2005 ජනාධිපතිවරණ සටනට ඉදිරිපත් වුණු ප්රධාන තරගකරුවන් දෙන්නා වුණේ රනිල් වික්රමසිංහයි මහින්ද රාජපක්ෂයි දෙන්නා. ඒ වන විට රටේ තිබුණු තත්ත්වය උඩ ගොඩක් දෙනෙක් හිතුවෙ වැඩි වාසිය තියෙන්නේ රනිල් වික්රමසිංහට කියලා මහින්ද රාජපක්ෂට ඒ තරම් සුබවාදී ප්රතිචාරයක් රටේ තිබුණේ නෑ.
බැලු බැල්මට චන්ද්රිකා කුමාරතුංග ජනාධිපතිවරණ ප්රචාරක ව්යාපාරයට සම්බන්ධ වුණේ උනන්දුවකින් නෙවෙයි. ආණ්ඩුවෙ ඉඳපු අයගෙන් වැඩි දෙනෙක් මහින්ද රාජපක්ෂගෙ මැතිවරණ ව්යාපාරයට ලොකු සහයෝගයක් දුන්නේ නෑ.
මේ අතරේ අපට ලොකු ප්රශ්නයක් ආවා. ඒ තමයි එස්. බී. දිසානායකගේ ප්රශ්නය. එස්. බී. රැස්වීමක කරපු ප්රකාශයත් සම්බන්ධයෙන් ජනාධිපතිවරණයට ආසන්න කාලෙක හිරේ දැම්මා. එස්. බී. අධිකරණයට අපහාස කළා කියලා තමයි එහෙම කළේ. ඒ ආරංචිය ඒ වෙලාවේ දේශපාලන වේදිකාව කැලඹීමකට ලක් කරන්න සමත් වුණා.
එස්. බී. සිරගත කළා කියන ආරංචිය හම්බවෙනකොට රනිල් වික්රමසිංහයි මමයි හිටියේ ‘කේම්බි්රජ් ප්ලේස්වල” අපේ ඔෆිස් එකේ. මේ ආරංචිය දැනගත් ගමන් අපි දෙන්න එස්. බී. ලගෙ ගෙදරට ගියා. අපි ගිහින් එස්. බී.ගේ නෝනා තමාරා එක්ක මේ ගැන සාකච්ඡා කළා.
අපි යනකොටත් ලොකු පිරිසක් එස්. බී. ලගේ ගෙදරට ඇවිත් හිටියා. අවුරුදු දෙකක සිරදඬුවමත් තමයි එස්. බී ට නියමවෙලා තිබුණෙ. අපිට මේකට කරන්න දෙයක් තිබුණෙත් නෑ. පහුවැනිදා රනිල් වික්රමසිංහ යි මමයි වැලිකඩ හිරගෙදර ගියා එස්. බී. බලන්න. අපි ගිහින් එස්. බී. එක්ක කතාබහ කරද්දී අපිට තේරුණා එස්. බී. මානසිකව ගොඩක් වැටිලා හිටියා කියලා. හිරගෙදර දි එස්. බී. දාලා තිබුණේ ‘ප්රින්ටින් පාටියකට’
එස්.බී.ගෙ ප්රශ්නයත් අපේ ජනාධිපතිවරණ ප්රචාරණ ව්යාපාරයට තදින්ම බලපෑවා. ඒක අපට ලොකු පාඩුවක් වුණා. ඒ කාලෙ එස්. බී. දිසානායක හැඳින්නුවේ ‘ඡන්ද මැෂිම’ කියලනේ. එස්. බී. එක්සත් ජාතික පක්ෂයේ ප්රබලයෙක් විදියට හිටියෙ ඒ වෙද්දි. ඡන්දෙට ලොකු දායකත්වයක් දෙන්න සූදානමින් හිටියෙ ඒ වෙනකොට එක්සත් ජාතික පක්ෂයේ ජාතික සංවිධායක ධුරය දැරුවෙත් එස්. බී. දිසානායක. මම පක්ෂයෙ නියෝජ්ය ලේකම් එතකොට. මේ අලුත් පත්වීම් එක්ක අපි වැඩ කරන්න පටන් ගන්නකොටම වගේ තමයි එස්. බී. සිරගත වුණේ.
මැතිවරණ ව්යාපාරය අතරතුරත් අපි පුළුවන් හැම වෙලාවෙම එස්. බී. බලන්න ගියා. දවසක් මම එස් බී බලන්න ගියාම එස්. බී, රඳවලා ඉඳපු වාට්ටුවටම මට යන්න දුන්නා. මම යද්දී එස්. බී. බිම නිදාගෙන හිටියෙ. වටේම භූමිතෙල් ගඳක් තිබුණා. මම එස්. බී.ට කූද්දල කතාකළාම එයා නැගිට්ටා. මම ඇහුවා මොකක්ද මේ භූමිතෙල් ගඳ කියලා. එතකොට එස්. බී. මට කිව්වා ‘මල්ලි මෙතෙන්ට කූඹි එනවා ඒකයි නිදාගන්න තැන වටේට භූමිතෙල් ගැහුවෙ’ කියලා. ඒ තරම් දුෂ්කර විදියට තමයි එස්. බී. ඒ කාලය ගෙව්වෙ.
ජනාධිපතිවරණය තීරණාත්මක මුහුණුවරක් ගත්තේ කැම්පේන් එක ජනතා විමුක්ති පෙරමුණ අතට ගත්තු නිසා. ඇත්තටම ඒ වෙලාවෙ ජනතා විමුක්ති පෙරමුණ මුල් වුණේ නැත්නම් මහින්ද රාජපක්ෂගෙ මැතිවරණ ව්යාපාරය සාර්ථක වෙන්නෙ නෑ. ඒ වගේම ඔහුට ජයග්රහණය කරන්නත් බෑ එහෙනම්. මහින්දගෙ ඡන්ද ව්යාපාරයේ වැඩිම බර කරට ගත්තේ ජනතා විමුක්ති පෙරමුණ. ශ්රී ලංකා නිදහස් පක්ෂයේ ප්රබලයෝ මගඅරිද්දී ඡන්ද ව්යාපාරයට නායකත්වය දුන්නේ විමල් වීරවංශල ප්රමුඛව ජනතා විමුක්ති පෙරමුණයි. මහින්දගෙ ඡන්ද ව්යාපාරයට කලාකරුවො සහ හාමුදුරුවරු රාශියක් සහභාගී වුණා. ඒකත් ඔහුට වාසියක් වුණා. ඒ ජනාධිපතිවරණයේ ජයග්රහණය රනිල් වික්රමසිංහගෙ පැත්තෙ තිබුණත් අන්තිම මොහොතේ ඒක මහින්ද රාජපක්ෂගෙ පැත්තට කැරකුණා.
තව කොටසක් ලබන සතියට.
ප්රියන්ත කොඩිප්පිලි
පාර්ලිමේන්තු මන්ත්රි කුමාර වෙල්ගම මහතාට සහ ඒ මහතාගේ පුද්ගලික ආරක්ෂක පොලිස් නිලධාරියාට හා රියදුරුට පහර දී එම මෝටර් රථයට ගිනි තබා විනාශ කිරීම සම්බන්
සජිත් ප්රේමදාසට පමණක් නොව ප්රේමදාස පවුලේ හැමටම ඉංග්රීසි භාෂාව ඉගැන්වූ රාජකීය විද්යාලයේ ඉංග්රීසි භාෂා ගුරුභවතෙකු ලෙස සේවය කළ වත්තල සාහීඩ් සර
‘‘ජාතියේ පියා’’ ලෙස විරුදාවලී ලත් නිදහස් ලංකාවේ ප්රථම අග්රාමාත්ය මහාමාත්ය ඩී. එස්. සේනානායක මැතිතුමා 1952 මාර්තු 22 වැනි දින ගාලු මුව දොර ව්යායාම් ක
‘‘කමක් නැහැ. ඔය ප්රදේශයේම රැඳී ඉන්න. අපට ලැබුණු තොරතුරු ඉතාමත් විශ්වාසනීයයි’’ ‘‘රොජර් (එසේ කරන්නම්) සර්’‘
දිනක් මා දන්නා ඥාති සහෝදරියකගේ නිවසට ගොඩ වූයේ කලක් තිස්සේ අසනීපව සිටින ඇයගේ අම්මාගේ සුවදුක් සොයා බැලීම පිණිසය. මා එහි සිටි අවස්ථාවේ එම ඥාති සොයුරිය එක
2003 වසරේ අප්රේල් මාසයේ දෙවැනි සතියේ නැවත වරක් L.T.T.E. ආයුධ නෞකාවක් නැගෙනහිර මුහුදු ප්රදේශයට ඒම පිළිබඳව සංඥා පණිවිඩයක් නාවික හමුදා මූලස්ථානයෙන් ලැබිණ. සෝ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
“ඡන්ද මැෂිම” මහ උළු ගෙදරට