ඇෆ්ගනිස්තානයේ කාබුල් අගනුවර පැවැති විවාහ මංගල්යය උත්සවයකට පසුගිය සතියේදී එල්ල වූ බෝම්බ ප්රහාරයෙන් මියගිය ගණන 80ක් දක්වා ඉහළ ගොස් ඇතැයි එරට ජ්යෙෂ්ඨ නිලධාරීහු දෙදෙනක් අද (21) ප්රකාශ කළහ.
පසුගිය සෙනසුරාදා රාත්රියේ දී එම බෝම්බ ප්රහාරය එල්ල වූ අතර ප්රහාරයෙන් 63 දෙනකු මියගිය බව එරට නිලධාරීහු ඉරිදා පස්වරුවේ ප්රකාශ කළහ. එහෙත් තුවාල ලබා සිටි ඇතැම් පුද්ගලයන් පසුව මියගිය බවත් ප්රහාරයෙන් මියගිය ගණන මේ වනවිට 80ක් දක්වා ඉහළ ගොස් ඇති බවත් එරට අභ්යන්තර කටයුතු අමාත්යාංශයේ ප්රකාශක නස්රත් රහ්මි පැවැසීය.
“තුවාල ලබා ප්රතිකාර ලබමින් සිටි තවත් 17 දෙනකු මියගිය. 160කට වැඩි පිරිසක් තවමත් ප්රතිකාර ලබමින් සිටිනවා” යැයි ඔහු කීවේය.
තුවාල ප්රතිකාර ලබමින් සිටින 160 දෙනාගෙන් වැඩි දෙනකුගේ තත්ත්වය බරපතළ බවත් ඇතැම් පුද්ගලයන්ට ශල්යකර්ම පවා කළ නොහැකි බවත් අභ්යන්තර කටයුතු අමාත්යාංශයේ තවත් ජ්යෙෂ්ඨ නිලධාරියෙක් කීය.
ඉස්ලාමික් ස්ටේට් (අයි.එස්) සංවිධානය ප්රහාරයේ වගකීම බාරගත්තේය.
ආරක්ෂාව තහවුරු කරන්නැයි ඇෆ්ගන් වැසියන්ගෙන් එරට රජයට දැඩි පීඩනයක් එල්ල වී තිබෙන අතර බොහෝ ඇෆ්ගන් වැසියන් ඔවුන්ගේ විවාහ මංගල්ය උත්සව යනාදිය අවලංගු කර ඇතැයි වාර්තා වේ. මෙම කාලය ඇෆ්ගන් වැසියන්ගේ එරට බහුතර ප්රජාව වන මුස්ලින් වැසියන්ගේ උත්සව සමයකි. එසේ වුවද ඔවුන් බොහෝ දෙනකු ඔවුන්ගේ උත්සව ආදිය අවලංගු කර ඇත.
සටන්කාමීන්ට එරෙහිව යුද්ධය නිසා මේ වසරේ පළමු මාස හයේදී ආසන්න වශයෙන් ඇෆ්ගන් වැසියන් 3,812 දෙනකු ජීවිතක්ෂයට පත්ව ඇතැයි ද රජයේ හමුදා සහ විදෙස් හමුදා එල්ල කළ ප්රහාරවලින් තුවාල ලැබුවන්ගේ සංඛ්යාව ශීඝ්රයෙන් ඉහළ ගොස් ඇතැයි ද එක්සත් ජාතීන්ගේ සංවිධානය පසුගිය ජූලි මාසයේදී සඳහන් කළේය.
පසුගියදා එල්ල වූ ප්රහාරයෙන් පසුව කාබුල් අගනුවර පමණක් විවාහ මංගල්යය උත්සව 25කට වැඩි සංඛ්යාවක් කල් තබා ඇතැයි පොලිසිය සඳහන් කළේය. ඇමෙරිකානු හමුදා ඇෆ්ගනිස්තානයෙන් ඉවත් කරගැනීම සම්බන්ධයෙන් ඇමෙරිකාව සහ තලේබාන් සංවිධාන අතර සාකච්ඡා අවසන් අදියරේ තිබෙන බැවින් අයි.එස්. සංවිධානය ඉදිරියේදී ප්රහාර එල්ල කරනු ඇතැයි ද පැවසේ.
“අපි රජයට බදු ගෙවනවා. අපේ ආරක්ෂාව තහවුරු කිරීමේ අපේ ජීවිත ආරක්ෂා කිරීම රජයේ වගකීමක්. ආරක්ෂා වීමට අපට අයිතියක් තිබෙනවා” යැයි විවාහ මංගල්යය උත්සව ශාලා හිමියන්ගේ සංගමයේ ප්රධානී මොහොමද් නදීර් පැවැසීය. උත්සව ශාලා 100කට වැඩි ප්රමාණයක හිමිකරුවෝ මෙහි සාමාජිකයෝ වෙති.
(රොයිටර් ඇසුරිනි)
055
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ඉරානය සමඟ ව්යාපාර ගනුදෙනු පවත්වන්නේ නම්, සම්බාධකවලට මුහුණ දීමට සිදුවනු ඇතැයි ඇමෙරිකා රාජ්ය දෙපාර්තමේන්තුව පාකිස්තානයට අනතුරු ඇඟවීමක් කර තිබේ.
බ්රිතාන්යයේ ඔටුන්න හිමි විලියම් කුමරුන්ගේ බිරිඳ මෙන්ම, වේල්සයේ කුමරිය යන ගෞරව නාමයෙන් ද හැඳින් වෙන, කේට් මිඞ්ල්ටන් කුමරියට චාල්ස් රජුගේ ප්රසංශා හ
ලෙබනනයේ හිස්බුල්ලා සටන්කාමීන් උතුරුදිග ඊශ්රායලයේ හමුදා මූලස්ථානයක් ඉලක්ක කර ගනිමින් රොකට් ප්රහාර මාලාවක් එල්ල කළ බව විදෙස් මාධ්ය පවසයි.
දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්රහීම් රයිසි සහ පාකිස්තාන අග්රාමාත්ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇෆ්ගනිස්තානයේ මංගලෝත්සවයට එල්ල වූ ප්රහාරයෙන් මියගිය ගණන 80ට නගී
Sugath Friday, 23 August 2019 04:02 AM
මේ හැම එකටම මුල අර කන්යාවන් 72 තිබෙන පෙරේත කම .