ඊශ්රායලයේ දැඩි මැදිහත්වීම නිසා එක්සත් ජනපද කොංග්රසයට එරට ජාතික ලැදියාවන්ට අනුකූලව නියමාකාරයෙන් කටයුතු කිරීමට නොහැකි වී ඇතැයි දේශපාලන විශ්ලේෂකයෙක් පෙන්වා දී තිබේ.
එක්සත් ජනපද කොංග්රස් සභිකයන් ඊශ්රායල බලපෑමට යටත්ව ඇතැයි යන්න පෙන්වා දී තිබෙන්නේ කලකට පෙර භාෂාවේදියකු ලෙස ඇමෙරිකා බුද්ධි අංශවලට සම්බන්ධව කටයුතු කළ දේශපාලන විශ්ලේෂකයකු වන ස්කොට් රිකාඩ්ය. ඔහු මෙම කරුණු ප්රකාශ කර ඇත්තේ ඉරානයේ ප්රේස් ටී.වී පුවත් සේවය සමඟ සම්මුඛ සාකච්ඡාවකට එක්වෙමිනි.
ඉරානය සම්බන්ධයෙන් ට්රම්ප් පරිපාලනය අනුගමනය කරන උපායමාර්ගය ඇමෙරිකා එක්සත් ජනපදයේ හිටපු රාජ්ය ලේකම් ජෝන් කෙරීගේ දැඩි විවේචනයට ලක්වීම ගැන අසන ලද ප්රශ්නයකට පිළිතුරු දෙමින් ස්කොට් රිකාඩ් ඊශ්රායල මැදිහත් වීම සම්බන්ධයෙන් අදහස් දැක්වීය.
ඇමෙරිකා එක්සත් ජනපදය , ඉරානය ඇතුළුව ලොව බලවත් රටවල් හයක සහභාගීත්වයෙන් අත්සන් තබන ලද ඉරාන න්යෂ්ටික ගිවිසුම අවසන් කර දමන බවට ඇමෙරිකා ජනාධිපතිවරයා පසුගිය දිනෙක තර්ජනය කළේය. ඉරාන න්යෂ්ටික ගිවිසුමේදී ඉරානය හා ඇමෙරිකා එක්සත් ජනපදය ප්රමුඛත්වය ගෙන කටයුතු කළ අතර එක්සත් ජාතීන්ගේ ආරක්ෂක කවුන්සිලයේ නිත්ය සාමාජික රටවල් පහ සහ ජර්මනිය ඊට සම්බන්ධ වූ අනෙකුත් රටවල්ය. අදාළ ගිවිසුමට එකඟත්වය පළ කිරීමේදී එවකට ඇමෙරිකා ජනාධිපති බැරක් ඔබාමා සහ රාජ්ය ලේකම් ජෝන් කෙරී ප්රමුඛත්වයක් ගෙන කටයුතු කළේය.
ඉරාන න්යෂ්ටික ගිවිසුම අත්සන් තැබීමෙන් පසු එරටට ඇමෙරිකාව පනවා තබා තිබූ සම්බාධක ඉවත් කිරීමට ද පියවර ගැනුණු අතර නැවත සම්බාධක පැනවීම සම්බන්ධයෙන් ජනාධිපති ට්රම්ප්ගේ අවධානය යොමු වී තිබේ. ඉරානයට නැවත වරක් සම්බාධක පැනවීමේ යෝජනාව ඇමෙරිකා ජනාධිපතිවරයා එරට කොංග්රසයට ද එම යෝජනාව ඉදිරිපත් කර තිබේ.
කොංග්රසය සහ ඇමෙරිකාවේ මිත්ර පාර්ශව ඉරාන න්යෂ්ටික ගිවිසුම සංශෝධනය කිරීමට කටයුතු නොකරයි නම් ගිවිසුම අවසන් කරන බවට ඇමෙරිකා ජනාධිපතිවරයා තවදුරටත් ප්රකාශ කර තිබේ.
මෙම කරුණු සම්බන්ධයෙන් අදහස් දක්වන ස්කොට් රිකාඞ් මෙසේ ද පවසයි. “ඇමෙරිකා කොංග්රසය තුළ එවැන්නක් කිරීම පහසු වෙන්නේ නැහැ. ඊශ්රායල හිතවත් පාර්ශවවලින් කොංග්රසයටත් කොංග්රස් සභිකයන්ටත් විශාල බලපෑමක් එල්ල වී තිබෙනවා. ඒ වගේම කොංග්රස තුළ ඉරාන විරෝධි පිරිසක් සිටිනවා. ඉරාන විරෝධීන් රිපබ්ලිකන් පක්ෂය තුළ මෙන් ඩිමොක්රටික් පක්ෂය තුළත් ඉන්නවා. මොවුන් සියලු දෙනා ඊශ්රායල හිතවත් න්යාය පත්රයේ රූකඩ බවට පත්වෙලා”
(055)
ජනප්රිය කන්නඩ චිත්රපට නිළියක වන හර්ෂිකා පූණාචා සහ ඇගේ සැමියා ට කිසියම් කිරිසක් කරදර කර ඇතැයි ඉන්දීය මාධ්ය පවසයි.
උතුරු කොරියාවේ පාසල් දරු දැරියන් එක් වී, උතුරු කොරියා නායක කිම් ජොන් උන් අගයමින් ගැයූ ගීයක්, නායක කිම් ජොන් උන්ගේ ‘නිල ගීතය’ බවට පත් වී ඇතැයි උතුරු කොරි
ඉරානයට මිසයිල සහ ඩ්රෝන ප්රහාරය එල්ල කිරීමට ප්රථම ඇමෙරිකාවට ඊශ්රායලය ඒ බව දැනුම් දුන් බව පැවැසෙයි. කෙසේ නමුත් තමන් ඉරානයේ ඉලක්ක වෙත ප්රහාරයක් එල්
පාකිස්තානයේ පළාත් රැසකට මහ වැසි ඇද හැලෙයි. මහ වැසි සහ අකුණු අනතුරු හේතුවෙන් 87 දෙනකු ජීවිතක්ෂයට පත්ව ඇති බවත්, 82 දෙනකු තුවාල ලබා ඇති බවත් පාකිස්තාන ජාතික
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකා කොංග්රසයට ඊශ්රායලයෙන් බලපෑම්