රුසියානු ක්රීඩක ක්රීඩිකාවන්ට ප්රධාන පෙළේ ක්රීඩා ඉසව් සඳහා සහභාගී වීමට ඇති අවස්ථාව වළක්වමින් පැනවූ තහනමට එරෙහිව පියවර ගන්නා බව රුසියානු ජනාධිපති ව්ලැදිමීර් පුටින් අද (19) පැවැසීය.
ලෝක තහනම් උත්තේජක නිවාරණ ආයතනය ඉකුත් දා රුසියානු ක්රීඩක ක්රීඩිකාවන්ට සිවුවසරක තහනමක් පැනවීය. එම තීරණය අසාධාරණ තීන්දුවක් බවත් මලල ක්රීඩක ක්රීඩිකාවන්ට ජාතික ධජය යටතේ තරග වැදීමට අවස්ථාව හිමිවිය යුතු බවත් රුසියානු ජනාධිපතිවරයා අවධාරණය කළේය.
ලෝක තහනම් උත්තේජක නිවාරණ ආයතනයේ තීන්දුවට එකඟ නොවන බව රුසියානු තහනම් උත්තේජක නිවාරණ ආයතනය දැනටමත් ප්රකාශ කර තිබෙන අතර එම ආයතනයේ අධීක්ෂණ මණ්ඩලයේ ප්රධානී ඇලෙන්සැන්ඩර් අයිව්ලෙව් ද ඒ බව මාධ්යවේදීන්ට පැවැසීය.
රුසියානු තහනම් උත්තේජක නිවාරණ ආයතනය තීරණය මේ මාසය අවසන් වීමට පෙර ලෝක තහනම් උත්තේජක නිවාරණ ආයතතනයට දැනුම් දිය යුතුව තිබේ. ඒ අනුව අභියාචනා ක්රියාවලියක් ක්රියාත්මක වේ. ඒ අනුව ස්විට්සර්ලන්තයේ ලුසෑන් නුවර තිබෙන ක්රීඩා බේරුම්කරණ විනිශ්චය සභාවේදී අදාළ අභියාචනය විභාගයට ගැනේ.
තහනම් උත්තේජක සම්බන්ධයෙන් කරන ලද පරීක්ෂණවල දත්ත වෙනස් කිරීම හේතුවෙන් රුසියාවට 2020 ඔලිම්පික් සහ 2022 කටාර් ලෝක කුසලාන තරගාවලිය ඇතුළු ලොව ප්රමුඛතම ක්රීඩා ඉසව්වලට සහභාගී වීම තහනම් කිරීමට ලෝක මත්ද්රව්ය නිවාරණ ආයතනය දෙසැම්බර් 10 වැනිදා පියවර ගත්තේය.
සිය වාර්ෂික ප්රවෘත්ති සාකච්ඡාවකට එක්වෙමින් රුසියානු ජනාධිපති ව්ලැදිමීර් පුටින් මේ සම්බන්ධයෙන් මාධයවේදීන් විමසූ ප්රශ්නවලට පිළිතුරු දුන්නේය. මේ සම්බන්ධයෙන් රුසියානු ජනාධිපතිවරයා දීර්ඝ නෛතික අර්බුදයකට පැටළී ඇති බවක් පෙනී යන බව ද ඇතැම්හු පෙන්වාදෙති.
“අපිට ඉවසීමෙන් බලාගෙන ඉන්න වෙනවා. බේරුම්කරණ විනිශ්චය සභාව මොනවගේ තීන්දුවක් දෙයිද කියන්න අපට බැහැ. ඒ තීන්දුව ලැබුණාට පසු අප ඉන්නේ කොතැනදැයි තේරුම්ගන්න පුළුවන්” යැයි එහිදි පුටින් කීය. රුසියාවේ පැවැත්වීමට නියමිතව තිබූ ඉසව් කිහිපයක්ද අවලංගු වීමේ තත්ත්වයක් මේ වනවිට උද්ගත වී තිබේ.
ලෝක තහනම් උත්තේජක නිවාරණ ආයතනය ගත තීන්දුව අසාධාරණ පමණක් නොව සාමාන්ය බුද්ධියට මෙන්ම නීතියට පටහැණි බව ද ජනාධිපති පුටින් මෙහිදි කීවේය. රුසියාවට එකම චෝදනාවට දෙවරක් දඬුවම් කර ඇතැයි ද හෙතෙම කීය.
රුසියානු ක්රීඩක ක්රීඩිකාවන් බොහෝදෙනකු ඉතා පිරිසුදු බවත් කිහිපදෙනකුගේ ක්රියාකාරකම් නිසා ඔවුන්ට රුසියානු ධජය යටතේ ක්රීඩා කිරීමට ඇති අවස්ථාව අහිමි නොකළ යුතු බවත් ජනාධිපති පුටින් එහිදි කරුණු ගෙනහැර දැක්වීය.
“ලෝක තහනම් උත්තේජක නිවාරණ ආයතනයට අපේ ජාතික ඔලිම්පික් කමිටුවට ප්රශ්නයක් නැතිනම් අපේ කණ්ඩායමට රුසියානු ධය යටතේ ක්රීඩා කිරීමට අවස්ථාව දිය යුතු” යැයි පුටින් කීවේය.
“අපේ මලල ක්රීඩකයන්ගෙන් බහුතරය පිරිසුදු නම් තවත් කෙනෙකුගේ වරදකට ඔවුන්ට සම්බාධක පනවන්නේ ඇයි ?” පුටින් එහිදි විමසීය.
“රුසියානු මලල ක්රීඩක ක්රීඩිකාවන් පුහුණු වුණා. තරගාවලිය සඳහා ඔවුන් තවදුරටත් පුහුණු වෙනවා. විශිෂ්ට ජයග්රහණත් සමඟ ඔවුන් අප සතුටට පත් කරාවි” යැයි ද පුටින් කීවේය.
පනවන ලද තහනම යටතේ වුවද රුසියානු ක්රීඩක ක්රීඩිකාවන්ට ලබන වසරේ පැවැත්වෙන ඔලිම්පික් ක්රීඩා උලෙළට සහ 2022 බීජිං ශීත ඍතු ක්රීඩා උලෙළට සහභාගී වීමට අවස්ථාව හිමිව තිබේ. එහෙත් එම අවස්ථාව හිමිවන්නේ මධ්යස්ථ සහ අපක්ෂපාතී ලෙසය. එනම් ඔවුන් ලෝක තහනම් උත්තේජක නිවාරණ ආයතනය විශ්වාස කරන පරිදි රාජ්ය අනුග්රහාය ලබන තහනම් උත්තේජක නිවාරණ පද්ධතියක පාර්ශවකරුවන් නොවන්නේ නම් පමණි.
ඒ.එෆ්.පී.
055
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘රුසියානු ක්රීඩකයන්ට පැනවූ තහනමට එරෙහිව පියවර ගන්නවා‘‘