ලබන වසරේ ජූලි මාසය වන විට ඉන්දියාවේ කොරෝනා ආසාදිතයින් මිලියන 250 ත් 300 ත් අතර පිරිසකට පළමුවෙන් එම වෛරසය සඳහා නිෂ්පාදනය කරන එන්නත ලබාදීමට සැලැසුම් කර ඇත.

ඒ් අනුව වයස අවුරුදු 65 ඉක්මවූ ජ්‍යෙෂ්ඨ පුරවැසියන්ට, වයස අවුරුදු 50 ත් 65 ත් අතර වයසේ පසුවන්නන්ට සහ නිධන්ගත රෝගවලින් පෙළෙන වයස අවුරුදු 50 ට අඩු පුද්ගලයින්ට මෙහිදී ප‍්‍රමුඛතාව හිමිවේ.

මිලියන 30 ක පමණ සෞඛ්‍ය සේවා කාර්ය මණ්ඩලය සාමාජිකයින් සහ ඉදිරි පෙළ සේවකයින් ද එන්නත ලබාදෙන එම පිරිසට ඇතුළත් වේ.

එන්නත් මාත‍්‍රා මිලියන 500 ත් 600 ත් අතර ප‍්‍රමාණයක් මෙහිදී ලබාදීමට නියමිතය.

වෛසරයේ අවදානම වැඩියෙන්ම පවතින පිරිස මේ සඳහා තෝරා ගැනීම සිදුවේ.

එන්නත කඩිනම් භාවිතය සඳහා අනුමැතිය ලබාගැනීමෙන් පසු සහ අදියර තුනක සායනික පර්යේෂණවල ප‍්‍රතිඵල විශ්ලේෂණය කිරීමෙන් අනතුරුව පොදු ජනතාව සඳහා එය භාවිත කිරීමට අවස්ථාව හිමිවනු ඇත.

ඉන්දියාවේ සෙරම් පර්යේෂණ ආයතනය මෙම එන්නත නිපදවනු ලබයි.

එය එන්නත් නිපදවීමේ ලොව විශාලතම ආයතනය වේ.

-226-
(හින්දුස්ථාන් ටයිම්ස් ඇසුරෙනි)