පකිස්ථානයේ ලාහෝර් නගරයේ මුස්ලිම් දේවස්ථානයක් ආසන්නයේ පිපිරීමක් සිදුව ඇතැයි වාර්තා වේ.

මේ වනවිට මියගිය සංඛ්‍යාව 10 ක්  ලෙස වාර්තා වන අතර බොහෝ පිරිස් තුවාල ලබා ඇතැයි සඳහන් වේ.

පිපිරීම සිදුව ඇති ප්‍රදේශයට ආරක්ෂක භටයන් විශාල පිරිසක් කැඳවා ඇති අතර සෝදිසි මෙහෙයුම් ආරම්භ කර ඇති බව බලධාරීහු පවසති. 
 
මුස්ලිම් බැතිමතුන්ගේ ශුද්ධවූ රාමදාන් මාසය දින කිහිපයකට පෙර ඇරඹිණි. ප්‍රහාරයේ වගකීම මෙතෙක් කිසිවකු බාරගෙන නොමැත.
 
ඩටා ඩර්බාර් නමින් හැඳින්වෙන සුෆී මුස්ලිස් දේවස්ථානය ආසන්නයේ මෙම පිපිරීම සිදුව ඇති අතර එය දකුණු ආසියාවේ පැරණිතම දේවස්ථානයක් ලෙස සැලකේ.

පාකිස්ථානයේ දෙවන විශාලතම නගරය වන ලාහෝරයේ පිහිටා ඇති මෙම දේවස්ථානයට සුන්නි සහ ශියා ඉස්ලාම් බැතිමතුන් දස දහස් ගණනක් වාර්ෂිකව පැමිණෙති.

 2010 වර්ෂයේදී  මෙම දේවස්ථානය තුළ බෝම්බ දෙකක් පිපිරුණු අතර බොහෝ පිරිස් මියගියහ.
 
(බීබීසී ඇසුරිනි - 085)