ක්වෙටාහිදීය (රොයිටර්)

නිරිත දිග පාකිස්තානයේ මැතිවරණ රැලියකට එල්ල වූ මරාගෙන මැරෙන බෝම්බ ප්‍රහාරයකින් සියයකට ආසන්න පිරිසක් මියගොස් ඇතැයි විදෙස් පුවත් සේවා අද (13) වාර්තා කළේය. 

අයි.එස් සංවිධානය ප්‍රහාරයේ වගකීම බාරගෙන තිබූ අතර ප්‍රහාරයෙන් 85 දෙනකු මියගිය බව එම සංවිධානයේ ‘අමාක්’ පුවත් සේවය වාර්තා කර තිබිණි. ප්‍රහාරයෙන් 111 දෙනකු මියගිය බව තවත් පුවත් සේවා කිහිපයක දැක්වුණු අතර මියගිය සංඛ්‍යාව සම්බන්ධයෙන් පාකිස්තාන බලධාරීන් අද (13) රාත්‍රීය වනතුරුත් නිල නිවේදනයක් නිකුත් කර නොතිබිණි. 

නිරිත දිග පාකිස්තානයේ බලුකිස්තාන් පළාතේ මස්තන්ග් නගරයේ පැවැති මැතිවරණ රැලියකට මෙම මරාගෙන ප්‍රහාරය එල්ල විය. ප්‍රහාරයෙන් 150 කට වැඩි පිරිසක් තුවාල ලබා ඇතැයි ද වාර්තා විය. 

පාකිස්තා මහ මැතිවරණය ලබන 25 වැනිදා පැවැත්වීමට නියමිත අතර දේශපාලන රැස්වීමක් එල්ල කරගෙන එල්ල වූ දරුණුතම ප්‍රහාරය මෙය යැයි ද පාකිස්තාන වාර්තා සඳහන් කර තිබිණි. 

055 / 085