ඇමෙරිකා එක්සත් ජනපදයේ මේරිලන්ඩ් ප්රාන්තයේ බැල්ටිමෝර් හි සිදු වු පිපිරීමකින් නිවාස රැසකට හානි සිදු වී ඇතැයි වාර්තා වේ. පිපිරීමෙන් එක් පුද්ගලයකු මරණයට පත්ව ඇති බවත් පුද්ගලයන් තිදෙනකු තුවාල ලබා ඇති බවත් රොයිටර්ස් පුවත් සේවය වාර්තා කරයි.
තුවාල ලැබූ තිදෙනාගේ තත්ත්වය බරපතළ වන අතර දරුවන් ඇතුළු පස්දෙනකු ගොඩනැගිල්ලක සිර වී ඇතැයි ද වාර්තා වේ.
ගෑස් කාන්දුවක් හේතුවෙන් මෙම පිපිරීම හටගෙන ඇති බව ගිනි නිවන භටයන් උපුටා දක්වමින් ‘බැල්ටිමෝර් සන්’ පුවත් වෙබ් අඩවිය වාර්තා කළේය. කෙසේ නමුත් පිපිරීමට හේතුව කුමක්දැයි මෙතෙක් නිශ්චිතව අනාවරණය වී නැත.
නිවාස කිහිපයක් විනාශ වී ඇති අයුරුත් සුන්බුන් විසිරී ඇති අයුරුත් දැක්වෙන ඡායාරූප කිහිපයක් ප්රසිද්ධියට පත්ව තිබූ අතර සහන සේවකයන් සුන්බුන් අතරින් ගමන් කරමින් තුවාල ලැබූ පිරිස් සොයන අයුරු ද එම ඡායාරූපවල දැක්විණි.
“එක් වයස්ගත කාන්තාවක් පිපිරීමෙන් මරණයට පත්වුණා. සෝදිසි මෙහෙයුම් තවදුරටත් ක්රියාත්මක” යැයි බැල්ටිමෝර් ගිනි නිවන දෙපාර්තමේන්තුව ට්විටර් පණිවුඩයක් නිකුත් කරමින් සඳහන් කළේය.
රෝගීන් තිදෙනකුගේ තත්ත්වය බරපතළ බවත් තවත් පස්දෙනකු නිවසක සිර වී සිටින බවත් බැල්ටිමෝටර් ගිනි නිවන භටයන්ගේ සංගමය ද ට්විටර් පණිවුඩයක් නිකුත් කරමින් සඳහන් කර තිබිණි.
“නිවාස කිහිපයක් විනාශ වී ගිහින්. පස්දෙනකු ගොඩනැගිල්ලක සිර වී සිටිනවා. දරුවන් ද එහි සිටිනවා” යැයි එම සංගමය සඳහන් කළේය.
ගිනි නිවන භටයන් ගොඩනැගිල්ල තුළ සිර වී සිටින එක් පුද්ගලයකු සමඟ සන්නිවේදන සබඳතා පවත්වාගෙන යන බව ද රොයිටර්ස් පුවත් සේවය වාර්තා කර තිබිණි.
බැල්ටිමෝටර් හි ගෑස් සහ විදුලි සමාගම මෙන්ම බැල්ටිමෝර් හි හදිසි ආපදනා කළමනාකරණයේ කාර්යාලයේ නිලධාරීන් ද සිද්ධිය වූ ස්ථානයට පැමිණ ඇතැයි බැල්මිටෝර් සන් පුවත් වෙබ් අඩවිය වාර්තා කර තිබිණි.
“අපි සිදුවීම වූ ස්ථානයට ගියා. ගිනි නිවන දෙපාර්තමේන්තුව සමඟ එක්ව අවශ්ය ක්රියාමාර්ග ගනිමින් ඉන්නේ” යැයි ගෑස් සමාගමේ ප්රකාශක රිචඩ් යෝස්ට් ‘බැල්ටිමෝර් සන්’ පුවත් වෙබ් අඩවියට පැවැසීය. ප්රදේශයට ගෑස් සපයන නල වසා දැමීමට සිය සේවක කණ්ඩායම් ක්රියාමාර්ග ගනිමින් සිටින බව ද ඔහු කීවේය. ගෑස් පද්ධතිය අක්රීය කළ පසු සිදුවූයේ කුමක්දැයි සොයා බලන බව ද හෙතෙම කීය.
රොයිටර්
055
ජනප්රිය කන්නඩ චිත්රපට නිළියක වන හර්ෂිකා පූණාචා සහ ඇගේ සැමියා ට කිසියම් කිරිසක් කරදර කර ඇතැයි ඉන්දීය මාධ්ය පවසයි.
උතුරු කොරියාවේ පාසල් දරු දැරියන් එක් වී, උතුරු කොරියා නායක කිම් ජොන් උන් අගයමින් ගැයූ ගීයක්, නායක කිම් ජොන් උන්ගේ ‘නිල ගීතය’ බවට පත් වී ඇතැයි උතුරු කොරි
ඉරානයට මිසයිල සහ ඩ්රෝන ප්රහාරය එල්ල කිරීමට ප්රථම ඇමෙරිකාවට ඊශ්රායලය ඒ බව දැනුම් දුන් බව පැවැසෙයි. කෙසේ නමුත් තමන් ඉරානයේ ඉලක්ක වෙත ප්රහාරයක් එල්
පාකිස්තානයේ පළාත් රැසකට මහ වැසි ඇද හැලෙයි. මහ වැසි සහ අකුණු අනතුරු හේතුවෙන් 87 දෙනකු ජීවිතක්ෂයට පත්ව ඇති බවත්, 82 දෙනකු තුවාල ලබා ඇති බවත් පාකිස්තාන ජාතික
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකාවේ බැල්ටිමෝර් හි ගින්නක්