගැනීමට පහසුකම් නොමැති බවත්, කොත්තමල්ලී තැම්බූ වතුර, විටමින් සී, අවශ්ය විටක වේදනා නාශක පෙත්තක්වත් ලබා නොදෙන බවටත් චෝදනා කරති. මෙම තත්ත්වය හමුවේ ඔවුන්ගේ සෞඛ්ය හා ප්රතිශක්තිකරණ ශක්තිය තවදුරටත් හීන වන බවද පවසති.
එම නිසා ආහාරයට ගැනීමට නොහැකි ආහාර දිගින් දිගටම ලබා දීම නිසා අද (28) උදෑසන සිට ආහාර ගැනීම ප්රතික්ෂේප කර තිබේ.
ඉහත චෝදනා සම්බන්ධයෙන් නුවරඑළිය දිස්ත්රික් වසංගත රෝග විශේෂඥ වෛද්ය මධුර සෙනවිරත්න මහතාගෙන් කළ වීමසීමකදී හෙතෙම පැවසුවේ කිසිසෙත්ම එසේ විය නොහැකි බවය. රෝගීන් සදහා ආහාර ලබා දෙන කොන්ත්රාත්කරුවන්ට ආහාර සදහා ඉතා ඉහළ මිළක් ගෙවන බවත්, එම ස්ථානය භාරව සිටින වෛද්යවරයා ද ආහාරයට ගන්නේ එම කෑමවේලම බැවින් ඒ සම්බන්ධයෙන් පුද්ගලිකව කළ වීමසීම් අනුව එවන් තත්තවයක් නොමැති බැවින් එම චෝදනා පිළිගත නොහැකී බවය.
ගුරු විදුහල්පති සේවයන්හි වැටුප් විෂමතාවක් නැතැයි පවසමින් ගුරු බලය සංවිධානයට ලිපියක් යැවූ ගුරු ආයතනයේ ජ්යෙෂ්ඨ සහකාර ලේකම්වරියගෙන් ඒ සම්බන්ධයෙන් ක
දියතලාව නරියාකන්ද ෆොක්ස්හිල් මෝටර්රථ අනතුර සම්බන්ධයෙන් සැකපිට අත්අඩංගුවට ගෙන රක්ෂිත බන්ධනාගාර ගත කර සිටි තරගකරුවන් දෙදෙනා බණ්ඩාරවෙල මහේස්ත්රාත්
ගෝඨාභය පොත ලියා ඇත්තේ ඔහු විසින් කළ පව් සෝදා ගන්නට යැයි සමගි ජන බලවේගයේ කෑගල්ල දිස්ත්රික් මන්ත්රී කබීර් හෂීම් මහතා පාර්ලිමේන්තුවේ දී පැවසීය.
ඉන්දියානු ආධාර යටතේ ඉදිකෙරුණු තවත් ගම්මාන හතක් ලඟදීම ජනතා අයිතියට පත් කරන බව නාගරික සංවර්ධන හා නිවාස අමාත්ය ප්රසන්න රණතුංග මහතා පැවසීය. කොළඹ, රත්නපු
වතුකම්කරුවන්ගේ වැටුප ඉහල දැමීම පිළිබඳව රජය නිශ්චිත තීරණයක සිටින බව ජනාධිපති වෘත්තීය සමිති අධ්යක්ෂ ජනරාල් සමන් රත්නප්රිය මහතා පැවසීය.
ශ්රී ලංකා නිදහස් පක්ෂයේ වැඩ බලන සභාපති , වැඩ බලන ප්රධාන ලේකම් ලෙස පසුගිය 21 වෙනි දින තේරී පත් වූ අමාත්ය විජයදාස රාජපක්ෂ මහතාට හා සාරථි දුෂ්මන්ත මහත්ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කෑම හොඳ නැතැයි වලපනේ කොරෝනා ප්රතිකාර මධ්යස්ථායේ විරෝධතා
JAVANIS Sunday, 28 February 2021 10:05 AM
දොස්තර යවන පාර්සලය හොඳයි... අනික් ඒවා පුන්නක්කු...
Pradeep Sunday, 28 February 2021 12:06 PM
ඉහළ මිලක් ගෙවනවා කියන පදනමේ ඉඳගෙන පමණක් ආහාර හොඳයි කියන්න බෑ නේද දොස්තර මහත්තයෝ? අනික එම වාට්ටුව බාර වෛද්යවරයා ගන්නෙත් එම ආහාරම බව කීම ප්රායෝගික කතාවක් නෙමෙයි නේද? සැපයුම්කරුට පුලුවන් අදාල වෛද්යවරයාට සහ රෝහලේ වෙනත් නිලධාරීන්ට තත්වයෙන් උසස් ආහාර පාර්සලයක් ලබා දී අසරණ රෝගීන්ට ඔය කියන විදියේ නීරස සහ අපිරිසිදු ආහාර වේලක් ලබා දෙන්න. මේ තත්වය සාධාරණීකරණය නොකර විධිමත් ලෙස පරීක්ෂණයක් කර සාධාරණයක් ඉටු කරන්න බලන්න.
Nihal Monday, 01 March 2021 03:34 AM
මේ රටේ කවද්ද රජයේ සේවකයෙක් වරද පිළිගත්තේ?