ජකර්තාහිදීය (ඒ.එෆ්.පී)

ඉන්දුනීසියාවේ ජලාශයක සිදු වූ බෝට්ටු අනතුරකින් 180කට ආසන්න පිරිසක් අතුරුදන්ව ඇතැයි එරට පොලීසිය අද (20) නිවේදනය කළේය. 

සුමාත්‍රාවේ ටෝබා ජලාශයේදී බෝට්ටුවක් පෙරළී යාමෙන් එම අනතුරු සිදු වී තිබේ. අනතුරුට පත්වන අවස්ථාවේදී බෝට්ටුවේ කොතරම් පිරිසක් සිටියාද යන්න සම්බන්ධයෙන් නිශ්චිතව ප්‍රකාශ කිරීම හැකියාවක් නැතැයි ඉන්දුනීසියානු බලධාරීන් පවසා තිබිණි.  

ලීයෙන් ඉදි කර තිබූ බව කියන එම විශාල ප්‍රමාණයේ බෝට්ටුව පෙරළී ගියේ සඳුඳා (18) ය.

 අතුරුන් වී ඇතැයි පොලිසිය අද (20) සඳහන් කළ පිරිස මුලින් ප්‍රකාශයට පත් කළ පිරිසට වඩා තුන් ගුණයකින් වැඩිය. 

ඉන්දුනීසියානු ආයතනයක් කිහිපයක් අතුරුදන් වූ පිරිස සම්බන්ධයෙන් පරස්පර තොරතුරු ප්‍රකාශයට පත් කිරීම හේතුවෙන් මේ වනවිට අර්බුදකාරී තත්ත්වයක් ද නිර්මාණය වී තිබේ. 
 
අනතුරට පත්වූ බෝට්ටුව නීතිවිරෝධී අයුරින් මගීන් ප්‍රවාහනය කරන ලද්දක් බව ද පැවසේ. 

කෙසේ වෙතත් අතුරුදන් වූවන් සොයමින් සෙවුම් සහ මුදා ගැනීම් මෙහෙයුම් ආරම්භ කිරීමට එරට ආපදා ආයතනය පියවර ගෙන තිබිණි. බෝට්ටුව අනතුරට පත්වන අවස්ථාවේදී එහි 80කට ආසන්න පිරිසක් සිටි බවත් යතුරුපැදි රැසක් එහි වූ බවත් ආපදා ආයතනය සඳහන් කර තිබිණි. 

එහෙත් පොලිසිය බෝට්ටුව අනතුරුට පත්වන අවස්ථාවේදී එහි 178 සිට ඇති බව සඳහන් කරමින් පොලිසිය අද (20) නිවේදනයක් නිකුත් කළේය. 

(055)