දකුණු ආසියානු කලාපයට බලපා ඇති මෝසම් වැසි හේතුවෙන් මිලියන ගණනක් අවතැන් වී 180කට වැඩි පිරිසක් ජීවිතක්ෂයට පත්ව ඇතැයි බලධාරීහු කියති.
ධාරාණිපාත වර්ෂාව හේතුවෙන් ඉන්දියාව සහ බංග්ලාදේශය ඇතුළු දකුණු ආසියානු කලාපයේ රටවල් කිහිපයකින් ගංවතුර සහ නායයෑමේ සිදුවීම් කිහිපයක්ම වාර්තා වී ඇත.
කෘෂිකාර්මික ක්ෂේත්රයට සහ භූගත ජල සැපයුම් සඳහා දකුණු ආසියානු කලාපයට මෝසම් වැසි ඉතා වැදගත් වේ. දිළඳුභාවය ප්රබල අභියෝගයක් වී තිබෙන දකුණු ආසියානු කලාපය ලෝක ජනගහනයෙන් පහෙන් එකකට නිවහන වේ.
දකුණු ආසියානු කලාපයට සාමාන්යයෙන් මෝසම් වැසි ලැබෙනුයේ ජූනි සිට සැප්තැම්බර් දක්වා කාලයේදී වන අතර ඇතැම් අවස්ථාවලදී වර්ෂාපතනය වැඩි වීමෙන් විනාශකාරී තත්ත්ව ඇති වේ. මෝසම් වැසිවලින් වැඩිම බලපෑමක් සිදුව ඇත්තේ ඉන්දියාව, නේපාලය, බංග්ලාදේශය සහ පාකිස්තාන පාලනය යටතේ පවතින කාශ්මීර ප්රදේශයටයි.
සඳුඳා දිනයේදී දියේ ගිලීමෙන් බංග්ලාදේශයේ දරුවන් පස් දෙනකු මියගිය අතර ඒ අනුව මේ දක්වා එරට මිය ගිය ගණන 34ක් දක්වා ඉහළ ගොස් ඇත.
බංග්ලාදේශයේ නැගෙනහිර පෙදෙසේ සිය දහස් ගණනක් මේ වනවිට අවතැන් වී ඇති අතර එරට ප්රධාන ගංඟාවක් වන බ්රහ්මපුත්ර ගංඟාවේ පිටාර මට්ටම අවදානම් මට්ටම ද ඉක්මවා ගොස් ඇතැයි එරට බලධාරීහු ප්රකාශ කළහ.
ගංවතුර හේතුවෙන් නේපාලයේ 67 දෙනකු මියගොස් ඇති අතර නිවාස රැසක් විනාශ වී ඇත. ඇතැම් පිරිස් තවමත් නිවාසවල සිර වී සිටින බවත් ඔවුන් මුදාගැනීම සඳහා මෙහෙයුම් ආරම්භ කර ඇති බවත් නේපාල බලධාරීහු කීහ.
ජල ගැලීම් හේතුවෙන් ඉන්දියාවේ නැගෙනහිර ප්රාන්ත දෙකක් වන ඇසෑමයේ සහ බිහාරයේ 50කට වැඩි පිරිසක් ජීවිතක්ෂයට පත්ව ඇත. ගංවතුර තත්ත්වය උග්ර වීම හේතුවෙන් ඇසෑම් ප්රාන්තයේ බලධාරීහු හදිසි තත්ත්වයක් ද ප්රකාශ කළහ. ඇසෑම් ප්රාන්තයේ පමණක් 11 දෙනකු මියගොස් 83,000කට වැඩි පිරිසක් අවතැන් වී ඇතැයි බලධාරීහු කීහ.
ලෝක උරුමයක් වන කසිරන්ගා ජාතික උද්යානය පිහිටා ඇත්තේ ද ඇසෑම් ප්රාන්තයේ ය. එහි සිටින දුර්ලභ වන සතුන් මුදා ගැනීම සඳහා බලධාරීහු දැඩි වෙහෙසක් ගනිමින් සිටිති. ලෝකයේ සිටින එක අඟක් ඇති රයිනෝ සතුන්ගෙන් තුනෙන් දෙකක් සිටින්නේ ද මෙම වන උද්යානයේ ය.
බිහාර් ප්රාන්තයේ 24 දෙනකු ජීවිතක්ෂයට පත්ව මිලියන 2.5කට වැඩි පිරිසක් අවතැන්ව සිටිති.
පාකිස්තාන පාලනය යටතේ පවතින කාශ්මීර ප්රදේශයේ 23 දෙනකු මියගොස් ඇති අතර නිවාස 120කට හානි සිදු වී ඇති බවත් ජල හා විදුලි සැපයුම් අඩපණ වී ඇති බවත් බලධාරීහු කීහ.
ඇති වී තිබෙන තත්ත්වය සම්බන්ධයෙන් අවධානයෙන් පසුවන බවත් මෝසම් වැසිවලින් පීඩාවට පත්ව ඇති ජනතාවට සහන සැපයීම සඳහා එම රටවල බලධාරීන් සමඟ වැඩ කිරීමට සූදානමින් සිටින බවත් එක්සත් ජාතීන්ගේ සංවිධානය නිවේදනය කළේය.
මේ අතර අධික වර්ෂාව හේතුවෙන් මුම්බායි නුවර ගොඩනැගිල්ලක් අද (16) දෙදෙනෙක් ජීවිතක්ෂයට පත්වූහ. ගොඩනැගිල්ලේ 40කට වැඩි පිරිසක් සිර වී සිටින බවත් මුදාගැනීමේ මෙහෙයුම් ක්රියාත්මක බවත් බලධාරීහූ අද (16) පස්වරුවේ ප්රකාශ කළහ.
ඒ.එෆ්.පී. ඇසුරිනි
055
ජනප්රිය කන්නඩ චිත්රපට නිළියක වන හර්ෂිකා පූණාචා සහ ඇගේ සැමියා ට කිසියම් කිරිසක් කරදර කර ඇතැයි ඉන්දීය මාධ්ය පවසයි.
උතුරු කොරියාවේ පාසල් දරු දැරියන් එක් වී, උතුරු කොරියා නායක කිම් ජොන් උන් අගයමින් ගැයූ ගීයක්, නායක කිම් ජොන් උන්ගේ ‘නිල ගීතය’ බවට පත් වී ඇතැයි උතුරු කොරි
ඉරානයට මිසයිල සහ ඩ්රෝන ප්රහාරය එල්ල කිරීමට ප්රථම ඇමෙරිකාවට ඊශ්රායලය ඒ බව දැනුම් දුන් බව පැවැසෙයි. කෙසේ නමුත් තමන් ඉරානයේ ඉලක්ක වෙත ප්රහාරයක් එල්
පාකිස්තානයේ පළාත් රැසකට මහ වැසි ඇද හැලෙයි. මහ වැසි සහ අකුණු අනතුරු හේතුවෙන් 87 දෙනකු ජීවිතක්ෂයට පත්ව ඇති බවත්, 82 දෙනකු තුවාල ලබා ඇති බවත් පාකිස්තාන ජාතික
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජල ගැලීම් නිසා දකුණු ආසියාවේ මිලියන ගණනක් අවතැන්