ඉකුත් මාස තුනක කාලයේදී වයඹ දිග සිරියාවේ 400,000කට වැඩි පිරිසක් අවතැන් වී ඇතැයි එක්සත් ජාතීන්ගේ සංවිධානය අද (26) සඳහන් කළේය.
කැරැලිකරුවන්ගේ පාලනයේ තිබෙන මෙම ප්රදේශයට සිරියානු රජයේ හමුදා දිගින් දිගටම ප්රහාර එල්ල කරන අතර ගුවනින් බෝම්බ හෙළන බවද එක්සත් ජාතීන්ගේ සංවිධානය සඳහන් කළේය.
“අප්රේල් මාසයේ සිට ගත වූ මාස තුනකට ආසන්න කාලයේ දී 400,000කට වැඩි පිරිසක් අවතැන් වෙලා” යැයි එක්සත් ජාතීන්ගේ සංවිධානයේ මානුෂීය කටයුතු පිළිබඳ ආයතනය වන ඕ.සී.එච්.ඒ. ආයතනයේ ඬේවිඩ් ස්වැන්සන් පැවැසීය.
මෙම ප්රදේශයේ මිලියන තුනකට වැඩි පිරිසකට නිවහන වී තිබෙන අතර එයින් අඩකට වැඩි පිරිසක් දැනටමත් අවතැන්ව සිටිති. පළාත අත්හැර ගිය ඇතැම් පිරිස් රටේ විවිධ තැන්වල අවතැන්ව සිටින බව පැවසේ.
සිරියාවේ වයඹ දිග ප්රදේශයට ඉඩ්ලිබ් නගරය සම්පූර්ණයෙන්ම අයත්වන අතර ඇලෙප්පෝ, හමා සහ ලටාකියා යන පළාත්වල කොටස් ද අයත් වේ.
වැඩිම පිරිසක් අවතැන් වී ඇත්තේ දකුණු දිග ඉඞ්ලිබ් කොටසේ සහ උතුරු හමා කොටසේය. ගැටුම් වැඩි වශයෙන් පවතින්නේ ද එම ප්රදේශවල.
මෙම ප්රදේශවල පාලනය පවතින්නේ අල්කයිඩා සංවිධානයේ සිරියානු ශාඛාව ලෙස සැළකුණු හයත් තහ්රිර් අල් ෂමාම් සංවිධානය යටතේය. අල්කයිඩා සංවිධානයේ බිඳී ගිය මෙම සංවිධානය දැඩි අන්තවාදී පාලනයක් ගෙන යන බව පැවසේ.
සිරියානු රජයේ හමුදා ඊට හිතවත් පාර්ශව මෙම ප්රදේශවලට ගුවන් ප්රහාර එල්ල කරන අතර එම ප්රහාරවලින් පසුගිය අප්රේල් මාසයේ සිට මේ දක්වා කාලයේ දී සිවිල් වැසියන් 730කට වැඩි පිරිසක් මරුමුවට පත්වූ බව බ්රිතාන්ය පදනම් කරගනිමින් ක්රියාත්මක වන මානව හිමිකම් නිරීක්ෂණය සඳහා වූ සිරියානු සංවිධානය සඳහන් කළේය.
අප්රේල් මාසයේ අග සිට මේ දක්වා කාලයේ දී මෙම ප්රදේශවල තිබෙන සෞඛ්ය පහසුකම් සපයන ස්ථාන හෝ සෞඛ්ය සේවකයන් හෝ ඉලක්ක කරගනිමින් ප්රහාර 39ක් එල්ල වී ඇතැයි ද ඕ.සී.එච්.ඒ. ආයතනය සඳහන් කළේය. ගුවන් ප්රහාරවලින් පාසල් 50කට වැඩි සංඛ්යාවකට හානි සිදු වී ඇතැයි ද එම සංවිධානය සඳහන් කළේය.
ඒ.එෆ්.පී. ඇසුරිනි
(055)
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
රුසියන් යුක්රේන යුද්ධයේ දී යුක්රේන ප්රහාරවලින් මේ වනවිට රුසියන් සෙබළු 50,000 ක් මියගොස් ඇතැයි බ්රිතාන්යයේ බීබීසි පුවත් සේවය පවසයි.
මාලදිවයින ජනාධිපති මොහොමඞ් මුයිසුට දූෂණ වංචා චෝදනා එල්ල වී ඇති අතර, එම චෝදනා මුල්කොට ගනිමින් ජනාධිපතිවරයාට එරෙහිව දෝෂාභියෝගයක් ගෙන ඒමට මාලදිවයින විප
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය හෙට (19) ආරම්භ වෙයි. ඉන්දීය පාර්ලිමේන්තුව නියෝජිත මන්ත්රී මණ්ඩලයකින
ඉරානයට එරෙහිව කවත් සම්බාධක පැනවීමට බලාපොරොත්තු වන බව ඇමෙරිකාව සහ යුරෝපා සංගමය පවසයි.
රුසියන් ජනාධිපති ව්ලැදිමීර් පුටින්, ඉරාන ජනාධිපති ඊබ්රහීම් රයිසි ඇමතුවේය. ඊශ්රායලය සමඟ ඇතිකරගත් අර්බුදය තවත් උත්සන්න වීමට ඉඩ නොතබන්නැයි රුසියන් ජ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වයඹ දිග සිරියාවේ ලක්ෂ 4 ක් අවතැන් වී ඇතැයි එ.ජා.සංවිධානය කියයි