මියන්මාර හමුදා ජුන්ටාවේ කුමන්ත්රණයට එරෙහිව එරට වැසියන් දස දහස් ගණනින් වීදිවලට පැමිණෙමින් විරෝධතා පැවැත්වීම පටන් ගෙන ඇත.
මියන්මාර හමුදාව පසුගිය සතියේදී මැතිවරණයෙන් තේරී පත්වූ නායිකාව අවුන් සාන් සූකී හමුදා භාරයට ගනිමින් එරට පාලන බලය අත්පත් කර ගත්තේ ය.
පසුගිය වසරේ පැවැති මහ මැතිවරණයෙන් අවුන් සාන් සූකීගේ නායකත්වයෙන් යුක්ත ප්රජාතන්ත්රවාදී ලීගය පක්ෂය (නැෂනල් ලීග් ෆෝ ඩිමොක්රසි) විශිෂ්ට ජයග්රහණයක් අත්පත් කරගත්තේ ය. ඊට අදාළව එරට පාර්ලිමේන්තුව පසුගිය දා (1) පළමු වරට රැස්වීමට නියමිත තිබිණි.
එසේ පාර්ලිමේන්තුව රැස්වීමට පැය කිහිපයක් තිබියදී එරට හමුදාව බලය අත්පත් කරගත්තේ ය.
හමුදාව බලය අත්පත් කරගැනීමෙන් පසු තැනින් තැන කුඩා විරෝධතා ආරම්භ වූ අතර මියන්මාර වැසියෝ දස දහස් ගණනක් ඊයේ (6) යැංගොන් නුවරට රැස්වී විරෝධතාවල නිරත වූහ. එම විරෝධතා අඛණ්ඩව දෙවැනි දිනටත් යැංගොන් නුවරදී අද (7) පැවැත්විණි.
යැංගොන් යනු මියන්මාරයේ දෙවැනි විශාලතම නගරය වන අතර එනුවරට දස ගණනක් පාගමනේ ආහ. මියන්මාරයේ තවත් නගරවල කුඩා විරෝධතා පැවැත්වෙන අතර ඒවාට සිය ගණනින් ජනතාව එක් රැස්වෙමින් සිටිති.
විරෝධතා පැවැත්වෙන්නේ මියන්මාරයේ අන්තර්ජාල සේවා සහ දුරකතන මාර්ග අවහිර කර තිබෙන මොහොතකය. ෆේස්බුක් ඇතුළු සමාජ මාධ්ය ජාල අවහිර කිරීමට ද මියන්මාර පාලනය පසුගිය සතියේ දී පියවර ගත්තේ ය.
භෞද්ධ භික්ෂූන් වහන්සේලාගේ ප්රධානත්වයෙන් 2007 වසරේ දී මියන්මාරයේ සිදු වූ ‘‘පීත විප්ලවයෙන්’’ පසු එරට පැවැති විශාලතම විරෝධතා ව්යාපාරය මෙය යැයි ද පැවැසේ. එම විප්ලවය භික්ෂූන් වහන්සේලාගේ ප්රධානත්වයෙන් සිදු වූ නිසා ‘සැෆ්රෝන් රෙවලූෂන්’ යන ඉංග්රීසි පාඨයෙන් හැඳින්වෙන අතර සරල අරුත ‘‘කහ විප්ලවය’’ යන්න යි.
යැංගොන් යනු මියන්මාරයේ වාණිජ අගනගරය වේ. යැංගොන් නුවරට පැමිණි විරෝධතාකරුවෝ රතු පැහැති බැලූන් රැගෙන පැමිණ සිටියහ. රතු පැහැය අවුන් සාන් සූකීගේ ජාතික ප්රජාතන්ත්රවාදී ලීගය පක්ෂය නියෝජනය කරයි.
‘‘අපට හමුදා ඒකාධිපතීත්වයක් ඕනෑ නැහැ.. අපිට ඕනෑ ප්රජාතන්ත්රවාදය’’ යැයි විරෝධතාකරුවෝ සටන් පාඨ කීහ.
රොයිටර්ස්
055
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
රුසියන් යුක්රේන යුද්ධයේ දී යුක්රේන ප්රහාරවලින් මේ වනවිට රුසියන් සෙබළු 50,000 ක් මියගොස් ඇතැයි බ්රිතාන්යයේ බීබීසි පුවත් සේවය පවසයි.
මාලදිවයින ජනාධිපති මොහොමඞ් මුයිසුට දූෂණ වංචා චෝදනා එල්ල වී ඇති අතර, එම චෝදනා මුල්කොට ගනිමින් ජනාධිපතිවරයාට එරෙහිව දෝෂාභියෝගයක් ගෙන ඒමට මාලදිවයින විප
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය හෙට (19) ආරම්භ වෙයි. ඉන්දීය පාර්ලිමේන්තුව නියෝජිත මන්ත්රී මණ්ඩලයකින
ඉරානයට එරෙහිව කවත් සම්බාධක පැනවීමට බලාපොරොත්තු වන බව ඇමෙරිකාව සහ යුරෝපා සංගමය පවසයි.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
යැංගොන් නුවරට මියන්මාර වැසියෝ දස දහස් ගණනක් පාගමෙන් එති