මැතිවරණ කාලසීමාව තුළදී ත්රස්තවාදී ප්රහාර එල්ල වීමේ අවදානම සැලකිල්ලට ගනිමින් ආරක්ෂක තත්ත්වය ඉහළ නැංවීමට ඉන්දියාව පියවර ගෙන ඇත.
මැතිවරණ ප්රචාරණ ව්යාපාරයේදී අගමැති නරේන්ද්ර මෝදි ඉදිරියෙන් සිටීමට සමත්වූ අතර මෝදි පාලනය ආරක්ෂාව සම්බන්ධයෙන් දැඩි අවධානයක් යොමු කර තිබේ. මාවෝවාදී කැරැලිකරුවන් අඟහරුවාදා එල්ල කළ බෝම්බ ප්රහාරයකින් පස්දෙනෙක් ජීවිතක්ෂයට පත්වූහ. මියගිය පිරිස අතර මෝදිගේ මැතිවරණ ව්යාපාරයට සම්බන්ධ වී සිටි මන්ත්රීවරයකු ද ජීවිතක්ෂයට පත්විය.
මේ තත්ත්වය හේතුවෙන් මැතිවරණ පැවැත්වෙන කාලසීමාවේදී බෝම්බ ප්රහාරයක් එල්ල වීමේ අවදානමක් හටගෙන ඇත.
මධ්යම ඉන්දියාවේ චතිස්ගාර් ප්රාන්තයේ පැවැති මැතිවරණ රැළියකට එම ප්රහාරය එල්ල විය. ඒ හේතුවෙන් එම ප්රාන්තයට පමණක් පොලිස් සහ හමුදා භටයන් 80,000ක් යෙදවීමට පියවර ගෙන ඇතැයි ප්රාන්ත පොලිස් ප්රධානී ඩී.එම්.ආවස්ති පැවැසීය. දීර්ඝ කාලයක් මුළුල්ලේ සිට ඉන්දියාවේ ප්රාන්ත නවයක පමණ කලකෝලහල පවතින අතර මාවෝවාදී කැරැලිකරුවන් ඒ පිටුපස සිටින බව පැවසේ.
අඟහරුවාදා එල්ල වූ ප්රහාරය හෝ වෙනයම් සිදුවීමක් නිසා මැතිවරණය පැවැත්වෙන කාලසටහන වෙනස් නොකරන බව ඉන්දීය මැතිවරණ කොමිසම බල කර කීය.
ලොව විශාලතම ප්රජාතන්ත්රවාදී මැතිවරණය සංවිධානය කරන්නේ ඉන්දීය මැතිවරණ කොමිසමයි. ඉන්දීය පාර්ලිමේන්තුවට මන්ත්රීවරුන් 543 දෙනකු තෝරාගැනීම සඳහා මෙම මහ මැතිවරණය පැවැත්වෙන අතර කෝටි 90ක් ඡන්දය ප්රකාශය කිරීම සඳහා සුදුසුකම් ලබා සිටිති.
අප්රේල් 11 වැනිදා එනම් හෙට ආරම්භ වන මහ මැතිවරණය මැයි 19 වැනිදා දක්වා සති හයක කාලයක් මුළුල්ලේ පැවැත්වේ. මැතිවරණයේ පළමු දින හත අවසන් වෙද්දි ප්රාන්ත 20ක ආසන කාට හිමිවනු ඇතිදැයි තීරණය වනු ඇත.
භාරතීය ජනතා පක්ෂය දෙවැනි වරටත් ආණ්ඩු බලය ලබාගැනීමේ අපේක්ෂාවෙන් පසු වේ. අවසන් වරට පැවැති මහ මැතිවරණයෙන් භාරතීය ජනතා පක්ෂය දැවැන්ත ජයක් ලැබීය. කෙසේ නමුත් තියුණු සටනක් පවතිනු ඇතැයි අනාවැකි පළ වී ඇත.
චතිස්ගාර් ප්රාන්තයේ මෙවර මහ මැතිවරණයේ සංවේදීම ප්රාන්තයක් බවට පත්ව ඇත. සති කිහිපයක් මුළුල්ලේ මැතිවරණය පැවැත්වෙන බැවින් ආරක්ෂාව දැඩි කර තිබෙන අතර පරිපාලන නිලධාරීන්ගේ ආරක්ෂාව ද වැඩි කර තිබේ.
අඟහරුවාදා එල්ල වූ තවත් ප්රහාරයකින් ජම්මු සහ කාශ්මීර ප්රාන්තයේ හින්දු ජාතිකවාදී කණ්ඩායමක නායකයකු මරුමුවට පත්විය. මේ හේතුවෙන් ජම්මු සහ කාශ්මීර ප්රාන්තයේ ද ගැටුම් හෝ ප්රචණ්ඩකාරී හෝ තත්ත්ව ඇති වීමේ අවදානමක් හටගෙන ඇත. කාශ්මීරයේ ඇතැම් කොටස්වලද හෙට ඡන්දය විමසීමට නියමිතය.
ජම්මු හි රෝහලකට කඩා වැදුණු තුවක්කු-කරුවන් එහි සිටි රාෂ්ත්රීය ස්වයම්සේවක් සංග් පක්ෂයේ කලාපීය නායකයකුට වෙඩි තබා ඝාතනය කළේය. දක්ෂිණාංශික පක්ෂයක් වන එම පක්ෂය අගමැති මෝදිගේ භාරතීය ජනතා පක්ෂය සමඟ සමීප සබඳතා පවත්වයි.
පොලිසිය බිම්බෝම්බ දෙකක් සොයාගැනීම හේතුවෙන් නැගෙනහිර ඉන්දියාවේ ඔඩිෂා ප්රාන්තයේ උණුසුම් තත්ත්වයක් නිර්මාණය වී තිබේ. අසල්වැසි බිහාර් ප්රාන්තයේ මාර්ගයක් ආසනයේදී බෝම්බ දෙකක් පිපිරී ගිය අතර අතර එම ප්රාන්තයේ ද නොසන්සුන්තාවක් ඇති වී තිබේ.
ඒ.එෆ්.පී. ඇසුරිනි
055
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැතිවරණ කාල සීමාවේදී ඉන්දියාවේ ආරක්ෂාව ගැන වැඩි සැලකිල්ලක්