මියන්මාරයේ හමුදා රෙජීමය බලයෙන් පහ කෙරුණු එරට නායික අවුන් සාන් සූකී මහත්මියට තවත් චෝදනාවක් එල්ල කර ඇතැයි ඇයගේ නීතිඥවරයා වන කින් මවුන්ග් සෝ මහතා අද (16) පැවැසීය.
මියන්මාරයේ ස්වභාවික ආපදා කළමනාකරණ නීතිය යටතේ ඇයට මෙලෙස චෝදනා එල්ල කර ඇති අතර එය ඇයට එල්ල වූ දෙවැනි චෝදනාව වේ.
ප්රජාතන්ත්රවාදී නායිකා අවුන් සාන් සූකී මේ සතියේදී අධිකරණයට ඉදිරිපත් කරනු ඇතැයි ඇයගේ නීතිඥවරයා සෝ ඊයේ පැවැසීය.
ඉකුත් 1 වැනිදා මියන්මාර හමුදාව එරට බලය අල්ලා ගත් අතර අවුන් සාන් සූකී මහත්මිය ඇතුළු ජාතික ප්රජාතන්ත්රවාදී ලීගයේ දේශපාලන නායකයන් අත්අඩංගුවට ගත්තේ ය.අමියන්මාරයේ හමුදාව අවුන් සාන් සූකීට එරෙහිව චෝදනා ඉදිරිපත් කර තිබෙන අතර එම චෝදනා විභාගයට ගැනීම සඳහා මෙලෙස ඇය අධිකරණයට ඉදිරිපත් කිරීමට නියමිත ය.
අවුන් සාන් සූකී විඩියෝ තාක්ෂණය ඔස්සේ අධිකරණ කටයුතුවලට සම්බන්ධ වනු ඇතැයි ද ඇයගේ නීතිඥවරයා කීය.
ඉකුත් වසරේ පැවැති මහ මැතිවරණයෙන් අවුන් සාන් සූකීගේ නායකත්වයෙන් යුත් ජාතික ප්රජාතන්ත්රවාදී ලීගය පක්ෂය විශිෂ්ට ජයග්රහණයක් අත්පත් කරගත්තේ ය. කෙසේ නමුත් මැතිවරණයේදී වංචා සිදු වූ ඇතැයි මියන්මාර හමුදා පාලනය දිගින් දිගටම චෝදනා කළේය. මහ මැතිවරණයෙන් පසු පළමු වරට මියන්මාර පාර්ලිමේන්තුව ඉකුත් 1 වැනිදා රැස්වීමට නියමිතව තිබිණි. පාර්ලිමේන්තුව රැස්වීමට පැය කිහිපයක් තිබියදී මියන්මාර හමුදා ජුන්ටාව එරට බලය අත්පත් කරගත්තේ ය.
මියන්මාර හමුදාවේ අත්ඩංගුවට පත්ව සිටින නොබෙල් සාම ත්යාගලාභී අවුන් සාන් සූකී මේ වනවිට 75 වැනි වියේ පසුවෙයි.
ඇයගේ එල්ල වූ පළමු චෝදනාව වන්නේ, ඇගේ නිවසේ තිබී ‘වෝකී-ටෝකී’ ඇතුළු සන්නිවේදන උපකරණ හමු වූ බවත් ඒවා ට කිසිදු නෛතික අවසරයක් නැති බවත් නීතිවිරෝධී ලෙස සන්නිවේදන උපකරණ ආනයනය කළ බවත්ය.
මියන්මාරයේ ජනාධිපති වින් මින්ත් මහතා ද අවුන් සාන් සූකී මෙන් හමුදා අත්අඩංගුවට පත්ව සිටියි. නව කොරෝනා වයිරසය පාලනය කිරීම සඳහා පනවා තිබෙන සීමා කඩ කළ බවට ඔහුට චෝදනා එල්ල වී තිබේ. ජනාධිපති වින් මින්ත් ගේ සහභාගීත්වයෙන් පසුගිය වසරේ පැවැති මැතිවරණ ප්රචාරක රැලියකට සිය ගණනක් සම්බන්ධ වූහ.
ඔවුන් දෙදෙනාගෙන් අද සහ හෙට යන දිනවලදී ප්රශ්න කිරීමට නියමිත බව ද අවුන් සාන් සූකීගේ නීතිඥවරයා පැවැසීය. අවුන් සාන් සූකීගේ සහ මියන්මාර ජනාධිපතිවරයාගේ රැඳවුම් කාලය තවදුරටත් දීර්ඝ කරනු ඇතැයි ද හෙතෙම කීය.
- ඒ.එෆ්.පී. -
(055)
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ඉරානය සමඟ ව්යාපාර ගනුදෙනු පවත්වන්නේ නම්, සම්බාධකවලට මුහුණ දීමට සිදුවනු ඇතැයි ඇමෙරිකා රාජ්ය දෙපාර්තමේන්තුව පාකිස්තානයට අනතුරු ඇඟවීමක් කර තිබේ.
බ්රිතාන්යයේ ඔටුන්න හිමි විලියම් කුමරුන්ගේ බිරිඳ මෙන්ම, වේල්සයේ කුමරිය යන ගෞරව නාමයෙන් ද හැඳින් වෙන, කේට් මිඞ්ල්ටන් කුමරියට චාල්ස් රජුගේ ප්රසංශා හ
ලෙබනනයේ හිස්බුල්ලා සටන්කාමීන් උතුරුදිග ඊශ්රායලයේ හමුදා මූලස්ථානයක් ඉලක්ක කර ගනිමින් රොකට් ප්රහාර මාලාවක් එල්ල කළ බව විදෙස් මාධ්ය පවසයි.
දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්රහීම් රයිසි සහ පාකිස්තාන අග්රාමාත්ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අවුන් සාන් සූකීට තවත් චෝදනාවක්
බද්රානි Wednesday, 17 February 2021 02:52 PM
ලොවම රැවටුවා. රෝහීන්ගයා මුස්ලිම් ජනතාව ඝාතනය කිරීමට අනුබල දුන් ඇයට දැන් දිට්ඨ ධම්ම වේදනීය කර්මයට මුහුණ දීමට සිදුවී තිබෙනවා. ලංකාවට බොහෝසෙයින් සමාන චර්යාවන් ඇති මියන්මාර ජනතාවටත් කිසිදාක සැනසීමක් නැහැ. මිලේච්ඡ සාහසිකයෝ...