ඇමෙරිකා එක්සත් ජනපදය, චීනයට සම්බාධක පනවමින් ගෝලීය වෙළෙඳ නීති කඩ කර ඇතැයි ලෝක වෙළෙඳ සංවිධානය සඳහන් කරයි.
එක්සත් ජනපද ජනාධිපති ඩොනල්ඩ් ට්රම්ප් චීනය සමඟ වෙළෙඳ යුද්ධයක් ආරම්භ කරමින් චීනයට සම්බාධක පැනවූ අතර ඉන් පසු දෙරට එකිනෙකාට එරෙහිව සම්බාධක පනවා ගත්තේ ය.
ඒ අතරවාරයේදී ඩොනල්ඩ් ට්රම්ප් පරිපාලනය ඩොලර් බිලියන ගණනින් චීනයට සම්බාධක පනවා ඇති අතර එහිදි ලෝක වෙළෙඳ සංවිධානයේ, ගෝලීය වෙළෙඳ නීති කඩ කර ඇතැයි එම සංවිධානය සඳහන් කරයි. ලෝක වෙළෙඳ සංවිධානයේ මෙම අනාවරණය සම්බන්ධයෙන් ට්රම්ප් පරිපාලනය කෝප ගෙන ඇතැයි ද වාර්තා වේ.
ඇමෙරිකානු ඩොලර් බිලියන 200කට වැඩි වටිනාකමක් සහිත චීන භාණ්ඩ මත සම්බාධක පැනවූයේ මීට වසර දෙකකට පෙර ට්රම්ප් පරිපාලනයට ඊට පිළිතුරු දෙමින් පැවැසීය. චීනය බුද්ධිමය දේපළ මංකොල්ලයක නිරත වී සිටි බැවින් එසේ සම්බාධක පැනවූයේ යැයි ද සිය ක්රියාමාර්ග සාධාරණීයකරණය කරමින් ඇමෙරිකා එක්සත් ජනපදය ප්රකාශ කරයි. එසේ බුද්ධිමය දේපළ මංකොල්ලකමින් ඇමෙරිකානු සමාගම්වල භාවිත කෙරෙන තාක්ෂණය චීන වෙළෙඳපොළවලට ප්රවේශ කරගැනීම සඳහා චීනය එම සමාගම්වලට බලපෑම් කළ බව ද ඇමෙරිකාව චෝදනා කරයි.
කෙසේ නමුත් ඇමෙරිකා එක්සත් ජනපදය චීනයට පමණක් තීරුබදු පනවමින් සහ එක්සත් ජනපදය මීට පෙර එකඟතාව පළ කළ අනුපාතවලට ඉහත අගයක තීරුබදු පනවමින් ඇමෙරිකා එක්සත් ජනපදය අදාළ නීති කඩ කර ඇතැයි ලෝක වෙළෙඳ සංවිධානය පෙන්වාදෙයි. ලෝක වෙළෙඳ සංවිධානයේ විශේෂඥ සාමාජිකයන් තිදෙනකුගෙන් සමන්විත කමිටුවක් විසින් වාර්තාවක් නිකුත් කරමින් එම අනාවරණය සිදු කරනු ලැබ ඇත. එපමණක් නොව අදාළ තීරුබදු පැනවූයේ ඇයි ද යන්න සම්බන්ධයෙන් ඇමෙරිකා එක්සත් ජනපදය ප්රමාණවත් පැහැදිලි කිරීමක් කර නැතැයි ද එම කමිටුව පෙන්වා දී ඇත.
‘‘ට්රම්ප් පරිපාලනය අවුරුදු හතරක් තිස්සේ කියන දේ මේ කමිටුවෙන් තහවුරු වී තිබෙනවා. චීනයේ හානිකර තාක්ෂණික පිළිවෙත් නැවැත්වීමට ලෝක වෙළෙඳ සංවිධානය ප්රමාණවත් නැහැ’’ යැයි අදාළ කමිටු වාර්තාවට ප්රතිචාර දක්වමින් ඇමෙරිකා එක්සත් ජනපදයේ වෙළෙඳ නියෝජිත රොබට් ලයිට්තයිසර් පැවැසීය.
බහුපාර්ශවීය වෙළෙඳ ක්රමවේදයට සහාය දෙන බවත් ලෝක වෙළෙඳ සංවිධානයේ නීති සහ එහි නියෝගවලට ගරු කරන බවත් මේ සම්බන්ධයෙන් නිවේදනයක් නිකුත් කරමින් චීනයේ වාණිජ අමාත්යාංශය සඳහන් කළේය. ඇමෙරිකා එක්සත් ජනපදය ද එසේ කරනු ඇතැයි තමන් බලාපොරොත්තු වන බව ද චීන වාණිජ අමාත්යාංශය තවදුරටත් සඳහන් කළේය.
රොයිටර්
055
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකාව ගෝලීය වෙළෙඳ නීති කඩකරලා