ඩුබායිහිදීය (රොයිටර්)
ජෝර්දානයට එක්සත් ජනපද ඩොලර් බිලියන 2.5 සහන මුදලක් ලබාදීමට තීරණය කළ බව සෞදි අරාබිය, කුවෙටය සහ එක්සත් අරාබි එමීර් රාජ්යය අද (11) නිවේදනය කළේය.
ජෝර්දානය මුහුණ දී සිටින දේශපාලන සහ ආර්ථික අර්බුදය විසඳීමට සහාය දීමක් වශයෙන් මෙම සහන මුදල ලබාදෙන බව සෞදි අරාබිය, කුවෙටය සහ එක්සත් අරාබි එමීර් රාජ්යය යන ගල්ෆ් රටවල් ත්රිත්වය ඒකාබද්ධ නිවේදනයක් නිකුත් කරමින් සඳහන් කළේය.
ජෝර්දාන රජය ගන්නා ලද රාජ්ය වියදම් අඩු කිරීමේ ආර්ථික ප්රතිසංස්කරණ සහ රාජ්ය වියදම් වැඩි කිරීමේ බදු ප්රතිසංස්කරණ හේතුවෙන් පසුගිය සතියේදී අම්මාන් අගනුවර ඇතුළු නගර කිහිපයකම විරෝධතා ඇතිවිය. මේ හේතුවෙන් ජොර්දාන අගමැතිවරයා ඉල්ලා අස්වූ අතර අබ්දුල්ලා රජු නව අගමැතිවරයකු පත් කළේය.
ඇමෙරිකාවේ මිත්ර රටක් වන ජෝර්දානයේ ඇති වී තිබෙන මෙම නොසන්සුන්තාව කලාපයේ අනෙක් රටවලට පැතිර යෑමේ අවදානමක් ද ඇති වී තිබේ. විශේෂයෙන්ම ජෝර්දානය මුහුණ දෙනවාට සමාන අභියෝගවලට මුහුණ දෙන බහ්රේනය සහ ඊජිප්තුවට එම විරෝධතා පැතිර යෑමේ වැඩි අවදානමක් හට ගෙන තිබේ.
එම තත්ත්වය සලකා බලමින් ගල්ෆ් කලාපයේ ධනවත් රටවල් ත්රිත්වයක් වන සෞදි අරාබිය, කුවේටය සහ එක්සත් අරාබි එමීර් රාජ්යය මෙලෙස ජෝර්දානයට උපකාර කිරීමට ඉදිරිපත් විය.
මෙම සහන මුදල සම්බන්ධයෙන් සාකච්ඡාවක් අද (11) සෞදි අරාබියේ මක්කමදී සෞදියේ සල්මාන් රජුගේ ප්රධානත්වයෙන් පැවැත්විණි. ඊට ජෝර්දානයේ අබ්දුල්ලා රජු, කුවෙටයේ ෂීක් සබාහ් අල් අහ්මද් අල් ජබෙර් අල් සබාහ් එමීර්වරයා සහ එක්සත් අරාබි එමීර් රාජ්යයේ උප ජනාධිපති ෂීක් මොහොමෙද් බින් රෂීද් යන අය සහභාගී වූහ.
055
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගල්ෆ් රටවල් තුනකින් ජෝර්දානයට ඩොලර් බිලියන 2.5 ක්