ජනාධිපති ව්ලැදිමීර් පුටින් මහතාට ආණ්ඩුක්රම ව්යවස්ථාවේ සංශෝධන කිරීමට ඉඩ ලබාදෙමින් තමා ඇතුළු ආණ්ඩුව ඉල්ලා අස්වන බව රුසියානු අග්රාමාත්ය දිමිත්රි මෙද්වදෙව් මහතා අද (15) ප්රකාශ කළේය.
ශක්තිමත් ජනාධිපති ධුරයක් පවත්වාගෙන යන අතරම පාර්ලිමේන්තුවට වැඩි බලතල ලබාදීම සඳහා ආණ්ඩුක්රම ව්යවස්ථාව සංශෝධනය කළ යුතු බව ජනාධිපති ව්ලැදිමීර් පුටින් ප්රකාශ කොට පැය කිහිපයක් ගත වෙද්දි තමන් ඇතුළු ආණ්ඩුව ඉල්ලා අස්වන බව රුසියානු අග්රාමාත්ය දිමිත්රි මෙද්වදෙව් පැවැසීය.
ආණ්ඩුක්රම ව්යවස්ථාව සංශෝධන කිරීම සඳහා ජනමත විමසුමක් පැවැත්විය යුතු යැයි ද රුසියානු ජනාධිපතිවරයා පාර්ලිමේන්තුව අමතමින් අද කීවේය.
රුසියානු ආණ්ඩුක්රම ව්යවස්ථාවට අනුව එරට ජනාධිපතිවරයා වාර්ෂිකව පාර්ලිමේන්තුව අමතා කතා කළ යුතුය. එහිදි ඒ වනවිට රුසියාවේ තත්ත්වය පාර්ලිමේන්තුවට දැනුම් දිය යුතුය. මේ වසරේ වාර්ෂික කතාව කරමින් රුසියානු ජනාධිපති පුටින් ඉහත කරුණු සඳහන් කළේය.
නව ආණ්ඩුක්රම ව්යවස්ථා සංශෝධන අනුව ජනාධිපතිවරයාගේ සිට පාර්ලිමේන්තුවට බලය මාරු වන බවත් රුසියාවට නව අග්රාමාත්යවරයකු පත්වන බවත් දැනගන්නට ලැබේ.
රුසියානු ජනාධිපති ව්ලැදිමීර් පුටින් සමීපයේ සිටිමින් තමන් සහ ආණ්ඩුව ඉල්ලා අස්වන බව අග්රාමාත්ය මෙද්වදෙව් නිවේදනය කළ අතර එය අද සජීවීව විකාශය කෙරුණි.මෙද්වදෙව් රුසියානු ආරක්ෂක කවුන්සිලයේ නියෝජ්ය ප්රධානී තනතුරට පත්වනු ඇතැයි ද ජනාධිපති පුටින් කීවේය. එහි සභාපති ධුරය හොබවන්නේ පුටින්ය.
නව ආණ්ඩුවක් පත් කරන තුරු අඛණ්ඩව රාජකාරී කටයුතු කරගෙන යන ලෙසද ජනාධිපති පුටින් මහතා ඉල්ලා අස්වන ආණ්ඩුවෙන් ඉල්ලා සිටියේය.
රුසියානු ආණ්ඩුක්රම ව්යවස්ථාවේ දැනට පවතින ප්රතිපාදන අනුව ජනාධිපතිවරයකුට එකවර අඛණ්ඩව දැරිය හැක්කේ ධුර කාල දෙකක පමණි.
ජනාධිපති පුටින් වර්තමානයේදී ජනාධිපති ධුරය දරන්නේ සිවුවැනි වරටය. ඒ අනුව ඔහු අඛණ්ඩව ධුර කාල දෙක බැගින් දෙවතාවක් ජනාධිපති ධුරය හොබවා ඇත.
පුටින් 2000 වසරේ සිට 2008 වසර දක්වා අඛණ්ඩව ධුර කාල දෙකක් ජනාධිපති ධුරය හෙබ වූ අතර 2012 වසරේදී තෙවැනි වරට ජනාධිපති ධුරයට පත්විය. ඔහු 2018 වසරේදී සිවුවැනි වරට ජනාධිපති ධුරයට පත්විය.
අඛණ්ඩව ධුර කාල දෙකකට වඩා ජනාධිපති ධුරය දැරීමට නොහැකි නිසා හෙතෙම 2008 වසරේ සිට 2012 වසර දක්වා රුසියාවේ අග්රාමාත්ය ධුරය හෙබවීය.
(ඒ.එෆ්.පී./රොයිටර්ස් ඇසුරිනි)
055
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ඉරානය සමඟ ව්යාපාර ගනුදෙනු පවත්වන්නේ නම්, සම්බාධකවලට මුහුණ දීමට සිදුවනු ඇතැයි ඇමෙරිකා රාජ්ය දෙපාර්තමේන්තුව පාකිස්තානයට අනතුරු ඇඟවීමක් කර තිබේ.
බ්රිතාන්යයේ ඔටුන්න හිමි විලියම් කුමරුන්ගේ බිරිඳ මෙන්ම, වේල්සයේ කුමරිය යන ගෞරව නාමයෙන් ද හැඳින් වෙන, කේට් මිඞ්ල්ටන් කුමරියට චාල්ස් රජුගේ ප්රසංශා හ
ලෙබනනයේ හිස්බුල්ලා සටන්කාමීන් උතුරුදිග ඊශ්රායලයේ හමුදා මූලස්ථානයක් ඉලක්ක කර ගනිමින් රොකට් ප්රහාර මාලාවක් එල්ල කළ බව විදෙස් මාධ්ය පවසයි.
දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්රහීම් රයිසි සහ පාකිස්තාන අග්රාමාත්ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රුසියානු අගමැති ප්රමුඛ ආණ්ඩුව ඉල්ලා අස්වෙයි