සූඩානයේ  විරෝධතාකරුවන් සහ පොලිසිය අතර ඇති වූ ගැටුමෙන් තිදෙනෙක් මියගොස් ඇති බව විදෙස් මාධ්‍ය පවසයි.

දීර්ඝ කාලයක් පාලන බලයේ සිටින සුඩාන ජනාධිපති ඕමාර් අල් බෂීර් මහතාගේ පාලනයට විරුද්ධව ඔවුහු මෙසේ විරෝධතා දැක්වූහ. 

සූඩානයේ අගනුවර වඩාත් ප්‍රචණ්ඩකාරී විරෝධය පළකිරිමක් දක්නට ලැබුණු අතර දහස් ගණනක් විරෝධතාකරුවන් පාර්ලිමේන්තු භූමියටද  පැමිණ විරෝධය පලකර ඇත.

විරෝධතාකරුවන් අට දෙනෙකු තුවාල ලබා ඇති අතර විරෝධතාකරුවන් විසුරුවා හැරීමට පොලිසිය කදුලු ගෑස් ප්‍රහාර  සහ අහසට වෙඩි ප්‍රහාර එල්ල කර ඇත. 

පොලීසිය සහ විරෝධතාකරුවන් අතර වඩාත් ප්‍රචණ්ඩකාරී ගැටුම් දෙසැම්බර් 19 දා ආරම්භ වී ඇති අතර ඔම්දුර්මාන් නගරයේ දී දහස් ගණනක් පිරිස් ඒ සඳහා සහභාගී වී ඇත.

සති තුනක් තිස්සේ පැවති මෙම ගැටුම් වලින් ආරක්ෂක හමුදා සාමාජිකයින් දෙදෙනෙකු ඇතුළු 19 දෙනෙකු මිය ගොස් ඇති අතර විරෝධතාකරුවන් 800 කට අධික සංඛ්‍යාවක් අත්අඩංගුවට ගෙන ඇති බව  සුඩාන බලධාරීහු පවසති.

(63226)